2 HKAWHKAM 10:4 - Jinghpaw Common Language Bible 2009

⁴ Samari mare hpe up hkang nga ai ni hkrit gari nga ma ai rai nna shanhte gaw, “Hkawhkam Yoram mung, Hkawhkam Ahazia mung n lu ninghkap ai mi, anhte kaning rai Yehu wa hpe ninghkap lu na ga ta?,” ngu nna tsun ma ai.

Jinghpaw Hanson Version Bible

⁴ Shanhte mahtang ja ja hkrit gari let, “Yu mu, ndai hkawhkam lahkawng pyi shi a man e n tsap nga lu yang gaw, anhte kaning rai tsap nga lu na rai ta?” nga nna tsun shajang ma ai.

2 HKAWHKAM 10:4 ပူးပေါင်းရင်းမြစ်များ

2 HKAWHKAM 10:3

kaja htum atsam marai rawng ai hkawhkam amyu matu ni hpe nanhte lata la nna shi hpe hkawhkam shatai mu; shi a matu gasat ya nga mu.”

2 HKAWHKAM 9:24

Yehu wa gaw shi a ndan hpe n-gun mahkra hte gap dat wu yang, pala gaw Yoram a shingma hku shang mat wa nhtawm salum e wa hkra ya nga ai. Yoram gaw shi a hpyen leng hta kadawng si mat wu ai.

2 HKAWHKAM 9:27

Hkawhkam Ahazia gaw byin ai lam hpe mu jang, shi a hpyen leng hta jawn nna Bet Hagan mare maga de hprawng mat wa wu ai. Yehu chyawm gaw shi hpe hkan shachyut let, “Shi hpe sat kau mu!,” ngu nna shi a masha ni hpe hkang dat wu yang, Iblim mare makau na Gura kadawng e shi a hpyen leng hpe gawt lung wa yang shanhte shi hpe hkala kau mu ai. Rai ti mung shi gaw Megido mare de du hkra matut sa wa lu ai hte dai yang e si wa sai.

YOBA 41:8

Shi hpe lang mi sha hkra yu ai hte nang galoi mung bai shakut mayu na ndai n rai; dai gasat gala ai hpe nang galoi mung malap kau lu na rin dai n rai.

ESAIA 27:4

Ngai gaw sabyi sun hpe pawt sindawng nga sana n rai, Dai sun hta ju hpun ni hte tsing ni hkap daw nga ai rai yang, dai ni hpe ngai atsai awai nat kau na we ai.

YEREMIA 49:19

Hkanghkyi gaw htat ai maling kaw na gumtawng pru wa ai zawn, Yawdan hka mayan kaw nna tsit lali ai udat shara du hkra, ngai sa du nhtawm Edom masha ni hpe shanhte a mungdan kaw nna akajawng sha hprawng shangun na nngai. Shaloi ngai san da ai ningbaw wa gaw dai mung hpe up na ra ai. Ngai hte shabung lu ai wa kadai nga nga a ta? Kadai wa ngai hpe dakat lu nga a ni? Kaning re ai up hkang du wa gaw ngai hpe ninghkap shadang lu nga a ni?

NAHUM 1:6

Shi pawt sindawng ai shaloi, kadai hkrung nga lu a ta? Shi a hkrithpa masin kahtet ai a majaw, kadai hkrung lu nga a ta? Shi gaw agrung nga ai shi masin kahtet ai hpe ru bun nga ai; shi a man e, lunghkrung ni ga nhpu zawn agrawp mani mat nga ai.

LUKA 14:31

Bai lam mi gaw, hkawhkam langai mi gaw, shi a hpyenla mun mi hte, shi hpe gasat na nga nna hpyenla mun lahkawng hte sa wa ai kaga hkawhkam langai mi hpe hkap gasat na pru sa wa maw yang, shi gaw dai hpyen ni hpe hkap manga lu na daram n-gun rawng n rawng, shawng n nan dung nna daw dan na ra ai.