1 TIMOHTI 5:22 - Jinghpaw Common Language Bible 2009

²² Madu a magam bungli gun hpai na matu kadai hpe mung lata mara nna aya dang ya na hkum tin et. Kaga masha ni yubak galaw ai lam hta hkum lawm et; nang nan mara n kap hkra san seng nga u.

Jinghpaw Hanson Version Bible

²² Kadai wa a ntsa e mung lata alawan hkum mara ya u; masha kaga a yubak hta hkum bawk lawm nga u: tinang dai san seng nga u.

1 TIMOHTI 5:22 ပူးပေါင်းရင်းမြစ်များ

SHAKAWN KUNGDAWN 50:18

Nang mu hkrup ai lagut shagu hte a manang nang tai nna; numshaw lashaw ai ni hte rau nang kanawn nga ndai.

KASA 13:3

Dai hte maren shanhte gaw lusha gam let, akyu hpyi nna shan a ntsa e lata mara jaw ngut jang, shan hpe dat dat mu ai.

KASA 18:6

Yuda masha ni Pawlu hpe ninghkap nna shi a lam n kaja ai hku amyu myu roi n ra nga tsun jahpoi asawng ma yang, Pawlu gaw shi a hpun palawng kaw na nhpu ni hpe ahpu jahkrat dan let, “Nanhte hten byak mat ai rai yang nanhte a mara nanhte a ntsa she rai nu ga, ngai hta lit n nga sai. Ya kaw nna gaw, maigan amyu ni hpang de ngai kayin mat wa na ni ai,” ngu nna shanhte hpe tsun mu ai.

KASA 20:26

Dai majaw nanhte hta na marai langai ngai asak Wenyi sum mat ai rai yang, nye a lit n rai sai lam dai ni ngai nanhte hpe hkrak sha tsun dan da made ai.

KASA 6:6

Dai hpang shanhte hpe kasa ni a man de jashawn dat nna dung nga shangun mu ai, kasa ni akyu hpyi ngut jang, shanhte a ntsa e lata mara jaw da mu ai.

EHPESU 5:11

Nsin hta hkawm sa nga ai masha ni galaw ai akyu n rawng ai nsin hte seng ai bungli ni hpa mung n hkan galaw ai sha, dai amu ni hpe nhtoi de shadan dan nga mu.

1 TIMOHTI 3:10

Shanhte gaw shawng nnan e chyam dinglik yu ai hkrum nna mara n rawng ai sha awng lawt lai lu ma yang gaw, hpungtau amu gun hpai mu ga.

1 TIMOHTI 3:2

Hpung a ningbaw ningla langai mi gaw, mara n kap ai wa, madu jan langai sha lu ai wa, sadi sahka re ai wa, tinang hkum hpe hkang lu ai wa, masa hte hkrak rai nna asak hkrung ai wa, shi a nta hta tsasam manam ni hpe hkap hkalum daw jau na sharawng ai wa; sharin shaga chye ai wa, rai ra ai.

1 TIMOHTI 3:6

Shi gaw Hkristan nnan tai ai wa mung n rai u ga, shi gaw gumrawng gumtawng ai hta myit tsaw myit dap wa nna Nat Satan hpe zawn jeyang daw dan ai n hkrum u ga, dai makam masham hta myit su kunghpan wa ra nga ai.

1 TIMOHTI 4:12

Nang asak naw kaji ai brang ram rai nga ndai majaw, kadai mung nang hpe n yu kaji kau u ga, tsun ai ga hta mung, arawn alai hta mung, tsaw ra ai hta mung, makam masham hte myit san seng ai hta mung, kam sham ai ni a matu mara kasi kamang tai nga u.

1 TIMOHTI 4:14

Myihtoi ni hkaw tsun ai hte hpung woi ni na a ntsa e lata mara sari dang da ya ai shaloi nang hpe jaw da nna nang hta rawng nga ai wenyi hte seng ai chyeju kumhpa hpe n gawn n sawn di nna hkum hprai kau nga u.

2 TIMOHTI 1:6

Dai re ai majaw ngai nang hpe lata mara nna aya dang ya ai shaloi Karai Kasang kaw na nang hkam la sai chyeju kumhpa hpe ahkrung nga shangun na matu nang hpe ngai bai shadum dat de ai.

2 TIMOHTI 2:2

Sakse law law ni a man e, ngai kaw na nang sharin la, na la sai sharin shaga ai ga ni hpe hta la nhtawm masha kaga ni hpe mung bai sharin achyin ya lu na re ngu nna nang kam mai ai masha ni hpe bai htawt ap ya u.

HEBRE 6:2

hkalup hkam ai lam, lata mara aya dang ai lam, si ai kaw na bai rawt wa ai lam hte htani htana daw dan hkrum ai lam ni hpe bai sharin kahtap npawt gaw na n ra saga ai.

YAWSHU 9:14

Israela amyu masha ni mung dai Madu hpe n san yu ai sha, shanhte a lusha nkau mi hpe hkap la ya ma ai.

2 YAWHAN 1:11

Hpa majaw nga yang, shing rai hkap shachyen ai wa kadai mung shi galaw ai n kaja ai lam ni hta lawm mat ai wa rai nga ai.

SHINGRAN 18:4

Dai hpang sumsing lamu de na nsen langai mi gaw, “Nye a amyu masha ni e, pru sa wa marit! Shi kaw na pru wa marit! Shi hte rau yubak mara n galaw myit ga, shi hte rau dai ari n jawm hkrum myit ga!