1 TIMOHTI 5:6 - Jinghpaw Common Language Bible 2009

⁶ Rai ti mung arawn alai hten nna pyaw hpa lam sha tam ai gaida jan chyawm gaw, shi naw hkrung nga ninglen chyasi rai nga ai.

Jinghpaw Hanson Version Bible

⁶ Tangpyaw sha tam nga ai gaida jan chyawm gaw, naw hkrung nga ninglen chyasi rai nga ai.

1 TIMOHTI 5:6 ပူးပေါင်းရင်းမြစ်များ

NINGPAWT NINGHPANG 2:17

rai ti mung kaja ai hte n kaja ai hpe chye ginhka shangun ai hpun hta na asi hpe chyawm gaw nang n sha lu na ndai. Dai hpun kaw na nang sha ai rai yang, dai shani jang nang si na rin dai,” ngu nna tsun wu ai.

GA SHAGAWP 29:21

Ma kaji prat kaw nna shi ra ai hpa hpe rai tim, nang na a shangun ma wa hpe jaw shalan tawn da ai rai yang, shi gaw lani mi na nhtoi hta nang madu da ai arai yawng hte hpe madu la kau ya na ra ai.

ESAIA 22:13

Shing rai na malai, nang gaw mani sumsai hte masat poi galaw nga ndai. Nang gaw sha na matu sagu, dumsu ni sat nna sabyi lu nga ndai. Nang gaw, “Anhte mung sha ga, lu ga! Hpawt ni sha anhte si wa na saga ai,” ngu nna tsun ndai.

ESAIA 47:1

Dai Madu gaw, “Babelon e, na a tingnyang kaw na yu wa nna, ga ntsa na nhpu hta dung nga u. Nang gaw hkawn sek langai zawn, kalang mi mung ka-up la n hkrum yu ai mare langai rai nga ndai, rai ti mung nang gaw galoi mung nu nu nai nai rai nga ai n rai! Ya chyawm gaw nang mayam rai nga nit hka!

YEREMIA 6:2

Ziun mare gaw tsawm htap nga ai, rai ti mung hten za mat na ra ai;

SHARUNG SHAYAWT 4:5

Lang mi mu mai htum ai lusha ni sha yu sai masha ni gaw lusha kyet ai majaw nmaw lam hkan e si taw nga ma ai; pyaw hpa lam hta len yu sai ni gaw lusha a matu shanut shanaw hkan tam mahkai hta nga ma ai.

MAHTE 8:22

Yesu gaw, “Ngai kaw hkan nang rit, masha chyasi ni gaw shanhte a chyasi ni hpe lup makoi mu ga,” ngu wu ai.

LUKA 12:19

Dai hpang, nye a myit masin hpe ning ngu na we ai, gam kaja ai masha wa e! Law law ning a matu nang ra ai arai kaja law law nang shinggyin da lu nit dai rai nna, asak hkrung ai lam hta asan apan rai nga nu, lu nu, sha nu, pyaw pyaw rai nga nu, ngu na we ai,’ nga nna shi hkum hpe shi tsun wu ai.

LUKA 15:13

Dai hpang nhtoi gade n na yang, kasha kaji wa gaw, shi lu ai sut rai ni yawng dut kau nna lu ai gumhpraw gun nhtawm nta na pru mat wa ai. Shi gaw tsan ai mung de sa wa nna, dai shara e shi gumhpraw ni hpe majoi jai ai hte pyaw daw kadaw hkawm nna ginlut shamat kau wu ai.

LUKA 15:24

Hpa majaw nga yang, ndai ngai sha gaw si mat sai; ya bai hkrung sali ai; mat mat sai hpe ya bai mu la se ai,’ ngu mu ai. Shing rai lusha poi galaw hpang nna pyaw pyaw rai nga ma ai.

LUKA 15:32

Rai ti mung, anhte poi galaw nna pyaw pyaw rai kabu gara mai nga ai, hpa majaw nga yang, ndai na nnau wa gaw si mat sai, ya bai hkrung ra ai, mat mat sai mung, ya bai mu la saga ai,’ ngu nna shi hpe nem wu ai,” ngu mu ai.

LUKA 16:19

“Kalang mi na sahti wa langai mi nga ai. Shi gaw, hpu ging dik ai, hpun palawng bu hpun nna shani shagu pyaw pyaw ning ngai nga ai.

LUKA 7:25

Shing n rai, hpa hpe yu na sa myit ta? Mani tsawm ai bu hpun palawng bu hpun tawn ai wa hpe rai ni? Dai zawn tsawm htap ai bu hpun palawng bu hpun nna nhpaw n-ya ningngai nga lu ai gaw, hkawhkam htingnu ni hta mu lu nga ai.

EHPESU 2:1

Lai wa sai ten hta nanhte gaw, nanhte a n madat n mara ai tawt lai ai bungli hte yubak mara ni a majaw Wenyi lam hta chyasi rai nga myit dai.

