1 TIMOHTI 6:9 - Jinghpaw Common Language Bible 2009

⁹ Rai ti mung sut su mayu ai ni gaw, agung alau hkrum ma ai hte angawk angak hte tsin yam shabyin shangun lu ai marin marit ai lam ni law law a mahkam dawnggawng hta lup mat ma ai; dai gaw shanhte hpe hten byak ai hte sum hkrum ai hta dun bang kau manu ai.

Jinghpaw Hanson Version Bible

⁹ Kaning rai nme law, sut su mayu ai ni gaw, hten byak nna shaza kau ai hta, masha ni hpe marit si shangun kau ai gunglau ai hte dawnggawng hta, angawk angak re ai hte sheng mareng re ai myit marin ai lam amyu myu hta, lup mat ma ai.

1 TIMOHTI 6:9 ပူးပေါင်းရင်းမြစ်များ

1 HKAWHKAM 21:6

Shi gaw, “Nabot a sabyi sun hpe mari la na matu ngai hpyi tsun yu ni ai; shing n rai shi ra sharawng ai rai yang, de a malai kaga langai shi hpe jaw na we ai ngu ti mung dai hpe ngai lu la lu na n rai, nga nna shi ngai hpe tsun ai majaw rai nngai,” ngu nna htan wu ai.

SHAKAWN KUNGDAWN 11:6

Shi gaw tara n lang ai ni a ntsa e, grung nga ai wan n-ga hte hkru nga ai kan wan ni hpe ru jahkrat dat nna, shi shanhte hpe kahtet kang ai nbung ni hte ari jaw mu ai.

GA SHAGAWP 15:27

Amyat hpe n ding n man ai hku, tam shakut ai rai yang, na a dinghku masha ni ru yak shoihpa hkrum hkra nga ai. Mayun kumhpa n la ai rai yang, nang asak galu na ra ai.

GA SHAGAWP 20:21

Na a sut gan hpe loi ai hku lu la magang, sutgan dai gaw na matu akyu yawm magang rai na ra ai.

GA SHAGAWP 21:6

N teng n man ai hku, nang lu la ai sut gan ni gaw gade n na yang mat mat na ra ai rai tim, dai garai n mat mat yang, dai sut gan gaw nang hpe si du a shakap kata de woi sa mat wa na ra ai.

GA SHAGAWP 22:16

Sut gan shalaw na matu, matsan mayan wa hpe dip gamyet da nna sut su ai ni hpe kumhpa nang jaw ai rai yang, nang hkum nan matsan mayan hkrum na ra ai.

GA SHAGAWP 23:4

Sutsu wa lu hkra, na hkum nang hki si ba si hkum galaw et, dai hta hpaji rawng nga u.

ESAIA 5:8

Nanhte gaw dingnye hkrum nga myit dai! Nanhte gaw nanhte hkam la lu sai hta jat nna dum nta ni hte yi sun ni hpe grau mari da nga myit dai. Kade n na yang, dai shara hta marai langai mi nga na shara nga na ra ai n rai, nang chyu sha dai lamu ga hta nga na rai ndai.

ZEHKARIA 11:5

Madu ni gaw dai ni hpe sat ti mung ari hkrum na mara ai n rai. Shanhte gaw dai shan dut nhtawm, ‘Dai Madu hpe shakawn kungdawn mu! Anhte sut su saga ai!,’ ngu nna tsun ma ai. Tinang a sagu rem ai ni pyi shanhte hpe matsan dum nga ma ai n rai,” ngu nna tsun wu ai.

BU HKAWM 31:8

Midian hkawhkam manga rai nga ai Ewi, Rekem, Zura, Hura hte Reba ni lawm hkra sat kau ma ai. Beora a kasha Balam hpe mung sat kau ma ai.

MAHTE 13:22

Ju hpun hta hkrat ai nli tum ni gaw, dai ga hpe na la ti mung, ndai prat na myit tsang ai hte sut gan marin myit gaw, dai mungga hpe lim kau nna asi n si lu ai hte bung nga ma ai.

MAHTE 19:22

Dai shabrang wa gaw dai ga na jang, myit yawn let byawn hprang rai wa mat ai; hpa majaw nga yang, shi arai law law lu su ai wa rai nga ai.

MAHTE 26:15

“Ngai nanhte a lata hta Yesu hpe ap ya jang, ngai hpe gade jaw na myit ta?,” ngu nna san mu ai. Dai rai nna shanhte gaw gumhpraw lap sumshi hti ya mu ai.

MAHTE 6:19

“Manut hte nhkan e sha jahten nhtawm, lagu lagut ni tawk htu nna lagu la lu ai, dinghta ga ntsa e, nanhte a matu sutgan hpe hkum mahkawng da mu.

MARKU 4:19

Rai ti mung dinghta asak hkrung lam a myit ru myit tsang ai lam, sutgan ra marin ai lam hte kaga ra sharawng ai lam ni dumbru shang wa nna dai mungga hpe lim kau ai majaw asi n si lu ai.

LUKA 12:21

“Tinang a matu sutgan mahkawng da nhtawm, Karai Kasang a man e n lu n su ai wa gaw, shing re ai sahti wa hte bung na ra ai,” ngu nna tsun hpungdim wu ai.

