1 TIMOHTI 6:17 - Jinghpaw Common Language Bible 2009

¹⁷ Ndai dinghta asak hkrung nga ai prat a sut gan ngamu ngamai ai lam ni hta gumrawng gumtawng n rai mu ga hte n grin ai ngamu ngamai ai lam ni hta shanhte a myit mada kam hpa shara n shatai ai sha anhte kabu gara hkam la na matu arai yawng mayawng hpe n daw n hta jaw ya ai Karai Kasang hta myit mada ala nga na matu hkang da u.

Jinghpaw Hanson Version Bible

¹⁷ Ndai prat e sutgan lu ai ni gaw, gumrawng gumtawng n re ai hte, n grin ai sutgan hpe n shamyet nga ai sha, ngamu ngamai nga na matu, arai yawng mayawng anhte hpe n daw n hta jaw ai Karai Kasang hpe shamyet shanat nga na hte,

1 TIMOHTI 6:17 ပူးပေါင်းရင်းမြစ်များ

NINGPAWT NINGHPANG 13:2

Abram chyawm gaw sagu, bainam hte nga dumsu sut hte mung, aja gumhpraw sut hte mung ja ja lu su nga ai.

2 HKAWHKAM LABAU 26:16

Rai ti mung Hkawhkam Uzia gaw n-gun rawng wa jang, myit tsaw myit dap wa ai rai nna dai gaw shi hkrat sum na lam de woi mat wa nga ai. Shi gaw tawn hkungri ntsa e manam pyaw ai baw hpe nat nawng na nga Nawku Htingnu kata de shang nna dai Madu shi a Karai Kasang hpe hkap daw wu ai.

SHAKAWN KUNGDAWN 104:28

Nang dai ni hpe lusha jaw nna, shanhte dai hpe sha ma ai; nang lusha shahpa jaw nna shanhte myit dik nga ma ai.

SHAKAWN KUNGDAWN 52:7

“Yu u, ndai yang e, shi a shim lam a matu Karai Kasang hpe n kam hpa ai sha, de a malai shi a law la ai sut gan hte n hkru n shawp ai amu hta shim lam tam nga ai masha langai mi, nga nga ai,” nga nna tsun ma ai.

SHAKAWN KUNGDAWN 62:10

Kabring kabrawng du daw sai hkaw re ai amu hpe nang hkum kam hpa nga et; mya lu mya sha nna lu la ai arai hpa hpe rai tim, hkum myit mada nga et, nang sut su wa ti mung, dai ni hta myit hkum manoi nga et.

SHAKAWN KUNGDAWN 62:8

Nye a amyu masha ni e, aten shagu Karai Kasang hpe kam hpa nga mu. Shi gaw anhte a shingbyi shara rai nga ai, nanhte a ru tsang lam yawng mayawng shi hpe tsun dan mu.

GA SHAGAWP 11:28

Tinang a sut gan hta myit manoi nga ai ni gaw, nmut ta e, hpun lap ni run hkrat mat wa ai zawn, rai nga ti mung, ding hpring ai ni chyawm gaw ginhtawng ta na hpun lap ni zawn, tsit lali wa na mara ai.

GA SHAGAWP 23:5

Na a ja gumhpraw gaw singkaw tu wa ai zawn rai nna, galang zawn pyen mat wa na ra ai.

GA SHAGAWP 27:24

Hpa majaw nga yang, sut gan gaw tut e grin nga lu ai n rai, amyu baw ni pyi, htani htana grin nga lu ai n rai.

GA SHAGAWP 30:9

Dai hta jan nna ngai grau lu wa ai rai yang, ngai nang hpe n ra dum nngai ngu nna, tsun kau hkrup na ra ai. Rai ti mung, ngai matsan mayan hkrum nga yang chyawm gaw, ngai lagu nna, nye a Karai Kasang hpe kaya kahpa awu asin di kau na ring nngai.

HPAJI NINGLI 2:24

Anhte galaw lu ai kaja htum ai amu gaw lu lu sha sha hte anhte galaw lu ai amu hta kabu gara na lam sha rai nga ai. Ti mung, dai pyi Karai Kasang kaw na rai nga ai hpe ngai dum hprang nngai.

YEREMIA 2:31

Israela amyu masha ni e, ngai tsun nga ai ga madat mu. Ngai gaw na a matu zaibru jang zawn, nsin zawn hte hkrit hpa lamu ga langai zawn tai yu nga a ni? Dai re ai mi, nang ra sharawng ai hku nang galaw nna, ngai hpang de galoi mung n wa na nga nna hpa majaw tsun n ta?

YEREMIA 49:4

Sadi sahka myit n rawng ai masha ni hpa majaw gumrawng nga myit ta? Na a n-gun gaw yawm nga lit dai. Kadai mung nang hpe n sa htim gasat gwi ai nga tsun let, na a daru magam n-gun hta hpa majaw kamhpa nga n ta?