EHPESU 2:5

anhte a n madat mara nna tawt lai ai lam a majaw wenyi hta chyasi naw rai nga ai ni hpe Hkristu hta asak bai jahkrung dat mi ai. Dai gaw Karai Kasang a chyeju hte sha nanhte hkye hkrang la hkrum manit dai rai nga ai.

EHPESU 5:14

Hpa majaw nga yang, asan sha shadan shadawng da ai arai ni gaw nhtoi tai nga ai. Dai majaw, “Yup pyaw ai wa e rawt u, si ai kaw na bai rawt wa nu; Hkristu gaw nang hpe jahtoi jaw na ra ai,” nga nna tsun ai.

TARA JAHPRANG 28:54

Dai zawn wang shinggrup da hkrum ai aten e, nanhte hta nachying sumnung shingdi ai wa pyi myit chyum myit htum hkrum nna lusha kadawn mat ai a majaw shi a kasha majing ni hpe pyi sha kau na wu ai. Shi tsaw ra ai kahpu kanau, madu jan hte naw ngam nga ai kasha ni hpe pyi kam jaw sha na wu ai n rai.

TARA JAHPRANG 28:56

Grai sut su nna arawng kaba hte hkik hkam ai hku shangai wa nhtawm, ga hta galoi mung n kabye hkawm yu ai dai nachying sumnung shingdi ai numsha pyi, dai hte maren galaw na ra ai. Gumlau hpyen ni mare wang shinggrup da ai shaloi dai numsha gaw myit chyum myit htum hkrum nna lusha kadawn mat ai a majaw tinang shangai ai ma chyangai hte hkritung na ma manang hpe pyi shi hkrai lagyim sha na rai wu ai. Shi tsaw ra ai madu wa hte shi a shayi shadang sha ni hpe pyi gambum karan jaw na wu ai n rai.

KOLOSE 2:13

Nanhte gaw moi shawng de yubak galaw ai ni rai nga myit dai majaw mung, Yuda masha n rai nna tara kata ai hte matu gadoi n hkam ai maigan masha ni rai nga myit dai majaw mung, Wenyi lam hta masha chyasi rai nga myit dai. Rai ti mung ya gaw Karai Kasang nanhte hpe Hkristu hte rau asak bai jahkrung ya manit dai. Karai Kasang gaw anhte a yubak yawng mayawng hte hpe raw dat kau ya sai.

2 TIMOHTI 3:6

Shanhte hta na nkau mi gaw masha ni a nta ni hta hkan shang nhtawm mayun de nna machye machyang n law nna gawng kya ai num ni hpe shanhte a lata hta shang hkra galaw ma ai. Dai num ni gaw tinang tawt lai kau ai yubak mara majaw myit lit li nna myit n pyaw let, ngang kayut ai lam amyu myu hta len nang mat wa nna,

YAKU 5:5

Ndai ga ntsa e nanhte a asak hkrung lam gaw hkum hkrang myit masin hpe shangwi shapyaw ya ai arung arai kaja ni hte pyaw daw lam hkrai hpring chyat rai nga malit dai. Nanhte gaw sat kau hkrum na nhtoi a matu nanhte a hkum ni hpe hpum sau hkra kawn da nga myit dai.

SHINGRAN 18:7

Tinang hkum hpe shagrau shareng nna ningngai lu sai shadawn shadang hte maren, shi hpe dai yawn hkyen ai hte nni nkri lam htang jaw mu. Hpa majaw nga yang, shi gaw, ‘Ngai hkawhkam jan nang e hkaw dung nga nngai! Ngai gaida jan n rai, ngai galoi mung yawn hkyen ai n hkrum na nngai!,’ nga nna tinang dai atsun nga ai.

SHINGRAN 3:1

“Bai Sardi mare na hpung a lamu kasa hpe ning ngu ka dat u: “Ndai gaw, Karai Kasang a Wenyi sanit hte shagan sanit lang da ai wa kaw na mungga rai nga ai. Nang galaw ai amu hpe ngai chye nga nngai. Nang gaw asak hkrung shamu shamawt nga ai ngu nna, kajai gumhkawng nga timung, nang chyasi rai nga ndai.

1 SAMUELA 15:32

Samuela gaw, “Hkawhkam Agag hpe ndai yang, ngai hpang de woi wa ya mi,” ngu nna hkang dat wu ai. Agag mung shi kaw hkrit gari ai hte sa wa nhtawm, “Si hkrung si htan re ai laja lana hkrit hpa gaw ngut boi mat sai,” ngu nna shi kraw hta myit nawn la wu ai.

1 SAMUELA 25:6

Shi gaw Nabala hpe ning ngu sa tsun na matu matsun dat wu ai: “Nye a manang wa e, nang mung, na a dinghku masha ni mung, nang hte seng maseng ni yawng hte mung, Dawi gaw shi a shakram ga ni hte mai kaja htum ai akyu hpyi ga ni hte nang hpang de shakram shana dat wu ai.