1 TIMOHTI 6:12 - Jinghpaw Common Language Bible 2009

¹² Makam masham hte seng ai gat shingjawng poi hta atsam htum hkra gat nna htani htana asak ngu ai kumhpa hpe na a matu lu la hkra di u; hpa majaw nga yang, dai asak hkrung lam hta e, nang hpe Karai Kasang shaga la ai shaloi nang gaw sakse law law ni a man e kam sham sai lam ngang ngang kang kang nang yin la nit dai.

Jinghpaw Hanson Version Bible

¹² Dai makam masham hte seng ai mai kaja ai gasat gala ai hpe a gasat nga u: htani htana na asak hpe magra noi nga u: dai hta e nang hpe shaga la nna, sakse law law ni a man e mai kaja ai sakse nang hkam ya nit dai.

1 TIMOHTI 6:12 ပူးပေါင်းရင်းမြစ်များ

SHAKAWN KUNGDAWN 63:8

Ngai nang kaw hkan jum noi nga nngai; na a lata ngai hpe shim hkra makawp maga ya nga ai.

GA SHAGAWP 3:18

Hpaji byeng-ya chye chyang ai ni gaw a lu ma ai; hpaji byeng-ya gaw shanhte hpe asak jaw ya na ra ai.

Shawlumon A Mahkawn Ga 3:4

Ngai shanhte kaw na pru mat wa ai shaloi jang, ngai shi hpe mu nngai. Ngai shi hpe jum shingdang nna nye nu a nta hte ngai hpe shangai ai gawk de shi hpe woi shang wa ai aten du hkra n dat hkraw nngai.

ESAIA 44:5

“Amyu masha ni gaw langai hpang langai, ‘Ngai gaw dai Madu a masha rai nga nngai,’ nga nna tsun wa na mara ai. Shanhte gaw Israela amyu masha ni hte matut mahkai na matu du sa wa na mara ai. Shanhte gaw shanhte a lahpum ni hta dai Madu a amying hpe matsing nna, shi hkum shi Karai Kasang a amyu masha langai hku shamying la na ra ai.”

ZEHKARIA 10:5

Yuda amyu masha ni gaw shanhte a gumlau hpyen ni hpe nmaw lam ntsa na hkumpup kata de kabye bang kau dat ai hte hpyenla ni zawn awng padang hkam la lu na mara ai. Dai Madu gaw shanhte hte rau rai nga ai majaw, shanhte gasat nna gumlau hpyen gumra jawn ai ni hpe pyi dang kau na mara ai.

2 KORINHTU 6:7

anhte hkaw tsun ai teng man ai mungga hte Karai Kasang a n-gun atsam hku nna mung, anhte gaw Karai Kasang a shangun nchyang ni rai nga ga ai lam shadan dan saga ai. Anhte gaw wenyi lam hte seng ai majan htim gasat na hte anhte a hkum hpe hkap makawp maga na matu dai teng man ai lam hpe anhte a laknak shatai nna lang ga ai.

2 KORINHTU 9:13

Ndai nanhte a galaw daw ai amu a awng dang ai kasi kaja a majaw, masha law law gaw, nanhte Hkristu a kabu gara shiga hpe kangka sadi dung ai hku hkap la kam sham myit dai majaw mung, nanhte a shawang myit hte shanhte hte kaga masha ni hpe ndaw nhta alu jaw ya myit dai majaw mung, Karai Kasang a hpung shingkang hpe shagrau sha-a na mara ai.

TARA JAHPRANG 26:3

Dai aten na hkinjawng agyi hpang de sa nhtawm shi hpe, ‘Anhte hpe jaw na nga, anhte a ji wa ni hpe ga sadi jaw da sai mung de ngai shang lu ni ai gaw dai Madu nye a Karai Kasang a majaw rai nga ai hpe ya ngai yin la ni ai,’ ngu nna tsun na rai wu ai.

