2 HKAWHKAM 1:2 - Jinghpaw Common Language Bible 2009

² Israela Hkawhkam Ahazia gaw Samari mare e nga ai shi a hkawhkam htingnu ntsa htap na nbang pinra kaw na di hkrat mat wu ai majaw grai sawng mat hkra machyi mat wu ai. Dai rai nna shi bai hkam kaja wa na, n kaja na lam chye lu hkra nga, Hpilisti karai Balazebu hpe san yu na matu shi a kasa nkau mi hpe Ekron mare de shangun dat wu ai.

Jinghpaw Hanson Version Bible

² Ya Ahazia gaw, Samari mare hta e nga ai, shi a ntsa gawk na hkuwawt hku kaw nna di hkrat ai majaw machyi nga ai; shaloi shi gaw kasa shaga la nna shanhte hpe, “Ngai ndai machyi ai kaw na mai wa lu na kun? Ekron mare e nga ai Balazebu hpara hpe sa san yu ma su,” ngu dat mu ai.

2 HKAWHKAM 1:2 ပူးပေါင်းရင်းမြစ်များ

1 HKAWHKAM 11:33

Shawlumon gaw ngai hpe ningdang kau nna maigan karai ni rai nga ai Sidon karai num Astarte hpe mung, Moba karai Hkemosha hpe mung, Amon karai Molek hpe mung nawku wu ai majaw, ndai amu hpe ngai galaw na we ai. Shawlumon gaw shi a kawa Dawi galaw ai zawn nye a ga hpe n madat n mara ai hte shut hpyit ai amu galaw nhtawm nye a Tara ni hte hkang da ai ga ni hpe n hkan shatup nga nu ai.

1 HKAWHKAM 14:3

Shi a matu muk tawng shi, muk pa nkau mi hte lagat ntsin namtau ni mung la sa ya u. Shing rai an a kasha hpa byin wa na ra ai lam shi hpe san u, shaloi shi nang hpe tsun dan na ra ai,” ngu nna tsun wu ai.

1 HKAWHKAM 22:34

Suri hpyenla wa pagawn mi gap dat ai pala langai mi gaw Hkawhkam Ahab a ninggang magap a hkrihkraw lapran ang ang e gap jung dat ya wu ai. Shi gaw shi a gumra leng gau ai wa hpe, “Ngai hkala hkrum ni ai law! Kayin mat wa nhtawm majan pa kaw nna shapraw mat wa ya e!,” ngu nna tsun wu ai.

1 HKAWHKAM 22:40

Shi si mat jang, shi a kasha Ahazia shi a hkang hta hkaw dung let hkawhkam tai wa sai.

2 HKAWHKAM 1:16

shi hpe, “Da ndai gaw dai Madu tsun ai ga rai nga ai: ‘Israela mung hta nang san yu na karai kaga n nga mat sam nga ndai, Ekron karai Balazebu hpe sa san yu na matu kasa ni hpe nang shangun dat nga ndai majaw, nang hkam kaja wa lu na ndai n rai; nang si na rin dai!’”

2 HKAWHKAM 1:3

Rai ti mung dai Madu a lamu kasa gaw Tishbi mare na myihtoi Elia hpe Hkawhkam Ahazia a kasa ni hte sa hkrum na matu hkang dat nhtawm shanhte hpe, “Nanhte hpa majaw Ekron karai Balazebu hpe sa san nga myit ni? Dai gaw Israela mung hta karai kaga n nga sai ngu nna nanhte myit nawn la myit dai majaw rai kun?

2 HKAWHKAM 1:6

Shanhte gaw, “Anhte hpe nhtang wa mu nga nna sa tsun ai masha langai mi hte hkrum ga ai rai nna dai Madu mung nang hpe, ‘Ekron karai Balazebu hpe san yu na matu, nang hpa majaw kasa ni hpe shangun dat n ni? Dai Israela mung hta karai n nga sai ngu nanhte myit nawn la myit dai majaw rai nga a ni? Nang gaw machyi nga ai kaw na bai mai wa na ndai n rai, nang si na rai nga ndai!,’” ngu nna nang hpe tsun u, nga nna htet dat ai ngu nna htan mu ai.

2 HKAWHKAM 17:16

Shanhte gaw dai Madu shanhte a Karai Kasang a tara ni yawng hpe jahten sharun kau nhtawm shanhte nawku na matu nhprang arai hte shachyaw ai dumsu kasha sumla lahkawng hpe galaw ma ai. Shanhte gaw Ashera karai num a gawkngu sumla langai mi hpe galaw nna, shagan ni hpe nawku let Bala karai ni hpe daw jau nga ma ai.

