1 TIMOHTI 6:11 - Jinghpaw Common Language Bible 2009

¹¹ Nang chyawm gaw Karai Kasang a masha wa e, dai lam mahkra hte hpe koi gam nga u. Ding hpring ai, tara hkungga ai, kam sham ai, tsaw ra ai, shakut sharang ai hte sumnung ai myit ni hpe lu la hkra shakut shaja nga u.

Jinghpaw Hanson Version Bible

¹¹ Nang chyawm gaw, Karai Kasang a masha wa e, ndai lam hte hpe koi gam nga u: dinghpring ai, tara hkungga ai, kamsham ai, tsawra ai, shakut sharang ai hte sumnung ai myit hpe hkan shachyut nga u.

1 TIMOHTI 6:11 ပူးပေါင်းရင်းမြစ်များ

1 HKAWHKAM 13:1

Yeroboam gaw shagu hkungga nawng ya na nga tawn hkungri e tsap nga yang, dai Madu a hkang da ai ga hte maren, Yuda mung na myihtoi langai mi gaw Behtela mare de du sa wa nhtawm,

1 HKAWHKAM 13:26

Dai zawn byin ai shiga hpe myihtoi dingla wa na jang, shi gaw, “Dai wa gaw dai Madu a hkang da ai ga hpe n madat n mara ai myihtoi wa she rai na sai law! Dai Madu gaw shi tsun ai hte maren galaw shatup nga ai majaw shi hpe htim nna sat kau na matu dai Madu gaw hkanghkyi hpe shangun dat ai rai na sai,” ngu nna tsun wu ai.

1 HKAWHKAM 17:18

Shi gaw Elia hpe, “Karai Kasang a masha wa e, nang hpa majaw ndai zawn ngai hpe galaw kau n ta? Karai Kasang hpe nye a yubak shadum ya nhtawm nye a kasha hpe si mat shangun na matu ndai yang e nang du sa ai n rai ni?,” ngu nna san wu ai.

1 HKAWHKAM 17:24

Shi mung, “Nang gaw Karai Kasang a masha rai nga ndai mung, dai Madu gaw nang hku nna teng teng ga shaga nga ai hpe mung, ya ngai chye ni ai!,” ngu nna htan wu ai.

1 HKAWHKAM 20:28

Myihtoi langai mi gaw Hkawhkam Ahab kaw sa nhtawm, “Dai Madu ning nga tsun ai. Ngai gaw layang ga na karai n rai, bum ga hkan na karai langai rai nga nngai, nga nna Suri masha ni tsun mu ai majaw ngai nan dai Madu rai nga nngai hpe nang hte na a amyu masha ni chye lu hkra, shanhte a hpyen luksuk kaba hpe dang kau lu ai awng padang ngai nang hpe jaw na we ai,” ngu nna tsun wu ai.

2 HKAWHKAM 1:13

Ya lang mi bai hkawhkam wa gaw du langai hte masha manga shi hpe shangun dat wu ai. Shi gaw kawng de lung wa nhtawm Elia a man e lahput hput di let, “Karai Kasang a masha wa e, ngai hte nye a masha ni hpe matsan dum la e law. Anhte a asak hpe jahkrung da ya mi!

2 HKAWHKAM 1:9

Dai hpang shi gaw Elia hpe shaga la na matu du langai mi hte masha manga shi hte hpe shangun dat wu ai. Ya dai du wa gaw kawng langai a ntsa e dung nga ai Elia hpe mu jang, “Karai Kasang a masha wa e, yu wa na matu, hkawhkam wa nang hpe hkang dat nga ai,” ngu nna tsun wu ai.

2 HKAWHKAM 23:17

Shi gaw, “Dai lup gaw kade a rai ta?,” ngu nna san wu ai. Behtela masha ni chyawm gaw, “Ndai tawn hkungri hpe nang galaw kau nit dai hte maren, dai amu ni a lam hpe tau tsun ai Yuda mung na du sa wa ai myihtoi wa a lup rai nga ai,” ngu nna htan ma ai.

2 HKAWHKAM 5:20

Elisha a shangun ma Gehazi gaw, “Nye a madu gaw arai hpa mung n jaw shangun ai sha dat kau nga nu hka! Suri masha wa shi hpe sak jaw ai kumhpa hpe shi la ging nga ai. Dai re ai majaw ahkrung nga ai dai Madu hta shi kaw na arai lama ma sha pyi la lu hkra, shi hpang de ngai hkan kagat nang na nngai,” ngu nna kraw kata e tsun nga ai.

1 HKAWHKAM LABAU 23:14

Rai ti mung Karai Kasang a masha Mawshe a shadang sha ni gaw Lewi amyu hta hti lawm nga ma ai.)