EZEKELA 16:56

Nang gumrawng gumtawng nga nna nang galaw ai n hkru n shawp ai amu ni garai n shadawng dan yang, dai nhtoi ni hta Sodom hte seng nna nang mani asan kau yu wu ni? Ya chyawm gaw, nang mung shi zawn sha, Edom masha ni, Hpilisti masha ni hte nang hpe n dawng ai kaga na a htingbu ni a man e mani hpa zawn rai nga ndai.

Daniela 4:30

shi gaw, “Yu u, Babelon mung gaw kade wa galu kaba nga a hka! Dai gaw nye a hpung dagu, n-gun atsam, hpung shingkang dan hkung ai hte hpung rawng ai lam madun dan na matu nye a mare daju shatai na ngu, ngai de da ai mare rai nga ai,” ngu nna tsun wu ai.

HOSEA 13:6

Rai ti mung nanhte gaw dai ningru ningja ai mungdan de shang myit dai shaloi, nanhte sha hkru nna myit pyaw nga myit dai; dai hpang nanhte gumrawng gumtawng wa nna ngai hpe malap kau myit dai.

MAHTE 12:32

Dai Masha Kasha hpe ga hte shut hpyit ai wa kadai hpe mung, mara raw dat kau ya na lam hku nga ai; Chyoi pra ai Wenyi hpe ga hte shut hpyit ai wa chyawm gaw, ndai prat hta rai ti mung, hpang na prat hta rai ti mung, raw dat kau ya hkrum na n rai.

MAHTE 19:23

Dai rai nna Yesu gaw shi a sape ni hpe, “Ngai nanhte hpe teng teng tsun made ga, lu su ai masha ni a matu sumsing lamu a Mungdan hta shang na nachying wa yak la nga ai.

MAHTE 25:16

Shaloi jang gumhpraw joi manga lu ai wa gaw pru sa nna, dai hte hpaga ga wu yang, kaga joi manga myat la nu ai.

MAHTE 27:57

Ya, shana de du jang, Aramahti mare na Yosep mying ai sutsu ai wa langai mi sa du ai. Shi mung Yesu a sape langai mi rai nga ai.

MAHTE 6:32

Ndai lam ni gaw Karai Kasang hpe n kam n sham ai tara maigan ni hta myit tsang ai lam ni rai nga malu ai. Ndai yawng mayawng hte hpe nanhte ra nga myit dai gaw, Sumsing lamu na nanhte a Kawa chye ya nga ai.

MARKU 10:24

Sape ni mahtang dai ga ni a majaw mau kajawng nga ma ai, rai ti mung Yesu matut nna shanhte hpe tsun mu ai gaw, “Ngai sha ni e, Karai Kasang a mungdan hta shang na gade wa yak la nga a hka!

LUKA 19:2

Dai yang e, Zake mying ai kang hta ai agyi langai mi nga ai; dai wa gaw sut su ai wa rai nga ai.

LUKA 3:11

Shi shanhte hpe htan mu ai gaw, “Palawng lahkawng lu ai wa gaw, n lu ai wa hpe karan u ga, shat lusha lu ai wa mung dai hte maren jaw u ga,” ngu mu ai.

KASA 14:17

Rai ti mung, shi gaw shi nga nga ai lam sakse hte hkrak galoi mung a madun nga ai, Dai sakse ni gaw mai kaja ai amu ngu ai, Sumsing lamu na marang jahtu ya nna du hkra ladaw du ai shaloi nsi naisi ngai shangun ai hte nanhte hpe lusha hte jahkru shakat nna nanhte a myit masin hpe kabu gara ai hte jahpring ya nga ai,” ngu nna jahtau tsun mu ai.

KASA 14:27

Ya shan Antioki de du wa ma yang hpung masha ni hpe jahpawng tawn nhtawm Karai Kasang shan hta galaw ai lam yawng mayawng mung, maigan amyu ni kam sham wa na matu shi chyinghka gara hku hpaw ya sai lam hkai dan mu ai.

KASA 17:25

Shi nan yawng mayawng hpe hkrung ai asak nsoi nsa hte arai hkum sumhpa jaw ya ai wa rai nga ai majaw, lama ma ra ai wa zawn masha lata hte daw jau ra ai n rai.

ROMA 11:20

Dai nanhte tsun ai hte maren teng nga ai. Shanhte n kam n sham ai majaw gyi kau ai hkrum ma ai; nanhte chyawm gaw Madu hpe kam sham ai majaw tsanlun hpun hta shara la lu myit dai. Rai ti mung, nanhte gaw dai lam a majaw gumrawng gumtawng rai na malai hkrit kang nga mu.

