1 YAWHAN 4:3 - Jinghpaw Common Language Bible 2009

³ Rai ti mung, dai Yesu a lam n yin la ai kadai mung, Karai Kasang kaw na yu sa ai Wenyi hpe hkap la lu ai ni n rai ma ai. Shanhte hta rawng ai Wenyi chyawm gaw nanhte na yu manit dai hte maren, du magang ra ai, rai sa ya e pyi mungkan ga de sa nga ai Hkristu a hpyen wa a wenyi rai nga ai.

Jinghpaw Hanson Version Bible

³ Yesu hpe n yin la ai wenyi shagu chyawm gaw, Karai Kasang kaw na rai nga ai, n rai: dai wenyi gaw, nanhte na yu manit dai hte maren, du magang ra ai, rai sa, ya e pyi, mungkan ga de sa nga ai, antihkristu a wenyi rai nga ai.

1 YAWHAN 4:3 ပူးပေါင်းရင်းမြစ်များ

MAHTE 24:5

Masha law law wa nye a mying hte paw pru nna, ‘Ngai gaw Meshia rai nngai,’ nga nna law law hpe lam shadam na maru ai.

1 YAWHAN 2:18

Nye a shu sha ni e, hpang jahtum ai nhtoi ni wa ra ai! nanhte hpe tsun da sai hte maren, Hkristu a hpyen ngu ai wa gaw du na ra ai rai nna, ya e pyi Hkristu a hpyen ni law law wa dawng pru ra ai majaw, hpang jahtum ai ahkying ni ra ai hpe anhte chye nga ga ai.

1 YAWHAN 2:22

Yesu gaw Meshia n rai nga ai; nga nna ndang kau ai wa sha n rai yang gaw, masu ai wa gaw kadai wa rai nga a ta? Dai Kawa hte Kasha hpe ndang kau ai wa nan, Hkristu a hpyen rai nga ai.

2 YAWHAN 1:7

Yesu Hkristu gaw masha a hkum shan hpe dagraw nna du sa ai hpe ndang kau ai hkalem ai masha law law wa mungkan ga shara shagu de pru sa mara ai. Shing re ai masha gaw masu hkalem ai hte Hkristu a hpyen rai nga ai.