2 HKAWHKAM LABAU 8:14

Shi gaw shi a kawa Dawi jahkrat tawn da ai tara ni hte maren hkinjawng ni a shani shagu galaw na amu hte mahkawn mangoi ai hte amu galaw ai hkinjawng ni hpe karum shingtau ai Lewi masha ni hpe hpaw ninghtan tawn wu ai. Shi gaw Karai Kasang a masha Dawi e hkang da nu ai hte maren chyinghka shagu hta shanhte gun hpai ang ai shani shagu na bungli lit ni hpe hpung hte hpung garan gun na matu Nawku Htingnu sin ai masha ni hpe mung hpaw ninghtan tawn wu ai.

NEHEMIA 12:24

Hashabia, Sherebia, Yeshua, Binui hte Kadmiela ni lam madun matsun ai npu hta taw let, Lewi masha ni hpe hpung hpaw da nga ai. Dai rai nna Karai Kasang a masha, Hkawhkam Dawi jaw da ai sharin matsun ga ni hte maren, aten mi hta hpung lahkawng gaw gahti galai rai Karai Kasang hpe chyeju dum shakawn kungdawn nga ma ai.

NEHEMIA 12:36

Shi a hpang e shi a amyu lakung na Shemaia, Azarela, Milalai, Gilalai, Maai, Nehtanela, Yuda, Hanani ngu na yawng hte gaw Karai Kasang a masha Hkawhkam Dawi dum ai madum sumpyi baw lang let hkan nang ma ai. Ndai zawn kanawng hkawm ai hpung hpe Sara kaba Ezra woi awn nga ai.

SHAKAWN KUNGDAWN 34:14

N hkru n shawp ai lam hpe koi kau nna mai kaja ai lam hpe galaw nga u; na a myit masin mahkra hte ngwi pyaw sim sa lam a matu, shakut shaja nga u.

SHAKAWN KUNGDAWN 38:20

Mai kaja ai a matu, n hkru ai hpe htang jaw ai ni gaw teng man ai amu hpe ngai galaw shakut nga ai majaw, ngai hte nhtan shai nga ma ai.

GA SHAGAWP 15:9

N hkru ai masha ni a lam hpe dai Madu matsat nga ai; jaw ai amu galaw ai ni hpe shi tsaw ra nga ai.

ESAIA 51:1

Dai Madu gaw, “Hkye hkrang la hkrum mayu ai ni hte karum la na matu ngai kaw du sa wa ai ni e, nye a ga madat mu. Nang pru sa wa ai kaw na lunghkrung, nang tawk la ai kaw na nhkun hpe myit yu u.

YEREMIA 35:4

Nawku Htingnu kata de woi jashawn ni ai. Igdalia a kasha myihtoi Hanan a sape ni a gawk de shanhte hpe woi bang wa ni ai. Dai gawk gaw Nawku Htingnu kata na grai ahkyak ai myit su salang Shalum a kasha Masea a gawk ntsa htap hta nga nna kaga du salang ni a amu bawng gawk ni hte mung ni ai shara rai nga ai.

ROMA 14:19

Dai re ai majaw, anhte gaw shada ngwi pyaw sim sa ai hku nga lu na lam shabyin ya nna, shada da Wenyi n-gun atsam lu la shangun ai lam ni hpe galoi mung myit yaw shada let agalaw nga ga.

1 KORINHTU 10:14

Dai re ai majaw, ngai tsaw ngai ra ai ni e, sumla nawku ai lam hpe koi gam mu.

1 KORINHTU 14:1

Dai majaw nanhte gaw tsaw ra ai myit hpe jai lang na matu shakut nga ra myit dai. Wenyi chyeju kumhpa ni hpe ra marit nga mu. Grau nna dai mungga hpe hkaw tsun chye ai chyeju kumhpa hpe ra marit nga mu.

1 KORINHTU 6:18

Hpye ai amu hpe koi gam nga mu: masha e tawt lai ai yubak mara yawng mayawng gaw tinang hkum hkrang a mai kaja ai lam hpe n hkra ya lu nga ai; rai ti mung hpye ai amu hta mara kap ai wa gaw, shi a hkum hkrang hpe nan shut hpyit da wu ai.

TARA JAHPRANG 16:20

Dai Madu nanhte a Karai Kasang nanhte hpe jaw ai mungdan madu la nna, dai mung e matut asak hkrung nga lu myit ga gaw, rap ra ai hte teng man ai tara hku tut nawng jeyang lu na rai myit dai.