HPILIPI 1:30

Ya nanhte gaw ngai hte rau gasat gala ai hta shang lu myit dai; lai wa sai aten hta nanhte ngai gasat nga ai hpe mu yu nna ya e nanhte na lu ai nye a gasat gala ai lam gaw langai sha rai nga ai.

KOLOSE 3:15

Hkristu jaw ya ai ngwi pyaw ai gaw nanhte a myit masin hta e a-up nga nna, dai gaw nanhte a daw dan hparan ai lam ni hta lam matsun madun nga u ga, hpa majaw nga yang, dai ngwi pyaw ai lam hpe hkam sha lu na matu Karai Kasang gaw nanhte hpe hkum hkrang langai sha hku shaga la manit dai; dai re ai majaw chyeju adum nga mu.

1 HTESALONI 2:12

Anhte gaw nanhte hpe n-gun jaw ai lam hte shadaw shalan ai lam galaw saga ai. Shi a mungdan hta shang sha lu na hte hpung shingkang hkam la lu mu ga, nanhte hpe shaga la ai Karai Kasang hpe sharawng awng shangun ai asak hkrung lam hta e hkawm sa nga na matu anhte matut manoi shadut jahkat saga ai.

2 HTESALONI 2:14

Karai Kasang gaw nanhte hpe anhte hkaw tsun ai dai Kabu Gara Shiga hku nna shaga la manit dai. Shi gaw anhte a Madu Yesu a hpung shingkang hta na nanhte hkam la ang ai hkam bum hpe madu la lu myit ga ngu nna shaga la manit dai.

1 TIMOHTI 1:18

Ngai sha Timohti e, lai wa sai ten hta nang hpe sha-ang nna htawn tsun ai myihtoi ga ni hte maren, galaw gun hpai sa wa na matu ngai nang hpe ahkaw ahkang ap ya de ai; atsawm sha gasat gala lu na matu dai myihtoi ni htawn tsun ai ga ni hpe laknak zawn jai lang nga u.

1 TIMOHTI 1:19

Dai hta n ga, nang hta makam masham hte asan sha re ai dum chye ai htauli htaula myit rawng nga u ga. Masha nkau mi dai dum chye ai htauli htaula myit e shadum ai hpe n madat ai majaw shanhte a makam masham hpe jahten shabya kau ma ai.

1 TIMOHTI 4:14

Myihtoi ni hkaw tsun ai hte hpung woi ni na a ntsa e lata mara sari dang da ya ai shaloi nang hpe jaw da nna nang hta rawng nga ai wenyi hte seng ai chyeju kumhpa hpe n gawn n sawn di nna hkum hprai kau nga u.

1 TIMOHTI 6:13

Nga yawng nga pra hpe asak jaw ya ai wa Karai Kasang a man e mung, Pilat a man e shi kam sham ai lam hpe ngang ngang kang kang yin la ai Hkristu a man e mung, ndai magam lit gun hpai na matu ngai hkang da de ai.

1 TIMOHTI 6:19

Ndai hku nna shanhte gaw hpang na prat a matu ngang kang ai npawt nhpang tai nga u ga, hpu ging ai sutgan shanhte mahkawng da lu nna teng man ai asak hkrung lam majing hpe lu la na mara ai.

2 TIMOHTI 1:9

Karai Kasang gaw anhte galaw sai mai kaja dum ai amu bungli lama ma a majaw n rai, shi nan a yaw shada ai lam hte chyeju a majaw anhte hpe hkrang la nna shi a amyu masha tai na matu shaga la mani ai. Shi gaw mungkan nnan lat ai ten a shawng kaw nna Hkristu Yesu a marang e dai chyeju anhte hpe jaw da mani ai.

2 TIMOHTI 2:2

Sakse law law ni a man e, ngai kaw na nang sharin la, na la sai sharin shaga ai ga ni hpe hta la nhtawm masha kaga ni hpe mung bai sharin achyin ya lu na re ngu nna nang kam mai ai masha ni hpe bai htawt ap ya u.

