1 TIMOHTI 6:10 - Jinghpaw Common Language Bible 2009

¹⁰ Hpa majaw nga yang, gumhpraw marin ai myit chyawm gaw n hkru n kaja ai lam amyu myu a ru npawt rai nga ai. Masha nkau mi gaw gumhpraw hpe lu la na matu grai myit katu ra sharawng nga ma ai majaw makam masham kaw na lam yit mat wa ma ai hte yawn hkyen ai lam amyu myu hte shanhte a myit kraw lawang ni hpe daw hten mat shangun ma ai.

Jinghpaw Hanson Version Bible

¹⁰ Gumhpraw marin ai myit chyawm gaw, n hkru n hkra ai amyu myu a ru npawt rai nga ai; nkau mi gaw dai hpe hkan shachyut ma ai majaw, dai makam masham lam hpe yit kau nna, yawn hkyen ai amyu myu hte tinang hkum hpe galun dinggrang kau mu ai.

1 TIMOHTI 6:10 ပူးပေါင်းရင်းမြစ်များ

NINGPAWT NINGHPANG 29:14

Laban gaw, “Rai sa, nang gaw kaja wa sha nye a ashan hte asai nan rai nga ndai,” ngu nna tsun wu ai. Shing rai Yaku gaw dai yang e shata mi tup nga nga ai.

NINGPAWT NINGHPANG 29:26

Laban mahtang, “Kaba ai hpe shawng garai n ya sha yang, kaji ai shayi sha hpe shawng ya sha ai gaw ndai ga na htung masa n rai nga ai.

NINGPAWT NINGHPANG 34:27

Masha sat sharu kau ngut ai hpang mung, Yaku a shadang sha nkau mi mahtang shanhte a kajan a sari hpoi awu asin hkrum ai hpe matai dawp la na nga, mare hpe hpya kau ya mu ai.

NINGPAWT NINGHPANG 38:16

Yuda gaw lam a wora maga mi de lai sa nhtawm, “Rai sa, nang hpe jahpu kade daram jaw ra na ta?,” ngu nna tsun wu ai. (Shi gaw shi a kanam rai nga wu ai hpe n chye nga ai.) Dai num mahtang, “Nang ngai hpe hpa jaw na n ta?,” ngu nna tsun wu ai.

1 HKAWHKAM 2:40

shi a mayam yan hpe sa tam la na nga shi a lawze byau la nhtawm Gat mare e hkaw dung ai hkawhkam Ahkisha hpang de sa wa wu ai. Shing rai shan hpe sa mu tam la ai hte nta de bai woi wa wu ai.

2 HKAWHKAM 5:27

Ya chyawm gaw Naman a manggang na a ntsa e du nna, nang hte na a amyu matu ni dai hpe htani htana hkam sha lu na rai myit dai!,” ngu nna tsun wu ai. Gehazi gaw hkyen zawn hpraw ai manggang kap ai wa tai mat wa ai hte pru mat wa nu ai.

SHAKAWN KUNGDAWN 32:10

Tara n lang ai ni gaw nni nkri hkam sha ra na ma ai, rai ti mung, Madu hpe kam hpa nga ai ni gaw shi a dinggrin tsaw ra myit hte makawp maga la ai hkrum nga ma ai.

SHAKAWN KUNGDAWN 62:10

Kabring kabrawng du daw sai hkaw re ai amu hpe nang hkum kam hpa nga et; mya lu mya sha nna lu la ai arai hpa hpe rai tim, hkum myit mada nga et, nang sut su wa ti mung, dai ni hta myit hkum manoi nga et.

GA SHAGAWP 1:19

Damya galaw ai wa a asak gaw damya galaw ai amu hta galoi mung sum mat chye nga ai. Dai gaw kashun kashe du daw sai hkaw ai amu hte hkrung nga ai ni hta, hkrum hkra ai lam rai nga ai.

GA SHAGAWP 1:31

Dai re ai majaw, nang galaw ai hte maren, nang hkam la lu na ra ai rai nna, nang galaw ai amu gaw nang hpe nchyi nmu hkrum shangun na ra ai.

GA SHAGAWP 15:27

Amyat hpe n ding n man ai hku, tam shakut ai rai yang, na a dinghku masha ni ru yak shoihpa hkrum hkra nga ai. Mayun kumhpa n la ai rai yang, nang asak galu na ra ai.

HPAJI NINGLI 2:19

dai wa gaw hpaji rawng ai wa mung mai byin nga ai, shing n rai shi gaw angawk ai wa mung mai byin nga ai-kadai chye lu a ta? Ti mung, shi gaw ngai galaw da sai amu magup hpe mung, ndai mungkan ga hta nye a matu ngu nna nye a hpaji byeng-ya hte ngai tam da ai arai magup hpe madu la na ra ai. Dai yawng mayawng mung kaman lila rai nga ai.

