2 HKAWHKAM 13:12 - Jinghpaw Common Language Bible 2009

¹² Yehoasha galaw nu ai amu magup ngu na Yuda Hkawhkam Amazia hpe hkap gasat yang na shi a share shagan ai magam ni hpe Israela Hkawhkam ni a Labau Laika hta ka matsing da nga ai.

Jinghpaw Hanson Version Bible

¹² Ya naw gawn ra ai, Yehoasha amu ni mung, shi galaw ai lam mahkra hte, Yuda hkawhkam Amazia hpe hkap gasat ai magam ni hpe mung, Israela hkawhkam ni a labau gawn ai laika hta ka da nga ai, n rai ni?

2 HKAWHKAM 13:12 ပူးပေါင်းရင်းမြစ်များ

1 HKAWHKAM 14:19

Hkawhkam Yeroboam galaw nu ai lam magup shagu ngu na, shi gasat lai wa sai majan ni a lam hpe mung, mungdan hpe gara hku up hkang ai lam yawng hpe mung, Israela Hkawhkam ni a Labau Laika hta ka matsing da nga ai.

2 HKAWHKAM 1:18

Hkawhkam Ahazia galaw nu ai lam magup hpe Israela Hkawhkam ni a Labau Laika hta ka matsing da nga ai.

2 HKAWHKAM 13:11

Shi mung Israela masha ni hpe yubak lam de lam woi shadam ai Hkawhkam Yeroboam a n hkru n shawp ai kasi hta hkan nang let dai Madu hpe yubak grai galaw shut kau nga wu ai.

2 HKAWHKAM 13:13

Yehoasha si mat sai rai nna Samari mare na hkawhkam lupwa hta lup makoi da ma ai; shi a kasha Yeroboam II gaw shi a hkang hta hkaw dung let hkawhkam tai wa sai.

2 HKAWHKAM 14:25

Dai Madu Israela a Karai Kasang gaw shi a shangun ma, Gat Hehpera kaw na Amati a kasha myihtoi Yona hku nna jaw tawn da ai ga sadi hte maren, Israela ni madu da sai lamu ga rai nga ai dingdung maga Hamat uhkan kaw nna dingda maga Jum Nawng du hkra dam ai lamu ga yawng hpe shi bai gasat dawm la wu ai.