2 HKAWHKAM 13:1 - Jinghpaw Common Language Bible 2009

¹ Yuda Hkawhkam Ahazia a kasha Yosha hkaw dung ai hkun masum ning hta Yehu a kasha Yehoahaza gaw Israela hkawhkam tai wa sai rai nna Samari mare e hkaw dung let shi sanit ning up nga ai.

Jinghpaw Hanson Version Bible

¹ Yuda hkawhkam Ahazia kasha Yosha a hkaw dung ai hkun masum ning hta e, Yehu a kasha Yehoaza gaw, Samari mare hta e hkaw dung hpang nna, Israela amyu ntsa e shi sanit ning tup up nga ai.

2 HKAWHKAM 13:1 ပူးပေါင်းရင်းမြစ်များ

2 HKAWHKAM 10:30

Dai Madu gaw Yehu hpe, “Ya nang chyawm gaw ngai nang hpe galaw shangun mayu ai amu magup hte maren Ahab amyu matu ni hpe galaw nit dai. Dai re ai majaw na a amyu matu hta na prat mali du hkra Israela a hkawhkam ni tai nga na mara ai gaw, ngai nang hpe ga sadi jaw nngai,” ngu nna tsun wu ai.

2 HKAWHKAM 11:21

Yosha gaw shi a asak sanit ning hta Yuda hkawhkam tai wa sai.

2 HKAWHKAM 11:4

Rai ti mung sanit ning ngu na shaning hta e, hkinjawng Yehoiada gaw hkawhkam amyu lakung hpe sin ai du salang ni hte hkawhkam htingnu sin ai du salang ni hpe shaga la nhtawm, dai Nawku Htingnu kata de shanhte hpe jashawn la mu ai; dai yang e shi kaning rai galaw sa wa na yaw shada ai lam hta myit hkrum ga shaka la shangun wu ai. Shaloi Hkawhkam Ahazia a kasha Yosha hpe shi shapraw dan let,

2 HKAWHKAM 12:1

Israela Hkawhkam Yehu hkaw dung ai sanit ning hta Yosha gaw Yuda hkawhkam tai wa sai rai nna Yerusalem mare hta hkaw dung let mali shi ning tup up hkang nga ai. Shi a kanu gaw Berasheba mare na Zibia rai nga ai.

2 HKAWHKAM 13:10

Yuda Hkawhkam Yoasha hkaw dung ai sumshi sanit ning hta Yehoahaza a kasha Yehoasha mung Israela hkawhkam tai wa nhtawm Samari e hkaw dung let shi kru ning up nga ai.

2 HKAWHKAM 13:2

Shi a shawng na Hkawhkam Yeroboam zawn Israela masha ni hpe yubak lam de lam woi shadam nna dai Madu hpe shut hpyit kau wu ai. Shi galaw ai n hkru n shawp ai amu hpe galoi mung n lu koi kau lu wu ai.

2 HKAWHKAM 15:12

Dai rai nna ning rai byin ai lam gaw, “Dai Madu gaw na a amyu matu mara ni prat mali du hkra Israela a hkawhkam ni tai na mara ai,” ngu nna Hkawhkam Yehu hpe jaw tawn da ai ga sadi dik wa ai lam rai nga ai.

2 HKAWHKAM 8:26

Yuda hkawhkam tai wa sai rai nna Yerusalem mare e laning mi hkaw dung let up hkang nga ai. Shi a kanu gaw Hkawhkam Ahab a shayi sha Ahtalia rai nna Israela Hkawhkam Omri a kashu shayi sha rai nga ai.