ESAIA 1:23

Na a ningbaw ni gaw gumlau ni hte lagu lagut ni a jinghku ni rai nga ma ai; shanhte gaw kumhpa ni hte mayun kumhpa ni hpe galoi mung hkap la nga ma ai. Shanhte gaw tara rung hta jahkrai ma ni hpe galoi mung n makawp n maga ai hte gaida gaina ni shanhte a amu shawn ai shaloi galoi mung n madat ya nga ma ai.

ESAIA 56:11

Shanhte gaw galoi mung kan n hkru ai lawhpa gwi ni zawn rai ma ai. Ndai ningbaw ni gaw chye na hkawn hkrang ai nyan hpa mung n rawng ma ai. Shanhte awng sharawng ai hte shanhte a akyu mu tam ai shaloi sha, shanhte langai hte langai galaw ma ai.

EZEKELA 13:19

Nanhte gaw nye a amyu masha ni a man e muk-yaw mam latup nkau mi hte muk hkyep loi mi lu la na matu ngai hpe n kaw n law di myit dai. Nanhte gaw n si ging ai amyu masha ni hpe sat kau myit dai; n jahkrung da ging ai amyu masha ni hpe jahkrung da nga myit dai. Nanhte gaw nye a amyu masha ni hpe masu magaw ga tsun nhtawm shanhte gaw nanhte tsun ai ga hpe kam nga ma ai,” ngu nna tsun wu ai.

EZEKELA 16:33

Shawa num gaw manu jahpu la ti mung, nang gaw na a sumtsaw sumra ni hpe kumhpa jaw nna shara shagu na ni sa nna kanawn nga lu hkra, shanhte hpe mayun kumhpa jaw nna lau la nga ndai.

EZEKELA 22:12

Amyu masha nkau mi gaw gumhpraw a jaw e masha sat ma ai. Nkau mi gaw shanhte a kahpu kanau Israela masha ni hpe gumhpraw amyat tam sha nna, sut su wa na matu shanhte hpe mawp sha nga ma ai. Shanhte gaw ngai hpe mung malap kau manu ai.” Dai Tsaw Htum ai Madu tsun nu ai.

MIHKA 3:11

Mare du salang ni gaw mayun kumhpa a matu up hkang nga ma ai; hkinjawng ni gaw shabrai a matu, Tara laika ni hpe lachyum htai sharin ya nga ma ai. Myihtoi ni gaw shanhte lu la na gumhpraw a matu shanhte a shingran ni hpe jaw ya nga ma ai. Shanhte yawng mung dai Madu shanhte hte rau rai nga ai nga nna tsun nga ma ai. Shanhte gaw, “Anhte hta hpa mung machyi hkra na ra ai n rai; dai Madu gaw anhte hte rau anga nga ai,” ngu nna tsun ma ai.

MALAHKI 1:10

Chyahtum Chyalai N-gun rawng ai dai Madu gaw, “Nye a tawn hkungri ntsa e akyu n rawng ai wan n sa shachyi lu myit ga, nanhte hta na marai langai ngai Nawku Htingnu chyinghka ni hpe la kau wu ga, ngai ra sharawng nga nngai. Ngai nanhte hpe n ra nngai; nanhte ngai hpang de la sa ai shagu hkungga ni hpe ngai hkap la na n rai.

MAHTE 13:22

Ju hpun hta hkrat ai nli tum ni gaw, dai ga hpe na la ti mung, ndai prat na myit tsang ai hte sut gan marin myit gaw, dai mungga hpe lim kau nna asi n si lu ai hte bung nga ma ai.

MAHTE 23:13

“Hpyi hpun ai tara sara ni hte Hparishe ni e, nanhte dingnye lu myit dai! Nanhte gaw masha ni a man e sumsing lamu a chyinghka hpe pat da mu ai. Nanhte nan mung n shang myit dai hte, shang na matu shakut ai ni hpe mung shang na ahkang n jaw myit dai.

MAHTE 6:19

“Manut hte nhkan e sha jahten nhtawm, lagu lagut ni tawk htu nna lagu la lu ai, dinghta ga ntsa e, nanhte a matu sutgan hpe hkum mahkawng da mu.

MARKU 4:19

Rai ti mung dinghta asak hkrung lam a myit ru myit tsang ai lam, sutgan ra marin ai lam hte kaga ra sharawng ai lam ni dumbru shang wa nna dai mungga hpe lim kau ai majaw asi n si lu ai.

