2 HKAWHKAM 11:3 - Jinghpaw Common Language Bible 2009

³ Ya Hkawhkam Ahtalia gaw dai mung hpe up nga yang, Yehosheba gaw dai ma hpe Nawku Htingnu kata makoi da ai shara hta kru ning tup yu lanu lahku ai hte bau maka da wu ai.

Jinghpaw Hanson Version Bible

³ Shing rai shi gaw masut num hte rau, Yehowa a nta e kru ning makoi nga nna, Ahtalia gaw dai mung ntsa e up nga ai.

2 HKAWHKAM 11:3 ပူးပေါင်းရင်းမြစ်များ

2 HKAWHKAM 11:2

Ahazia a kasha Yosha chyu sha lawt wa nga ai. Shi mung kaga ni hte rau sat kau hkrum hkyen ai wa rai nga ai; rai ti mung Hkawhkam Yehoram a shayi sha, Ahazia a kanau daw ai shi a kamoi Yehosheba a jaw e hkye mawai la hkrum ai wa rai nga ai. Shi a kamoi gaw shi hpe woi la nhtawm shi hpe gawn lajang ai numsha hte rau Nawku Htingnu kata na yup gawk langai mi de woi tawn da wu ai rai nna, sat kau ai n hkrum hkra Ahtalia a myi man kaw nna makoi da wu ai.

2 HKAWHKAM 11:4

Rai ti mung sanit ning ngu na shaning hta e, hkinjawng Yehoiada gaw hkawhkam amyu lakung hpe sin ai du salang ni hte hkawhkam htingnu sin ai du salang ni hpe shaga la nhtawm, dai Nawku Htingnu kata de shanhte hpe jashawn la mu ai; dai yang e shi kaning rai galaw sa wa na yaw shada ai lam hta myit hkrum ga shaka la shangun wu ai. Shaloi Hkawhkam Ahazia a kasha Yosha hpe shi shapraw dan let,

2 HKAWHKAM LABAU 22:12

Num Hkawhkam Ahtalia up nga yang, shi gaw dai yang e kru ning tup makoi nga wu ai.

PRU MAT 2:2

shi gaw dai wa a matu shadang sha langai shangai ya wu ai. Ma dai ahpraw tsawm nga ai hpe kanu mu wu ai shaloi shi gaw ma dai hpe shata masum tup makoi da wu ai.

MALAHKI 3:15

Dai hpe anhte mu ai hte maren nga yang, gumrawng gumtawng ai ni gaw kabu gara ai ni rai ma ai. N hkru ai ni gaw ngamu ngamai wa ai sha n-ga, shanhte a n hkru ai arawn alai ni hte Karai Kasang a hkam sharang ai hpe shanhte chyam yu ai hte lawt lu nga ai,’” ngu nna tsun manit dai.

TARA AGYI 9:5

Shi gaw Ohpra mare e nga ai shi a kawa a nta de wa nna, Gidon a shadang sha ni ngu na shi a hpu nau sanit shi hte hpe lunghtawn langai mi a ntsa e sat sharu kau wu ai. Rai ti mung, Gidon a shadang sha hpungdim ngu na Yohtam chyawm gaw makoi nga ai majaw sat kau hkrum wu ai n rai.