1 YAWHAN 2:3 - Jinghpaw Common Language Bible 2009

³ Shi a hkang da ai ga hte hpe anhte madat mara hkan nang ga yang gaw, anhte shi hpe chye chyap ai ni rai nga ga ai lam hkrak chye lu ga ai.

Jinghpaw Hanson Version Bible

³ Shi a hkang da ai ga hte hpe anhte hkan nang ga yang gaw, anhte shi hpe chye chyap nga ai hpe, anhte chye ga ai.

1 YAWHAN 2:3 ပူးပေါင်းရင်းမြစ်များ

SHAKAWN KUNGDAWN 119:32

Nang ngai hpe chye na lu ai myit nyan hpaji hpe grau jaw ya na rai nga ndai majaw, na a hkang da ai tara ni hpe sharawng awng ai myit hte ngai madat mara hkan sa nga na nngai.

SHAKAWN KUNGDAWN 119:6

Na a hkang da ai tara ni yawng hpe ngai madat mara lu ai rai yang ngai kaya kahpa hkrum na nngai n rai.

ESAIA 53:11

Nni nkri hkrum sha ai asak a hpang, shi gaw kabu gara ai lam bai lu la na ra ai; shi gaw kaman lila nni nkri n hkam kau ai lam hpe chye wa na ra ai. Ngai sharawng awng ai hte ding man ai nye a shangun ma gaw, law law a ari hpe gun kau ya na ra ai, shi a jaw e, ngai shanhte hpe mara dat ya na nngai.

LUKA 6:46

“Ngai tsun ai hte maren n hkan galaw myit dai mi hpa rai nanhte ngai hpe Madu e, Madu e, nga myit ta?

YAWHAN 14:15

Nanhte ngai hpe tsaw ra myit dai rai yang gaw, nye a hkang da ai ga ni hpe madat mara hkan shatup na myit dai.

YAWHAN 15:10

Ngai gaw nye Wa a hkang da ai ga ni hpe madat mara hkan shatup nna, shi a tsaw ra ai hta maju jung nga nngai zawn, nanhte mung nye a hkang da ai ga ni hpe madat mara hkan shatup myit yang gaw, nye a tsaw ra ai hta maju jung na myit dai.

YAWHAN 15:14

Nanhte hpe ngai hkang da ai ga hkan shatup myit yang gaw nanhte nye a jinghku ni rai nga myit dai.

YAWHAN 17:3

Htani htana asak ngu ai chyawm gaw, langai sha rai nga ai, teng man ai Karai Kasang hpe mung, nang shangun dat ai Yesu Hkristu hpe mung, chye chyang lu ai hpe ngu ai rai nga ai.

2 KORINHTU 4:6

Yesu Hkristu a myi man hta htoi tu ai hpung shingkang a lam nanhte chye chyang u ga, anhte a myit masin hta nhtoi jahtoi ya ai Karai Kasang gaw, “Nsin hta na nhtoi htoi na ra ai,” nga nna tsun ai Karai Kasang shi nan rai nga ai.

HEBRE 5:9

Shi hpe hkum tsup ai wa shatai la ngut jang, shi gaw madat mara ai ni yawng mayawng a matu htani htana hkye hkrang la ai lam a npawt tai wa sai.

1 YAWHAN 2:13

Ji wa ni e, shawng npawt kaw nna nga nga ai wa hpe nanhte chye nga myit dai majaw, ngai nanhte hpang de ka dat nngai. Shabrang ni e, dai n hkru ai nat Satan wa hpe nanhte dang kau myit dai majaw, ngai nanhte hpang de laika ka dat nngai.

1 YAWHAN 3:14

Anhte hpu nau ni hpe tsaw ra nga ga ai majaw, anhte si ai kaw nna hkrung ai de kawt lu sagaw ai hpe anhte chye ga ai. Kahpu kanau ni hpe n tsaw ra ai wa gaw dai si ai a n-gun atsam kata e sha anga nga ai wa rai nga ai.

1 YAWHAN 3:19

Shing rai ndai hku nna anhte gaw dai teng man ai lam hpe hkan sa ai ni rai nga ga ai hpe chye lu na rai nga ai. Karai Kasang a man e mung myit mu myit hkut ai hku nna nga lu ai ahkang lu la na raga ai.

1 YAWHAN 3:6

Dai rai nna Hkristu hta e nga ai wa kadai rai ti mung, matut nna yubak n galaw nga ai, yubak naw galaw shanang ai wa kadai rai ti mung, shi hpe n mu n chye wu ai.

1 YAWHAN 4:13

Shi a Wenyi anhte hpe jaw da mi ai majaw, anhte shi hte langai sha tai nna nga nga ai lam hpe anhte hkrak chye ga ai.

1 YAWHAN 4:7

Tsaw ra ai ni e, anhte shada da tsaw ra nga ga; hpa majaw nga yang, tsaw ra ai myit gaw Karai Kasang kaw na rai nga ai. Tsaw ra chye ai wa kadai rai ti mung, Karai Kasang a kasha rai nna Karai Kasang hpe chye chyang nga ai.

1 YAWHAN 5:19

Mungkan ting gaw n hkru ai wa a up hkang ai a kata e rai nga ai, rai ti mung anhte gaw Karai Kasang hte seng ai rai nga ga ai hpe anhte chye ga ai.

1 YAWHAN 5:2

Anhte gaw Karai Kasang hpe tsaw ra nna, shi a hkang da ai ga ni hpe hkan galaw ga yang gaw, Karai Kasang a kashu kasha ni hpe mung tsaw ra nga ga ai lam anhte chye ga ai.

1 YAWHAN 5:3

Hpa majaw nga yang, Karai Kasang a hkang da ai ga ni hpe hkan galaw ai lam gaw shi hpe tsaw ra ai lam rai nga ai. Shi a hkang da ai ga chyawm gaw, anhte a matu yak la nga ai n rai.

SHINGRAN 12:17

Dai shaloi, baren numraw gaw dai numsha a lam sindawng kahtet nna, numsha a ngam nga ai aru arat ngu ai Karai Kasang a hkang da ai ga hkan nang ai hte Madu Yesu shadan dan ai teng man ai mungga hta kangka ai hte hkan sa ai ni nlang hte hpe gasat kau na matu pru sa mat wa ai.

SHINGRAN 14:12

Karai Kasang a hkang da ai ga ni hpe hkan shatup nna, Hkristu hta kangka sadi dung ai ni ngu ai Karai Kasang a masha ni gaw, ndai lam hta hkam sharang ai lam nga ra nga ai.

SHINGRAN 22:14

Asak jahkrung ai hpun a asi sha lu na hte, mare chyinghka hku shang lu na ahkang lu la na matu, tinang a hpun palawng hkrut jasan kau ai ni gaw a lu ma ai.