TARA JAHPRANG 33:1

Ndai gaw Karai Kasang a masha Mawshe, shi garai n si wa yang, Israela amyu masha ni hpe shaman ya ai ga ni rai nga ai.

1 TIMOHTI 1:14

Anhte a Madu gaw shi a n taw n tsang re ai chyeju nye a ntsa e ru jaw bun ya nna Hkristu hte langai sha tai nna asak hkrung nga ai majaw anhte lu la ang ai makam masham hte tsaw ra ai myit ngai hpe jaw ni ai.

1 TIMOHTI 4:12

Nang asak naw kaji ai brang ram rai nga ndai majaw, kadai mung nang hpe n yu kaji kau u ga, tsun ai ga hta mung, arawn alai hta mung, tsaw ra ai hta mung, makam masham hte myit san seng ai hta mung, kam sham ai ni a matu mara kasi kamang tai nga u.

1 TIMOHTI 5:10

Dai hta n ga, shi gaw arawn alai kaja ai lam hta mung gumhkawng ai jan, kashu kasha ni hpe atsawm sha woi lanu lahku shakung jahpan ai jan, tsasam manam ni hpe shi a nta kaw hkap la nna galaw daw ai jan, Hkristan hpu nau ni hte seng nna galaw ra ai lit ni hpe myit nem ai hte galaw gun hpai ai jan, ru yak jam jau hkrum nga ai ni hpe karum ai jan, mai kaja ai magam bungli hpe ap nawng gun hpai ai jan rai ra ai.

1 TIMOHTI 6:20

Timohti e, nang hpe ap ya da ai aya hpe atsawm sha tek mahkyu nga u; n san n seng ai ga shaga ai lam hpe mung, chye chyang ai lam re ngu nna masha nkau mi shamying tsun shut ai angawk angak re ai ndang kalang ga ni hpe mung koi kau u.

2 TIMOHTI 2:21

Marai langai ngai gaw tsun lai wa sai n hkru n kaja ai lam ni yawng hta na tinang hkum hpe jasan kau ai rai yang, shi gaw Madu a lak san shatawng shada ai lam ni hta jai lang ai hkam la na ra ai; hpa majaw nga yang shi gaw, mai kaja ai amu shagu hpe galaw na jin jin rai nga u ga shi Madu a matu akyu rawng lam la ai hta ap nawng da sai wa rai nga ai.

2 TIMOHTI 2:22

Brang ram a myit kayut ai lam ni hpe koi gam nna Madu hpe san seng ai myit hte karum hpyi ai ni hte rau ding hpring ai lam, kam sham ai lam, tsaw ra ai lam hte ngwi pyaw sim sa ai lam hpe tam shakut nga u.

2 TIMOHTI 3:10

Rai ti mung nang chyawm gaw nye a sharin shaga ai lam, nye a lai len hte, nye a asak hkrung lam hta shatawng shada ai lam ni hpe hkan sa nit dai, nye a makam masham nye a myit galu nna hkam sharang ai lam, nye a tsaw ra ai myit, nye a shakut sharang ai lam,

2 TIMOHTI 3:17

Dai rai nna Karai Kasang a magam gun hpai ai wa gaw mai kaja ai magam bungli shagu hpe galaw na matu atsam hpring nna lang ra ai hking rai ni hte hkrak shajin da sai wa rai nga ai.

HEBRE 12:14

Masha shagu hte ngwi pyaw ai hku nga lu hkra mung, chyoi pra ai asak hkrung lam hpe lu la hkra mung, tam shakut nga mu. Hpa majaw nga yang, dai zawn re ai asak hkrung lam hte n rai yang kadai mung dai Madu hpe mu lu na n rai.

1 PETRU 3:11

Shi gaw n hkru n kaja ai kaw na kayin mat wa nna mai kaja ai amu galaw let; shi a myit masin yawng hte dai ngwi pyaw sim sa ai lam a matu shakut shaja lu na rai nga ai.

1 SAMUELA 2:27

Myihtoi langai wa gaw dai Madu kaw na ndai mungga hte rau Eli kaw sa du wu ai: “Na a nji nwa Arun hte shi a dinghku masha ni Egutu hkawhkam a mayam ni naw tai nga ma yang, ngai gaw Arun kaw dan pru ni ai.

1 SAMUELA 9:6

Shaloi shangun ma wa gaw, “Naw la yu ga! Ndai mare e shi tsun matsun teng wa wa re ai majaw, grai hkungga ging nna chyoi pra ai masha langai mi nga ai. An shi kaw sa yu ga, an lawze mu tam la lu na shara, an hpe mahkoi tsun dan lu na a dawng!,” ngu nna htan wu ai.