YOBA 31:3

Shi gaw shut ai amu galaw ai ni hpe tsin-yam tsindam hte hten run lam dat dat ya nga ai.

Shawlumon A Mahkawn Ga 2:9

Nye a tsaw ra wa gaw chyahkyi langai zawn rai nna shan-nga kasha hte mung bung nga ai. Yu u, shi gaw bunghku makau e tsap nga ai. Shi gaw hkuwawt hku mada yu nhtawm hkinchyi hku hku praw rai mada yu nga ai.

ESAIA 19:3

Ngai gaw Egutu masha ni a hpaji daw maw mawn ai lam ni hte shanhte a myit jasat lam ni hpe jahten sharun kau ya na we ai. Shanhte gaw shanhte a hpara sumla ni hpe karum la na matu hpyi lajin wa na mara ai. Shanhte gaw nat myihtoi ni kaw sa du nna bawng ban jahkrup ai hte hpaji jaw ga a matu si mat sai ni a tsu minla hte ga shaga na lajin wa na mara ai.

ESAIA 2:6

O Karai Kasang, nang gaw Yaku a matu mara ni ngu ai na a amyu masha ni hpe kau da nga nit hka! Dai lamu ga gaw Sinpraw mung hte Hpilisti masha ni kaw na mandan shaba wawt amu ni hte hpring nga ai. Amyu masha ni gaw maigan htung arawn alai hta hkan nang nga ma ai.

ESAIA 37:12

Nye a kaji kawa ni gaw Gozan, Haran, hte Rezep mare ni hpe jahten kau nna Telesa mung hta nga ai Behteden masha ni hpe sat kau manu ai, shanhte a karai ni kadai mung shanhte hpe n lu hkye la ma ai.

ESAIA 37:19

karai ni n rai nga ai shanhte a karai ni hpe nat kau ma ai; dai ni gaw masha a lata hte galaw ai hpun nlung hpara sumla ni sha rai nga ai hpe anhte yawng chye ga ai.

MAHTE 10:25

Dai rai nna sape gaw shi a sara zawn mayam gaw shi a madu zawn rai nga a yang gaw, myit dik ram nga ai. Shanhte gaw nta madu wa hpe Bezebula ngu mu yang gaw, shi a nta masha ni hpe grau n kaja dik ai mying ni shamying na mu ai n rai hka!

MARKU 3:22

Yerusalem de nna yu wa ai tara sara nkau mi gaw Yesu hpe, “Shi hta Bezebula nat jawn nga ai. Dai nat ni a agyi wa kaw na n-gun atsam hte shi nat ni hpe shaden kau wu ai,” nga nna tsun ma ai.

LUKA 11:15

Rai ti mung, shanhte hta na nkau mi gaw, nat agyi wa Bezebula a atsam jaw ya ai hte, shi nat ni hpe shaden kau lu nga ai,” nga ma ai.

KASA 20:9

Utuhku ngu ai la shabrang ma langai mi gaw hku wawt hku mahka e yup nga dung nga ai. Pawlu grau grau matut manoi ga tsun galu nga yang yup malap mat wa ai hte nta htap masum kaw na di hkrat mat wa ai. Masha ni shi hpe sa hta pawn yu yang, shi si mat sai.

YAWSHU 15:11

Dai hpang Ekron dingdung maga na kawng hku lai, Shikeron hku hprang, Bala Bum bai lai, Yamne de hprawt rai nhtawm, Sinna maga de na lamu ga jarit sumri gaw Ka-ang Panglai hta wa htum sai.

TARA AGYI 11:24

Ya dai hpe nang bai madu la na shakut mayu nga n ni? Na a hpara Hkemosha nang hpe jaw ai made nang madu la lu na ndai; rai ti mung dai Madu anhte a Karai Kasang anhte hpe jaw mi ai hte maren, anhte gaw lam magup hpe madu la na rai ga ai.

TARA AGYI 5:28

Sisera a kanu gaw hkuwawt hku mada yu let; dai hkinchyi hku hku shingdu kaw na sa yu azi nhtawm, “Hpa majaw shi a leng lau n du wa hkraw ai i? “Hpa majaw shi a gumra leng ni nhtang wa maga de lanyan ma ai i?,” ngu nna san wu ai.

1 SAMUELA 5:10

Dai rai nna, shanhte mung kaga Hpilisti mare rai nga ai Ekron mare de dai Ga Shaka Sumpu hpe sa kau dat mu ai; rai ti mung dai yang e dai Sumpu du jang, masha ni gaw, “Anhte yawng hpe sat kau na nga, Israela a Karai Kasang a Ga Shaka Sumpu hpe shanhte la wa myit hka i!,” ngu nna jahtau tsun ma ai.