2 TIMOHTI 4:7

Ngai gaw gat shingjawng ai lam hta atsam htum hkra gat shakut se ai; gat na matu tawn da ai shadawn shadang hpe htum hkra gat shadu se ai; dai makam masham hpe ngai hkan shatup ni ai.

HEBRE 13:23

Anhte a hpu nau wa Timohti gaw htawng kaw na lawt pru wa ra ai lam nanhte hpe chye shangun mayu nngai. Shi ngai hpang de aten dep du sa wa ai rai yang, nanhte hte hkrum na matu ngai sa du ai shaloi shi hpe ngai hte rau woi sa wa na nngai.

HEBRE 3:14

Hpa majaw nga yang, Hkristan shawng nnan tai wa ai shaloi na zawn myit mu myit hkut ai makam masham hta jahtum du hkra ngang ngang manoi manat nga ga yang gaw, anhte yawng gaw Hkristu hte rau rum magam gunhpai ai ni rai ga ai.

HEBRE 6:18

Shing rai dai ga sadi hte dagam ai ga myu lahkawng yan gaw n mai galai mat ai baw re ai majaw Karai Kasang gaw masu ga tsun ai n rai. Dai re ai majaw shi hta shingbyi nna shim ai lam lu la ai ni ngu ai anhte gaw anhte hpe jaw ya ai myit mada shara hta ngang ngang kang kang magra noi nga na matu n-gun jaw ai lam grai wa lu la saga ai.

1 PETRU 3:9

N hkru n kaja ai hpe n hkru n kaja ai hte, matsa mawa dagam dala ga hpe matsa mawa dagam dala ga hte, bai hkum tai htang nga myit; shing rai na malai; shaman ya ai ga htang jaw mu; hpa majaw nga yang, dai shaman ga gaw shi nanhte hpe shaga la ai shaloi nanhte hpe jaw na matu ga sadi jaw da sai rai nga ai.

1 PETRU 5:10

Rai ti mung nanhte jahkring sha mi nni nkri hkam ngut ai hpang, chyeju yawng mayawng a Madu rai nga ai Karai Kasang gaw nanhte hpe Hkristu hta langai sha tai shangun nna htani htana hpung shingkang hta shang sha lu mu ga, nanhte hpe shaga la ai Madu shi nan nanhte hpe ra n rawng hkra jahkum shatsup ai lam shangang shakang ai lam, n-gun lagaw sharawng ai lam ni jaw nna ngang kang ai npawt hkridun hta tsap nga lu ai ahkang jaw na marin dai.

1 YAWHAN 2:25

Ndai gaw Hkristu nan anhte hpe ga ndat jaw da ai htani htana asak hpe lu la ai lam rai nga ai.

YUDA 1:3

Nye a tsaw ra ai ni e, anhte yawng jawm kam sham hkap la da sai hkye hkrang la ai lam nanhte hpang de ka dat na ngai grai shakut shaja nga nngai shaloi e, Karai Kasang gaw shi a masha ni hpe prat dingsa a matu lang mi hte sha ap ya da sai makam masham a matu matut nna dakring dalang gasat gala makawp maga sa wa na lam nanhte hpang de kalang ta laika ka nna n-gun jaw shadum shahprang na ra nga ai hpe ngai mu hkrup nngai.

SHINGRAN 3:3

Dai re ai majaw, nang hpa baw sharin hkam la lu sai hte, na la lu ai lam hpe bai dum u; dai hpe madat mara nna, na a yubak mara ni kaw na myit malai kayin wa u. Nang n maja nga taw gaw, lagu lagut zawn ngai nang kaw du na ring ngai; gara aten e ngai nang kaw du sa na ra ai hpe pyi nang n chye na ndai.

TARA AGYI 3:2

Shawng de galoi mung majan amu hta laksan n hkrum kadup yu ai majaw mung, Israela amyu masha ni majan a lam ban hte ban sharin hkam la lu na matu mung, ndai amu hpe shi galaw wu ai.