2 HKAWHKAM 13:3 - Jinghpaw Common Language Bible 2009

³ Dai rai nna, dai Madu gaw Israela hpe masin pawt wu ai rai nna Suri Hkawhkam Hazaela hte shi a kasha Benhadad a lata hta lang hte lang Israela masha ni hpe gasat dang kau lu na ahkang jaw wu ai.

Jinghpaw Hanson Version Bible

³ Shing rai Yehowa gaw Israela hpe pawt sindawng nga ai rai nna, Suri hkawhkam Hazaela hte shi a kasha Benhada a lata hta e, shanhte hpe tut tut ap kau mu ai.

2 HKAWHKAM 13:3 ပူးပေါင်းရင်းမြစ်များ

1 HKAWHKAM 19:17

Hazaela a lata hta si ari jaw hkrum ti mung lawt wa ai kadai hpe mung Yehu sat kau na ra ai. Yehu a lata kaw na lawt wa ai kadai hpe mung Elisha e sat kau ai hkrum na rai wu ai.

2 HKAWHKAM 12:17

Dai aten hta Suri Hkawhkam Hazaela gaw Gat mare hpe shang gasat nna madu la wu ai. Dai hpang Yerusalem mare hpe mung gasat la na myit daw dan da wu ai.

2 HKAWHKAM 13:22

Suri Hkawhkam Hazaela gaw Yehoahaza hkaw dung ai prat tup, Israela masha ni hpe zingri zingrat di da wu ai.

2 HKAWHKAM 17:20

Dai Madu gaw Israela amyu masha ni yawng hpe ningdang kau wu ai rai nna hpang jahtum shi a man kaw nna shanhte hpe gawt shapraw kau ai aten du hkra shanhte hpe ari jaw nna mazut ai gumlau hpyen ni a lata de shanhte hpe ap kau nga wu ai.

YEREMIA 49:27

Ngai gaw Damasku mare bunghku ni hpe wan nat nna, dai gaw Hkawhkam Benhadad a htingnu du hkra hkru mat na ra ai. Chyahtum Chyalai N-gun rawng ai dai Madu ngai nan tsun ni ai.”

JAW JAU 26:17

Ngai gaw nanhte hpe myi man kayin kau da na made ai, shaloi nanhte sum mat na marin dai. Nanhte hpe n dawng n yawt ai ni mahtang nanhte a ntsa e up na mara ai; nanhte hpe kadai n hkan shachyut ti mung hprawng nna grai hkrit gari mat na rai myit dai.

AMO LAIKA (AMOS) 4:10

“Egutu mung hta ngai dat dat ai ana zinli hte bung ai palik ana zinli hpe nanhte a ntsa de mung ngai shangun dat ni ai. Nanhte a shabrang ni hpe majan pa hta, ngai sat kau ya ni ai; nanhte a gumra ni hpe mung ngai la kau ya ni ai. Nanhte a dap hta si mang ni a manam hkying ai hte nanhte a ladi ni hta ngai jahpring ya ni ai. Shing rai tim, nanhte ngai kaw nhtang wa myit dai n rai.

TARA JAHPRANG 28:25

“Nanhte hpe hpyen ai gumlau hpyen ni hpe dai Madu gaw awng padang jaw kau ya na ra ai. Nanhte gaw man maga langai hku sha shanhte hpang de htim sa wa lu myit ti mung, nanhte gaw shanhte kaw na lam maga sanit hku hprawng htaw mat wa na rai myit dai. Ga ntsa na masha amyu baw ni yawng nanhte hta byin ai lam ni hpe yu nna hkrit gari mat na mara ai.

HEBRE 12:29

Hpa majaw nga yang, anhte a Karai Kasang gaw hkru jahten kau chye ai wan nan rai nga ai.

TARA AGYI 2:14

Shing rai dai Madu gaw Israela hpe masin yu kahtet wu ai majaw shanhte hpe htim gasat nna kashun kashe di nhtawm hpya kau na ni a lata hta ap ya kau wu ai. Shi gaw shanhte hpe grup yin na masha hpyen ni a lata de ap kau ya wu ai majaw Israela masha ni shanhte hkum hpe loi mi pyi n makawp maga la lu na rai ma ai.

TARA AGYI 3:8

Dai Madu gaw Israela ni hpe pawt sindawng wu ai rai nna Mesopotamia Hkawhkam Hkushan Rishahtim a lata de shanhte hpe ap ya ma ai; Shi gaw shanhte hpe matsat ning tup up hkang lai wa nu ai.