EHPESU 5:5

Hpye ai wa, kaya n chye sari n rawng ai wa, nammak lawhpa ai wa, kadai rai ti mung, Hkristu hte Karai Kasang yan a mungdan hta sali kamhtaw galoi mung hkam la lu na n re ai hpe nanhte hkrak chye nga myit dai. (Hpa majaw nga yang nammak lawhpa ai lam gaw, sumla nawku ai lam amyu mi rai nga ai)

TARA JAHPRANG 33:15

Moi moi na shanhte madu da ai kawng ni hta reng ai namsi hte hpring nga mu ga.

TARA JAHPRANG 8:17

Dai rai nna nanhte a n-gun hte marai a jaw e, ndai sut gan lu la ga ai, nga nna nanhte galoi mung myit nawn la lu na myit dai n rai.

KOLOSE 3:16

Hkristu a mungga gaw nanhte a myit masin hta hpring tsup hkra shanu nga u ga. Hpaji byeng-ya nga manga hte nanhte shada da sharin achyin, matsun madun hkat nga mu. Shakawn kungdawn ga, mahkawn mangoi ai ga ni, Wenyi hte seng ai laka ga ni hte nanhte a kraw lawang hta Karai Kasang hpe chyeju dum ai hte mahkawn mangoi nga mu.

1 HTESALONI 1:9

Nanhte kaw anhte sa du ai shaloi, nanhte gara hku anhte hpe hkap hkalum la myit dai hpe mung, nanhte gaw ahkrung nga ai hte teng man ai Karai Kasang hpe daw jau lu na matu gawkngu sumla ni hpe shinggan kau nhtawm, Karai Kasang hpang de kaning rai kayin wa myit dai mung,

1 TIMOHTI 1:3

Ngai Makedoni mung de sa wa ai shaloi e, nang hpe ngai htet da sade ai hte maren Ehpesu mare e nang hpe matut nna nga nga shangun mayu nngai; dai yang e masha nkau mi shut ai makam masham lam ni hpe sharin ya nga ma ai, dai hpe nang shazim jahkring kau lu na rai ndai.

1 TIMOHTI 3:15

Rai ti mung lama wa ngai alawan n lu du sa wa ai rai yang hkrung nga ai Karai Kasang a hpung ngu ai dai teng man ai lam a npawt hkridun rai nga ai Karai Kasang a nta dinghku hta anhte kaning re ai arawn asam sat lawat hkan sa mai ai lam chye lu u ga, ndai laika hpe ka dat nngai.

1 TIMOHTI 4:10

Shinggyim masha yawng hte, grau nna kam sham ai ni a hkye hkrang la ai Madu rai nga ai ahkrung nga ai Karai Kasang gaw anhte a myit mada shara rai nga ai majaw, anhte amu bungli galaw ai lam aja awa shakut nga ga ai.

1 TIMOHTI 5:21

Ndai matsun da ai lam ni hpe myi man n tau, nang galaw sa wa ai lam shagu hta maga ga de n lawm ai sha madat mara hkan sa na matu Karai Kasang hte Hkristu Yesu a man e mung, chyoi pra ai lamu kasa ni a man e mung, ngai nang hpe matsun dat de ai.

1 TIMOHTI 6:13

Nga yawng nga pra hpe asak jaw ya ai wa Karai Kasang a man e mung, Pilat a man e shi kam sham ai lam hpe ngang ngang kang kang yin la ai Hkristu a man e mung, ndai magam lit gun hpai na matu ngai hkang da de ai.

1 TIMOHTI 6:9

Rai ti mung sut su mayu ai ni gaw, agung alau hkrum ma ai hte angawk angak hte tsin yam shabyin shangun lu ai marin marit ai lam ni law law a mahkam dawnggawng hta lup mat ma ai; dai gaw shanhte hpe hten byak ai hte sum hkrum ai hta dun bang kau manu ai.

2 TIMOHTI 4:10

Dema gaw ndai dinghta mungkan hpe tsaw ra ai majaw ngai hpe kau da nna Htesaloni mare de sa mat wa sai. Kareka gaw Galati mung de, Titu gaw Dalamati mung de sa mat wa masai.

TITU 2:12

Anhte gaw anhte a galu kaba ai Karai Kasang ngu ai hkye hkrang la ai Madu Yesu a hpung shingkang dan pru na a lu ai nhtoi hpe ala nga let, tara n hkungga ai myit hte mungkan ga hpe marin marit ai myit hpe kabai kau na matu mung,

TITU 3:6

Karai Kasang gaw, anhte hpe hkye hkrang la ai Madu Yesu a marang e, Chyoi Pra ai Wenyi hpe anhte a ntsa e n taw n tsang ru bun ya mi ai.

2 PETRU 1:11

Dai lam hku hkan sa myit yang gaw, anhte a Madu hte hkye hkrang la ai Yesu Hkristu a htani htana re ai mungdan de shang lu na ahkang nanhte hpe hpring hpring tsup tsup jaw ya na marin dai.