TARA JAHPRANG 16:19

Tara jeyang ai lam hta n teng n man ai hku myi man tau ya ai lam madun lu na myit dai n rai; mayun kumhpa ni la sha lu na ma ai n rai; dai gaw hpaji rawng ai ni hte ding man ai ni a myi hpe shamak kau ya nhtawm shanhte a tara daw dan ai lam hpe shut kau shangun nga ai.

TARA JAHPRANG 23:18

Dai zawn re ai amu galaw let lu ai gumhpraw hpe ga shaka shatup na nga, dai Madu nanhte a Karai Kasang a nta de shawn mai nga ai n rai. Dai Madu gaw htingnu shawa num shawa la amu galaw ai hpe matsat nga ai.

KOLOSE 3:5

Dai re ai majaw anhte a kata e amu galaw nga ai mungkan ga a ra marin ai myit ni, hpye ai amu, n tsawm n htap awu asin re ai amu, ngang kayut ai, n hkru n hkra re ai marin marit ai hte lawhpa ai (lawhpa ai gaw gawkngu naw ai amyu mi rai nga ai.) lam re ai ni hpe nanhte sat kau lu na rai myit dai.

1 TIMOHTI 3:3

Chyaru n len ai wa, adup ajin n re ai wa, rai nna sumnung shingdi ai wa, sim sa ai lam hpe ra ai wa rai ra ai. Shi gaw gumhpraw n marin ai wa rai nna;

1 TIMOHTI 6:21

Hpa majaw nga yang, masha nkau mi gaw dai machye machyang lu ai ni rai ga ai nga ninglen dai makam masham kaw na yit mat wa ma ai. Karai Kasang a chyeju gaw nanhte yawng hte rau anga nga u ga law.

1 TIMOHTI 6:9

Rai ti mung sut su mayu ai ni gaw, agung alau hkrum ma ai hte angawk angak hte tsin yam shabyin shangun lu ai marin marit ai lam ni law law a mahkam dawnggawng hta lup mat ma ai; dai gaw shanhte hpe hten byak ai hte sum hkrum ai hta dun bang kau manu ai.

2 TIMOHTI 3:2

Masha ni gaw tinang a akyu tam ai, nam mak lawhpa, shakawng shakat ai, myit tsaw myit dap gumrawng ai ni rai na mara ai. Shanhte gaw roi asawng ga tsun ai ni, kanu kawa ni hpe gumlang ai ni, chyeju n chye dum ai ni, nawku makam masham kata ai ni rai na mara ai.

2 TIMOHTI 4:10

Dema gaw ndai dinghta mungkan hpe tsaw ra ai majaw ngai hpe kau da nna Htesaloni mare de sa mat wa sai. Kareka gaw Galati mung de, Titu gaw Dalamati mung de sa mat wa masai.

TITU 1:11

Shanhte a tsun shaga ai n-gup pat kau ya ra sai; hpa majaw nga yang, shanhte gaw n mai sharin ai lam ni hpe sharin ya nna htinggaw ting ting hpe shabra kau mu ai. Dai lam ni yawng gaw shanhte a gumhpraw lu lam hte seng ai kaya kahpa re ai yaw shada ai lam a matu rai nga ai.

YAKU 5:19

Nye a hpu nau ni e, nanhte hta na marai langai ngai dai teng man ai lam kaw na dam mat wa ai wa hpe marai langai ngai bai woi nhtang wa ai ngu ga.

YAWSHU 7:21

Anhte lu rim la ai arai ni hta tsawm ai Babelon ntsa palawng langai, gumhpraw pawng manga daram, pawng mi jan li ai ja tawng ni hpe mu nna grai yu ra ai hte la kau se ai. Dai arai ni hpe nye a sum kata na ga hta lup da we ai; gumhpraw hpe chyawm gaw htumpa e tawn da nngai,” ngu nna htan wu ai.

YUDA 1:11

Shanhte gaw Ka-in hkan sa ai lam masa hpe hkan sa ma ai majaw shanhte a matu kade hkrithpa rai nga ma hka! ja gumhpraw a majaw Balam galaw shut ai baw mara a lata de shanhte hkum ni hpe ap nawng kau mu ai. Kora gumlau ai zawn shanhte gumlau ma ai majaw, shanhte hpe jahten shaza kau mu ai.

SHINGRAN 18:13

maza hpun, shatmai namhawm tsi, manam pyaw ai baw mura, lawban, sabyi ntsin, sau, muk, shadung, hkaulan mam, wuloi, dumsu, sagu, gumra, gumra leng ni, mayam ni hte masha asak du hkra rai nga ai.