1 TIMOHTI 6:15 - Jinghpaw Common Language Bible 2009

¹⁵ Langai sha rai nga ai daru magam hpung shingkang rawng nna up hkang ai wa, hkawhkam ni a Hkawhkam Madu ni a Madu, Karai Kasang gaw, aten ladaw du jang Madu Yesu hpe kalang mi bai dan pru shangun na ru ai.

Jinghpaw Hanson Version Bible

¹⁵ ahkying aten ang wa yang, dai paw pru ai lam hpe, shi madun dan na ra ai. Shi gaw langai sha rai nga ai a rawng ai Daru Magam re ai du, hkawhkam ni a Hkawhkam, madu ni a Madu rai nga ai rai nna,

1 TIMOHTI 6:15 ပူးပေါင်းရင်းမြစ်များ

EZRA 7:12

“Hkawseng Artazazi kaw nna Sumsing Lamu a Karai Kasang a Tara hpe chye chyang ai hpaji ninghkrin hkinjawng Ezra hpang de,

SHAKAWN KUNGDAWN 136:3

Madu ni yawng hta chyahtum chyalai n-gun rawng htum ai dai Madu hpe chyeju dum shakawn nga mu; shi a tsaw ra myit htani htana agrin nga ai.

SHAKAWN KUNGDAWN 47:2

Tsaw Htum ai dai Madu gaw hkrithpa wa rai nga ai; shi gaw mungkan yawng hpe up hkang nga ai galu kaba ai hkawhkam wa rai nga ai.

SHAKAWN KUNGDAWN 83:18

Nang chyu sha Madu rai nga ai lam hte ga ntsa ting hta e, Tsaw Htum ai Wa rai nga ai lam hpe shanhte chye na la mu ga law.

GA SHAGAWP 8:15

Hkawhkam ni mung up hkang ai hta ngai karum nngai; mai kaja ai tara ni hpe galaw shapraw na matu, mung du ni hpe mung ngai shingtau nga nngai.

YEREMIA 10:10

Rai ti mung, Madu e, nang gaw teng man ai Karai Kasang rai nga ndai, nang gaw ahkrung nga ai Karai Kasang hte htani htana hkawhkam rai nga ndai. Nang pawt sindawng ai shaloi, mungkan ga gaw gari kawa rai nga ai; masha amyu baw ni na a masin kahtet ai hpe n hkam lu ma ai.

YEREMIA 46:18

Chyahtum Chyalai N-gun rawng ai dai Madu ngai gaw hkawhkam rai nga nngai. Ngai gaw ahkrung nga ai Karai Kasang rai nga nngai. Tabora bum gaw bum ni yawng hta grau tsaw nga ai rai nna, Hkarmela bum gaw panglai hta grau tsaw ai shara hta nga nga ai dai hte maren, nanhte hpe htim gasat ai wa gaw dai zawn n-gun rawng ai wa rai na ra ai.

Daniela 4:34

Ya sanit ning lai jang, hkawhkam wa gaw, “Sumsing lamu de mada yu nna shi a myit bai grin wa nga ai. Ngai gaw Tsaw Htum ai Karai Kasang hpe shakawn kungdawn ai hte htani htana ahkrung nga ai wa hpe shagrau hkungga let shi a hpung shingkang hpe kungdawn nngai. “Shi gaw htani htana a up nga na ra ai, shi a mungdan prat mi hte prat mi agrin nga na ra ai.

MAHTE 6:13

Agung alau nga ai de anhte hpe n sa shangun ai sha, n kaja ai lam hta na mung shaw la mi law, (N gawn tawa hpe hkang ai ahkang hte hpung shingkang arawng sadang gaw, htani htana nang hta anga nga u ga law) Amen.

TARA JAHPRANG 10:17

Dai Madu nanhte a Karai Kasang gaw Karai ni yawng hta daru magam n-gun tsaw htum ai wa rai nga ai. Shi gaw galu kaba nna chyalai n-gun hte hpring nga ai majaw hkrit kang mai nga ai. Shi gaw masha a myi man hpe tau ai n rai, mayun kumhpa hkap la ai n rai.

1 TIMOHTI 1:11

Dai sharin shaga ai lam gaw, hpung shingkang rawng nna a lu ai Karai Kasang kaw na Kabu Gara Shiga hte maren rai nga ai. Dai Kabu Gara Shiga hpe tsun ndau na matu Karai Kasang gaw ngai hpe ap da ni ai.

1 TIMOHTI 1:17

Ya htani htana Hkawhkam rai nna, n hten n mat chye ai hpe myi hte n mu lu ai, langai sha rai nga ai Karai Kasang kaw arawng sadang hte hpung shingkang gaw htani htana prat dingsa e anga nga u ga law! Amen.

1 TIMOHTI 2:6

Shi gaw masha amyu yawng hpe hkye hkrang la na matu shi hkum nan lala hpe ap kau nu ai; Dai gaw anhte aten ladaw du jang Karai Kasang gaw masha hpe hkye hkrang la mayu ai sakse madun ai lam rai nga ai.

SHINGRAN 17:14

Shanhte gaw Sagu Kasha hpe hpyen gasat na mara ai; rai ti mung dai Sagu Kasha gaw, shi shaga la nna lata la hkrum ai, kangka re ai shi a hpang hkan nang ai ni hte rau awng padang lu na ra ai. Hpa majaw nga yang, shi gaw Madu ni a Madu, Hkawhkam ni a Hkawhkam rai nga ai,” nga nna ngai hpe tsun ai.

SHINGRAN 19:16

Shi a hpun palawng hte magyi hta, “Hkawhkam ni a Hkawhkam, madu ni a Madu,” nga nna ka kap da nga ai.