1 YAWHAN 5:3 - Jinghpaw Common Language Bible 2009

³ Hpa majaw nga yang, Karai Kasang a hkang da ai ga ni hpe hkan galaw ai lam gaw shi hpe tsaw ra ai lam rai nga ai. Shi a hkang da ai ga chyawm gaw, anhte a matu yak la nga ai n rai.

Jinghpaw Hanson Version Bible

³ Kaning rai nme law, Karai Kasang a hkang da ai ga hpe hkan galaw ai lam gaw, shi hpe tsawra ngu ai lam rai nga ai; shi a hkang da ai ga chyawm gaw, yak la nga ai n rai.

1 YAWHAN 5:3 ပူးပေါင်းရင်းမြစ်များ

2 HKAWHKAM 18:6

Shi gaw dai Madu hta sadi dung kam sham nga ai wa rai nna, shi a ga hpe galoi mung n madat nga ai wa n rai; dai Madu Mawshe hpe jaw ya nu ai hkang da ai ga ni yawng hpe chyawm gaw sadi sahka hte shadik shatup da wu ai.

SHAKAWN KUNGDAWN 119:140

Na a ga sadi gaw kade wa teng man nga a hka! Dai hpe ngai kade wa tsaw ra nga n hka!

SHAKAWN KUNGDAWN 119:45

Na a sharin achyin ai hpe ngai madat mara hkan nang shakut nga nngai majaw, hkum tsup ai shanglawt ahkaw ahkang hta ngai hkawm sa nga na nngai.

PRU MAT 20:6

Rai ti mung, ngai hpe tsaw ra nna nye a tara ni hpe madat mara ai ni hpe chyawm gaw prat ban hkying mun du hkra, nye a tsaw ra myit madun nga nngai.

GA SHAGAWP 3:17

Hpaji byeng-ya gaw na a asak hpe shangwi shapyaw ya nna, dai lam hku, nang hpe shim lum ai hte woi sa wa lu nga ai.

Daniela 9:4

Ngai gaw dai Madu nye a Karai Kasang hpe akyu hpyi let nye a amyu masha ni a yubak mara ni hpe yin la nga nngai. Ngai gaw, “Madu Karai Kasang e, nang gaw galu kaba nga ndai majaw anhte nang hpe shagrau sha-a ga ai. Nang gaw na a ga shaka hta sadi dung nga ndai rai nna nang hpe tsaw ra ai ni hpe dinggrin tsaw ra myit madun dan nna nang hkang da ai hte maren hkan galaw nga ndai.

MIHKA 6:8

N rai law, dai Madu gaw anhte hpe mai kaja ai amu galaw na matu she hkang da sai. Anhte kaw na shi hpyi ai gaw ndai lam rai nga ai: “Teng man ai amu galaw na lam, dinggrin tsaw ra myit madun dan na lam, anhte a Karai Kasang hte kanawn mazum ai hta myit grit myit nem hte asak hkrung hkawm nga na lam ni hpe sha, shi hpyi nga ai.”

MAHTE 23:4

Shanhte gaw li la ai hte hpai yak ai lit hpe masha shingma hta gyit shakap mara da nhtawm, shanhte gaw tinang a yunghkyi hte sha pyi n kam mala sharawt karum mayu ma ai.

YAWHAN 14:15

Nanhte ngai hpe tsaw ra myit dai rai yang gaw, nye a hkang da ai ga ni hpe madat mara hkan shatup na myit dai.

YAWHAN 15:10

Ngai gaw nye Wa a hkang da ai ga ni hpe madat mara hkan shatup nna, shi a tsaw ra ai hta maju jung nga nngai zawn, nanhte mung nye a hkang da ai ga ni hpe madat mara hkan shatup myit yang gaw, nye a tsaw ra ai hta maju jung na myit dai.

YAWHAN 15:14

Nanhte hpe ngai hkang da ai ga hkan shatup myit yang gaw nanhte nye a jinghku ni rai nga myit dai.

ROMA 7:12

Dai rai nna Jep ai Tara shi nan chyoi pra nga ai, dai hkang da ai ga mung chyoi pra nga ai, ding hpring ai hte mai kaja nga ai.

ROMA 7:22

Nye a kraw lawang myit gaw Karai Kasang a Tara hta kabu gara sharawng awng nga ai.

TARA JAHPRANG 5:10

Ngai hpe tsaw ra nna nye a hkang da ai tara ni hpe hkan sa madat mara ai ni hpe chyawm gaw prat ban hkying mun du hkra nye a tsaw ra myit amadun nga na nngai.

TARA JAHPRANG 7:9

Dai Madu nanhte a Karai Kasang gaw shi chyu sha Karai Kasang rai nga ai hpe adum nga mu; shi gaw kang ka re ai wa rai nga ai. Shi hpe tsaw ra ai hte shi a hkang da ai ga ni hpe hkan sa madat mara ai ni hpe chyawm gaw prat ban hkying mun du hkra shi a dinggrin tsaw ra myit madun dan let shi a ga shaka hpe shatup na rai wu ai;

HEBRE 8:10

Ya ndai ga shaka gaw du na ra ai nhtoi ni a hpang e Israela amyu masha ni hte ngai tawn da na ga shaka rai nga ai. Shanhte a myit masin kata hta nye a tara hpe ngai bang da ya na mawe ai, shanhte a kraw lawang hta ka da na we ai: Shanhte a Karai Kasang ngai tai na nngai rai nna, shanhte gaw nye a amyu masha ni tai na mara ai.

1 YAWHAN 2:3

Shi a hkang da ai ga hte hpe anhte madat mara hkan nang ga yang gaw, anhte shi hpe chye chyap ai ni rai nga ga ai lam hkrak chye lu ga ai.

2 YAWHAN 1:6

Ya ngai tsun nga ai tsaw ra ai ngu ai gaw Karai Kasang a hkang da ai ga hpe madat mara hkan sa let asak hkrung ai lam hpe ngu ai rai nga ai. Shawng npawt kaw nna nanhte yawng na yu manit dai hkang da ai ga chyawm gaw, nanhte yawng tsaw ra ai hta asak hkrung na lam rai nga ai.