1 TIMOHTI 5:3 - Jinghpaw Common Language Bible 2009

³ Masha shingtai rai taw nga ai gaida jan ni hpe hkungga lara nga u.

Jinghpaw Hanson Version Bible

³ Gaida jan majing rai nga ai gaida jan ni hpe, hkungga lara nga mu.

1 TIMOHTI 5:3 ပူးပေါင်းရင်းမြစ်များ

YOBA 29:13

Htum hkra nni nkri hkrum sha ai ni mung ngai hpe shakawn ma ai; ngai gaw gaida jan ni hpe shim lam mu la hkra karum nngai.

YOBA 31:16

Ngai gaw matsan mayan masha ni hpe galoi mung karum nngai; gaida gaina ni hpe mung galoi mung myit htum shangun ai n rai.

SHAKAWN KUNGDAWN 146:9

Anhte a lamu ga hta nga ai tsasam masha ni hpe shi makawp maga ya nga ai; gaida gaina ni hte jahkrai nmai ni hpe shi karum ya nga ai, rai ti mung, tara n lang ai ni a maw mawn ai lam hpe chyawm gaw jahtum kau ya nga ai.

SHAKAWN KUNGDAWN 68:5

Shi a chyoi pra ai Nawku Htingnu hta shanu nga ai Karai Kasang gaw jahkrai nmai ni hpe lanu lahku nga nna gaida jan ni hpe makawp maga ya nga ai.

SHAKAWN KUNGDAWN 94:6

Shanhte gaw gaida jan ni hte jahkrai ma ni hpe sat nga ma ai hte, anhte a lamu ga hta nga ai tsasam manam ni hpe mung htau kau ma ai.

PRU MAT 20:12

“Na nnu yan nwa hpe hkungga lara di u; shaloi ngai nang hpe jaw da ai lamu ga hta asak galu ai hte shanu nga lu na ndai.

YEREMIA 49:11

Na a jahkrai nmai ni hpe ngai hte tawn da u, shaloi ngai gaw shanhte hpe lanu lahku la na nngai. Na a gaida gaina ni ngai hta shamyet shanat lu nga ma ai.

MAHTE 15:6

dai wa gaw kanu kawa hpe karum madi shadaw n ra mat sai, ngu nna nanhte sharin shaga myit dai. Shing nga nna nanhte gaw tinang a htung lai hkan lu na matu Karai Kasang hkang da ai tara hpe shinggan kau myit dai.

MAHTE 23:13

“Hpyi hpun ai tara sara ni hte Hparishe ni e, nanhte dingnye lu myit dai! Nanhte gaw masha ni a man e sumsing lamu a chyinghka hpe pat da mu ai. Nanhte nan mung n shang myit dai hte, shang na matu shakut ai ni hpe mung shang na ahkang n jaw myit dai.

LUKA 2:37

Dai num gaw Nawku Htingnu kaw na n pru ai sha, lusha gam nna akyu hpyi ai hte Karai Kasang hpe nawku daw jau let anga nga ai.

LUKA 7:12

Dai mare chyinghka de shi du magang yang, si mat ai masha langai mi hpe lup makoi na matu mang hpai ai ni hpai pru sa wa mara ai; si ai wa gaw gaida jan langai mi a shadang sha shingtai rai nga ai; mare masha law law mung dai num hte rau hkan sa nang ma ai.

YAWHAN 1:47

Yesu hpang de Nahtanela sa wa nga ai hpe mu wu ai shaloi, shi hpe sha-ang nna, “Sawt ai myit n rawng ai, Israela masha majing hpe yu yu mu,” ngu wu ai.

KASA 6:1

Ya gade nna yang, Sape ni law htam wa ma ai rai nna Grik ga shaga ai Yuda ni hte Yuda majing ni a lapran e aput angun nga nna ga shai hkat wa ma ai. Grik ga shaga ai Yuda masha ni mahtang shani shagu jai na gumhpraw garan ai hta shanhte a maga na gaida jan ni hpe hprai kau nna shadawng da ya mi ai, nga nna tsun mara ai.

