2 HKAWHKAM 1:3 - Jinghpaw Common Language Bible 2009

³ Rai ti mung dai Madu a lamu kasa gaw Tishbi mare na myihtoi Elia hpe Hkawhkam Ahazia a kasa ni hte sa hkrum na matu hkang dat nhtawm shanhte hpe, “Nanhte hpa majaw Ekron karai Balazebu hpe sa san nga myit ni? Dai gaw Israela mung hta karai kaga n nga sai ngu nna nanhte myit nawn la myit dai majaw rai kun?

Jinghpaw Hanson Version Bible

³ Yehowa a lamu kasa chyawm gaw, Tishbi masha Elia hpe, “Rawt u, Samari hkawhkam a kasa ni hpe sa tau la nna, ‘Ataw, Israela mung hta e Karai Kasang n nga ai majaw, Ekron mare na Balazebu hpara hpe sa san yu na, rai myit ni?

2 HKAWHKAM 1:3 ပူးပေါင်းရင်းမြစ်များ

1 HKAWHKAM 11:33

Shawlumon gaw ngai hpe ningdang kau nna maigan karai ni rai nga ai Sidon karai num Astarte hpe mung, Moba karai Hkemosha hpe mung, Amon karai Molek hpe mung nawku wu ai majaw, ndai amu hpe ngai galaw na we ai. Shawlumon gaw shi a kawa Dawi galaw ai zawn nye a ga hpe n madat n mara ai hte shut hpyit ai amu galaw nhtawm nye a Tara ni hte hkang da ai ga ni hpe n hkan shatup nga nu ai.

1 HKAWHKAM 17:1

Gilead mung Tishbi mare kaw na Elia mying ai myihtoi langai mi gaw Hkawhkam Ahab hpe, “Dai Madu a mying ningsang hta mung, ngai daw jau nga ai dai ahkrung nga ai Israela a Karai Kasang hta mung ngai bai tsun ai aten du hkra, ndai lahkawng masum ning laman numri mung n hkrat, marang mung n htu na ra ai gaw ngai nang hpe tsun nga nngai,” ngu nna tsun wu ai.

1 HKAWHKAM 18:1

Ya hkun hkraw ai masum ning hta dai Madu gaw Elia hpe, “Nang hkum nan Hkawhkam Ahab kaw sa du su; shaloi ngai marang jahtu dat na nngai,” ngu nna tsun wu ai.

1 HKAWHKAM 18:36

Ya shana de hkungga nawng ya na aten hta, myihtoi Elia gaw tawn hkungri de sit sa nna, “Abraham, Isak hte Yaku ni a Madu Karai Kasang e, nang gaw Israela a Karai Kasang rai nga ndai mung, ngai gaw na a shangun ma rai nga nngai mung, na a hkang da ai ga hte sha ndai amu ni yawng hpe galaw nngai mung, ya jang sakse shapraw dan u law.

1 HKAWHKAM 19:5

Shi gaw hpun npu e galeng taw let yup pyaw nga ai. Lamu kasa gaw akajawng sha shi hpe sa ahtawk let, “Rawt u, shat sha u,” ngu nna tsun wu ai.

1 HKAWHKAM 19:7

Dai Madu a lamu kasa mung bai nhtang sa let lahkawng lang ngu na shi hpe jasu sharawt nhtawm, “Rawt u, shat sha u. Ndai hkrun lam gaw na a matu nau wa rai la na ra ai,” ngu nna tsun wu ai.

1 HKAWHKAM 21:17

Dai Madu gaw Tishbi mare na myihtoi Elia hpe, “Samari

2 HKAWHKAM 1:2

Israela Hkawhkam Ahazia gaw Samari mare e nga ai shi a hkawhkam htingnu ntsa htap na nbang pinra kaw na di hkrat mat wu ai majaw grai sawng mat hkra machyi mat wu ai. Dai rai nna shi bai hkam kaja wa na, n kaja na lam chye lu hkra nga, Hpilisti karai Balazebu hpe san yu na matu shi a kasa nkau mi hpe Ekron mare de shangun dat wu ai.