LUKA 21:35

Hpa majaw nga yang, dai nhtoi gaw ga ntsa shara shagu hta nga nga ai masha ni yawng a ntsa e shing rai du na ra ai.

KASA 8:20

Rai ti mung Petru gaw, “Karai Kasang a kumhpaw kumhpa hpe gumhpraw hte mari la lu na re ai ngu nna nang myit nga ndai majaw nang hte na a gumhpraw gaw ngarai mung hta hten bya mat u ga.

EHPESU 4:22

Dai rai nna nanhte gaw shawng de nanhte hkan sa yu sai asak hkrung lam hta na gawng shingyan dingsa hpe mung, pyaw hpa lam hpe marin marit nna hkalem hkalau mayu ai myit a majaw, hten mat sai gawng shingyan dingsa hpe mung kabai kau mu.

TARA JAHPRANG 7:25

Shanhte a hpara sumla ni hpe nat kau ya mu; dai ni hta kap ai ja, gumhpraw ni hpe la mayu ai myit hkum rawng myit; dai ni hpe nanhte a matu ngu nna hkum hta la myit. Dai hku nanhte galaw hkrup myit dai rai yang chyawm gaw dai Madu nan hpara sumla naw ai lai hpe n dawng nga ai majaw si ging ai ari hkrum sha na rai myit dai.

1 TIMOHTI 1:9

Kaja wa nga yang anhte a myit chye na da ra ai lam gaw; dai jep ai Tara gaw kaja ai masha ni a matu n rai; tara tawt lai ai ni hte si ging ai mara kaba lu ai ni, Karai kata ai hte yubak lu ai ni, nawku htung n hkan ai ni, makam masham shing n rai wenyi lam hta myit n lawm ai ni, tinang a kanu kawa ni hpe sat ai ni, masha sat ai ni a matu,

1 TIMOHTI 3:7

Shi gaw sari jahpoi ya ai n hkrum u ga hte Nat a mahkam hta n hkrat bang wa u ga, garai n kam n sham ai masha ni a hkungga lara ai hpe hkam la lu ai masha langai mi rai ang nga ai.

1 TIMOHTI 6:10

Hpa majaw nga yang, gumhpraw marin ai myit chyawm gaw n hkru n kaja ai lam amyu myu a ru npawt rai nga ai. Masha nkau mi gaw gumhpraw hpe lu la na matu grai myit katu ra sharawng nga ma ai majaw makam masham kaw na lam yit mat wa ma ai hte yawn hkyen ai lam amyu myu hte shanhte a myit kraw lawang ni hpe daw hten mat shangun ma ai.

1 TIMOHTI 6:17

Ndai dinghta asak hkrung nga ai prat a sut gan ngamu ngamai ai lam ni hta gumrawng gumtawng n rai mu ga hte n grin ai ngamu ngamai ai lam ni hta shanhte a myit mada kam hpa shara n shatai ai sha anhte kabu gara hkam la na matu arai yawng mayawng hpe n daw n hta jaw ya ai Karai Kasang hta myit mada ala nga na matu hkang da u.

2 TIMOHTI 2:26

Dai shaloi e shanhte gaw jaw ai hku bai mu mada dum hprang wa nna Satan a mahkam kaw na lawt lu na mara ai. Dai Satan gaw shanhte hpe rim la nna shi a myit ra ai lam hpe hkan sa shangun yu sai wa rai nga ai.

TITU 2:12

Anhte gaw anhte a galu kaba ai Karai Kasang ngu ai hkye hkrang la ai Madu Yesu a hpung shingkang dan pru na a lu ai nhtoi hpe ala nga let, tara n hkungga ai myit hte mungkan ga hpe marin marit ai myit hpe kabai kau na matu mung,

YAWSHU 7:11

Israela chyawm gaw yubak galaw shut masai! Shanhte hkan shatup na matu ngai hkang da ai dai ngai hte tawn da ai ga shaka hpe shanhte run kau manu ai. Jahten sharun kau na matu daw dan da ai arai nkau mi hpe mung shanhte hta la manu ai; shanhte gaw arai mung lagu, masu mung masu, shanhte a arai ni hta dai ni hpe bang la rai ma ai.

2 PETRU 2:3

Ndai masu ai sara ni gaw shanhte a nam mak law hpa ai myit hte gyin shalat la ai maumwi ni tsun dan let amyat tam na mara ai. Moi jau jau kaw nna pyi shanhte hpe ari jaw na tara agyi wa gaw shajin da nga sai hte shanhte hpe jahten shabyak kau na wa gaw yup shamwi yup pyaw nga ai n rai.

YUDA 1:11

Shanhte gaw Ka-in hkan sa ai lam masa hpe hkan sa ma ai majaw shanhte a matu kade hkrithpa rai nga ma hka! ja gumhpraw a majaw Balam galaw shut ai baw mara a lata de shanhte hkum ni hpe ap nawng kau mu ai. Kora gumlau ai zawn shanhte gumlau ma ai majaw, shanhte hpe jahten shaza kau mu ai.