KASA 9:39

Shaloi Petru rawt nna dai yan hte rau hkan sa wa ai. Shi du ai shaloi ntsa gawk de woi shawn mu ai. Dai yang e gaida jan ni nlang Petru a makau e tsap gum bawm nna naw hkring nga yang, Dorka chywi ai kata palawng ni ntsa palawng ni hpe madun dan let, hkrap nga ma ai.

KASA 9:41

Petru mung lata ladawn nna gang sharawt la wu ai. Dai hpang gaida jan ni hte kam sham ai hpung masha ni yawng hpe shaga la nna asak bai hkrung wa ai Dorka hpe ap ya mu ai.

TARA JAHPRANG 10:18

Shi gaw jahkrai nmai, gaida gaina ni hpe rap ra ai hku daw dan ya nna, anhte a amyu masha ni kaw hkan nga ai maigan masha ni hpe tsaw ra ai majaw lusha hte hpun palawng ni hpe jaw ya wu ai.

TARA JAHPRANG 14:29

Dai malu masha gaw sut gan sali wunli n lu ai Lewi masha ni a matu mung, nanhte a mare ni hta nga ai maigan masha ni, jahkrai nmai hte gaida gaina ni a matu rai nga ai. Dai rai nna shanhte hta ra ai made sa la na rai ma ai. Shing rai jang, nanhte galaw ai lam magup hta dai Madu nanhte a Karai Kasang gaw nanhte galaw ai lam magup hpe shaman ya na ra ai.

TARA JAHPRANG 16:11

Tinang a kashu kasha, shangun ma ni hte nanhte a mare hta nga ai Lewi masha ni, maigan masha ni, jahkrai nmai ni hte gaida gaina ni yawng dai Madu a man e rau sha kabu gara nga mu. Ndai amu hpe nawku daw jau ai shara langai hta sha galaw mu.

TARA JAHPRANG 16:14

Nanhte a kashu kasha ni, shangun ma ni, nanhte a mare hkan nga ai Lewi ni, maigan masha ni, jahkrai nmai ni hte gaida gaina ni hte kabu gara lu na rai myit dai.

TARA JAHPRANG 27:19

“ ‘Maigan masha ni, jahkrai nmai hte gaida gaina ni lu la ang ai shanhte a ahkaw ahkang ni hpe hkum pat shadang da ya ai wa kadai mung Karai Kasang jaw ai ari hkrum sha u ga law.’ “Shaloi Amyu masha ni yawng gaw, ‘Amen!,’ ngu nna htan na mara ai.

1 HTESALONI 2:6

Anhte gaw nanhte kaw na mung, kaga ni kaw na mung, masha kadai kaw na mung shakawn shagrau ai lu la hkra shakut ga ai n rai.

1 TIMOHTI 5:2

hpawmi ni hpe kanu ni hpe zawn, mahkawn ni hpe kajan kana ni hpe zawn tsep kawp san seng ai myit hte shadum shahprang nga u.

YAKU 1:27

Kawa Karai Kasang a man e san seng ai hte jet ai nawku htung ngu ai gaw, ruyak kyindut hkrum nga ai jahkrai nmai ni hte gaida ni hpe lanu lahku gawn lajang nna tinang hkum hpe mung, mungkan ga a awu asin re ai hpe mung, koi kau ai lam rai nga ai.

1 PETRU 2:17

Masha shagu hpe hkungga lara di mu; nanhte a kam sham ai hpu nau ni hpe tsaw ra nga mu. Karai Kasang hpe hkrit kamyin nga mu; hkawseng wa hpe mung hkungga lara di mu.

1 PETRU 3:7

Dai hte maren madu wa ni e, madu jan ni gaw n-gun kya ai amyu ni re ai ngu ai hpe atsawm sha chye na let nanhte a madu jan ni hte kanawn mazum nga mu. Shanhte hpe hkungga lara di mu, hpa majaw nga yang shanhte mung nanhte hte maren Karai Kasang kaw na asak a sali wunli kumhpa hpe hkam la na ni rai ma ai. Ndai lam galaw mu, shaloi she nanhte a akyu hpyi ai ga ni hpe hpa e mung dingbai dingna n shabyin na re.