1 TIMOHTI 5:8 - Jinghpaw Common Language Bible 2009

⁸ Marai langai ngai gaw, tinang a amyu ru sai, grau nna dinghku masha ni hpe yu lanu lahku ai lam n nga ai wa gaw, dai makam masham hpe ningdang kau ai wa rai nna n kam ai masha langai hta pyi grau nna n hkru n kaja ai wa rai nga ai.

Jinghpaw Hanson Version Bible

⁸ Marai langai ngai tinang hte seng ai ni hpe n bau ai hta n-ga, tinang a nta na ni hpe n bau ai wa gaw, dai makam masham hpe nyet kau nna, n kam n sham ga ai wa hta grau nna n hkru nga ai.

1 TIMOHTI 5:8 ပူးပေါင်းရင်းမြစ်များ

NINGPAWT NINGHPANG 30:30

Ngai garai n du yang, na a sut gan loi sha mi she rai nga lit dai. Ya chyawm gaw manu mana jat wa nit dai. Ngai du ai shara shagu hta dai Madu nang hpe shaman ya nit dai. Ya chyawm gaw nye a sut gan amyat shachyip la na aten mung rai nga sali ai,” ngu nna htan wu ai.

ESAIA 58:7

Na a lusha hpe kawsi kyet ai wa hpe karan ya u, dum nta n lu ai matsan mayan masha ni shang wa lu mu ga, na a nta ni hpe hpaw tawn u. Bu hpun na hpa mung n lu ai ni hpe hpun palawng jaw u, na a makyin jinghku ni hpe karum na hkum ningdang et.

MAHTE 18:17

Shanhte a ga hpe shi n madat hkraw a yang gaw, dai lam yawng mayawng dai hpung hpe sa shana ya mu. Hpang jahtum dai hpung hpe mung n madat hkraw a yang gaw, tara maigan wa shing n rai, kang hta ai wa hpe zawn na a man e shi rai u ga.

MAHTE 7:11

Nanhte zawn re ai n hkru n kaja ai ni pyi tinang a kasha ni hpe kaja ai kumhpa gara hku jaw na chye nga myit yang gaw, dai hta grau n-ga, sumsing lamu na nanhte a Kawa gaw, shi kaw hpyi ai ni hpe kaja ai kumhpa ni jaw na n rai hka!

YAWHAN 15:22

Ngai shanhte hpe n hkaw n tsun ai sha nga ai rai taw gaw, shanhte hta mara n nga na re ai. Ya chyawm gaw shanhte mara galaw sai lam gara hku mung mara lawt hkra tsun ndang shara n nga manu ai.

1 KORINHTU 6:6

Shing rai galaw na malai, Hkristan hpu nau langai mi gaw shada da shawk hkat na matu tara rung de sa nna n kam n sham ai ni hpe amu jeyang shangun nga a hka!

2 KORINHTU 12:14

Ya ngai nanhte kaw masum lang ngu na sa du kawan na jin jin rai nga ni ai rai nna, ngai nanhte hpe kaga mi n htet shatsang na ni ai. Hpa majaw nga yang, ngai ra ai gaw ja gumhpraw hpe n rai, nanhte hpe sha ngai ra nga nngai. Kaja wa nga yang, kashu kasha ni gaw kanu kawa ni a matu sutgan mahkawng da na n ang ai, kanu kawa ni mahtang she shanhte a kashu kasha ni a matu mahkawng da na ang nga ai.

2 KORINHTU 6:15

Hkristu hte Satan kaning rai myit mang hkrum lu ma ta? Kam sham ai wa langai mi gaw n kam n sham ai wa langai mi hte kaning rai shabung nna nga lu na rai ta?

GALATI 6:10

Dai re ai majaw anhte gaw aten ladaw naw nga pra nna ahkaw ahkang lu shagu masha nlang hte a matu mai kaja ai amu galaw nga ga, rai ti mung makam masham a dinghku na ni hpe grau nna galaw nga ga.

2 TIMOHTI 2:12

Anhte matut nna hkam sharang nga ga yang gaw, anhte shi hte rau mung up nga lu na raga ai. Anhte shi hpe ningdang kau ga yang gaw, shi mung anhte hpe ningdang kau na ra ai.

2 TIMOHTI 3:5

Shanhte gaw anhte a nawku makam masham htung lai ntsa lam hkrang masa hpe hkan sa ma ai rai ti mung de a hpung shingkang atsam majing hpe gaw nyet kau ai ni rai ma ai. Shing re ai masha ni hpe mung koi kau u.

TITU 1:16

Shanhte gaw Karai Kasang hpe chye chyang ga ai nga nna tsun ma ti mung, shanhte a galaw ai lam gaw shanhte hpe n madi shadaw nga ai. Shanhte gaw matsat shabat rai nna yu ra na zawn n re ai ni, mai kaja ai amu lama ma galaw na atsam marai n rawng ai ni rai nga ma ai.

2 PETRU 2:1

Lai wa sai ten e masha ni hta myihtoi masu ni paw pru ma ai hte maren, nanhte hta mung sara masu ni paw pru na mara ai. Shanhte gaw jahten sharun ai, n teng n man ai sharin shaga ai lam ni hpe mayun shashawn bang nna tinang hpe hkye mawai la sai Madu hpe ningdang kau na mara ai. Shing rai shanhte gaw shanhte a ntsa e akajawng sha hten bya ai lam du shangun na maru ai.

YUDA 1:4

Hpa majaw nga yang tara n hkungga ai masha ni n dum shami anhte kaw mayun shang nga ma ai. Shanhte gaw, shanhte a pyaw hpa lam hkan ai n kaja ai arawn alai ni hpe lu magap shalawt na matu anhte a Karai Kasang a chyeju hte seng ai mungga hpe kam ai hku manai makai di kau ma ai hta n-ga, anhte a langai sha rai nga ai Madu Yesu Hkristu hpe mung ningdang kau ma ai. Shanhte hkam la masai daw dan lam hpe moi chyaloi nhkoi kaw nna chyum mungga ni hta tau tsun da nga sai.

SHINGRAN 2:13

Nang gara shara e nga nga ndai hpe ngai chye nga nngai. Satan a tingnyang dung nga ai shara e nang nga nga ndai. Ngai hta sadi dung ai hte sakse hkam ai Antipa gaw Satan de nga ai shara ngu ai nanhte a ka-ang e Sat kau hkrum ai aten hta pyi, nang gaw ngai hta sadi dung nga nna, ngai hpe kam sham ai na a makam masham hpe n nyet kau ndai.

SHINGRAN 3:8

Nang galaw nga ai amu hpe ngai chye nngai. Nang n-gun atsam loi mi sha rawng ti mung, nye a sharin shaga ai ga hpe nang hkan nang nna, nye a ntsa e sadi dung nit dai hpe ngai chye nga nngai. Na a man e kadai mung n la da lu ai chyinghka langai mi ngai hpaw malang da se ai.