2 HKAWHKAM 1:6

Shanhte gaw, “Anhte hpe nhtang wa mu nga nna sa tsun ai masha langai mi hte hkrum ga ai rai nna dai Madu mung nang hpe, ‘Ekron karai Balazebu hpe san yu na matu, nang hpa majaw kasa ni hpe shangun dat n ni? Dai Israela mung hta karai n nga sai ngu nanhte myit nawn la myit dai majaw rai nga a ni? Nang gaw machyi nga ai kaw na bai mai wa na ndai n rai, nang si na rai nga ndai!,’” ngu nna nang hpe tsun u, nga nna htet dat ai ngu nna htan mu ai.

2 HKAWHKAM 1:8

Shanhte gaw, “Dai wa gaw yam nga ahpyi hte galaw ai palawng galu hpe hpun nhtawm shanhpyi shingkyit langai kyit da nga ai,” ngu nna htan mu ai. Shaloi hkawhkam wa gaw, “Dai gaw Elia n rai a hka!,” ngu nna tsun wu ai.

2 HKAWHKAM 5:15

Shi gaw shi a masha ni yawng hte Elisha hpang de nhtang wa nhtawm, “Ya chyawm gaw Israela Karai Kasang hta lai nna kaga karai n nga nga ai hpe ngai chye ni ai: dai re ai majaw madu e, chyeju hte ngai kaw na kumhpaw kumhpa hkap la ya e,” ngu nna tsun wu ai.

2 HKAWHKAM 5:8

Shing rai byin ai lam hpe myihtoi Elisha na jang, hkawhkam wa hpang de ning nga nna ga htet dat wu ai: “Nang hpa majaw dai daram wa myit ru nga n ni? Dai wa hpe ngai hpang de shangun dat ru; Israela mung e myihtoi langai nga ai lam ngai shi hpe madun dan na we ai!”

SHAKAWN KUNGDAWN 76:1

Yuda mung hta e, Karai Kasang hpe chye ma ai, shi a mying nsang hpe Israela mung hta e, shagrau sha-a nga ma ai.

ESAIA 8:19

Rai ti mung amyu masha ni gaw kadum kahte nga nna tsun ai mandan bau ai sara ni hte nat myihtoi ni kaw mandan ga hpyi san na matu nanhte hpe tsun na mara ai. Shanhte gaw, “Hpang jahtum e, amyu masha ni gaw wenyi minla ni kaw nat ga san mai ang ai hte hkrung nga ai ni a matu si mat sai ni hte tsun shaga san jahkrup nga ma ai,” ngu nna tsun na mara ai.

YONA 2:8

Akyu n rawng ai hpara sumla nawku ai ni gaw nang hta sadi dung nga ai lam kau da manu ai.

MARKU 3:22

Yerusalem de nna yu wa ai tara sara nkau mi gaw Yesu hpe, “Shi hta Bezebula nat jawn nga ai. Dai nat ni a agyi wa kaw na n-gun atsam hte shi nat ni hpe shaden kau wu ai,” nga nna tsun ma ai.

KASA 8:26

Ya dai Madu a lamu kasa langai mi Hpilip hpe tsun wu ai gaw, “Rawt u, Yerusalem kaw nna Gaza de sa wa ai lam pru hkra dingda de tawk sa wa su,” ngu wu ai. (Dai lam gaw dai ni n lang mat sai nam mali lam rai nga ai.)

1 SAMUELA 17:46

Dai ni jang, dai Madu gaw nye a lata de nang hpe ap kau na ra ai rai nna nang hpe ngai gasat dang kau nhtawm na a baw kahtam di la na nngai. Hpilisti ni a moi mang ni hpe mung ntsa malen u ni hte dusat ni sha na matu, ngai jaw kau na mawe ai. Israela amyu hta Karai Kasang nga nga ai hpe mungkan ga ting chye lu na mara ai;