1 TIMOHTI 5:19 - Jinghpaw Common Language Bible 2009

¹⁹ Sakse hkam ai masha n law htum marai lahkawng masum n nga yang gaw hpung woi wa hpe mara shagun ai ga hpe n mai madat ya ai.

Jinghpaw Hanson Version Bible

¹⁹ Sakse lahkawng masum n nga a yang gaw, Hpung salang wa hpe mara shagun ai lam hta hkum madat lawm et.

1 TIMOHTI 5:19 ပူးပေါင်းရင်းမြစ်များ

MAHTE 18:16

Na a ga hpe n madat la yang gaw, marai langai lahkawng hpe naw shaga la nna hpa hku hpa lam rai ti mung nang mara madun ai lam teng nga ai lam dai Chyum Laika hta tsun da nga ai hte maren, sakse lahkawng masum a n-gup ga hte daw dan ya mu.

YAWHAN 18:29

Dai re ai majaw Pilat gaw shanhte nga ai de pru nna, “Ndai wa hta nanhte hpa mara shagun mu ta?,” ngu nna san mu ai.

YAWHAN 8:17

Nanhte a Tara laika hta, ‘Sakse lahkawng yan tsun ai lam myit hkrum jang, shanhte tsun ai ga teng nga ai,’ nga nna ka da nga ai.

KASA 11:30

Dai hte maren shanhte galaw nna Dai gumhpraw hpe Barnaba yan Shawlu a lata hte hpung salang ni hpang de shagun dat ma ai.

KASA 25:16

Rai ti mung ngai gaw, mara shagun hkrum ai wa langai ngai, mara shagun ai ni hte myiman chyaw rai nna shanhte mara shagun da ai hpe tsun dan na ahkaw ahkang n jaw ai sha marai langai ngai hpe ap kau na gaw anhte Roma masha ni a htung lai n re ngu nna shanhte hpe tsun da mawe ai.

2 KORINHTU 13:1

Ya ngai gaw nanhte hpang de masum lang ngu na bai du sa wa na nngai. Chyum laika hta mung, “Mara shagun da ai lam langai ngai hpe chye ya ai sakse lahkawng, shing n rai lahkawng hta jan ai sakse ni a ga hte shagrin da lu na rai nga ai,” nga nna tsun da nga ai.

TARA JAHPRANG 17:6

Rai ti mung marai lahkawng masum shi a lam sakse hkam ai rai yang chyu sha sat kau ai hkrum mai nga ai. Sakse langai sha rai yang chyawm gaw si ai hkrum lu na wu ai n rai.

TARA JAHPRANG 19:15

“Ru hka amu galaw shut ai mara gawn lu na matu sakse langai sha hte n law nga ai; dai masha wa mara lu nga ai hpe shagrin na matu yawm dik sakse lahkawng ra nga ai.

1 TIMOHTI 4:14

Myihtoi ni hkaw tsun ai hte hpung woi ni na a ntsa e lata mara sari dang da ya ai shaloi nang hpe jaw da nna nang hta rawng nga ai wenyi hte seng ai chyeju kumhpa hpe n gawn n sawn di nna hkum hprai kau nga u.

1 TIMOHTI 5:17

Ningbaw ningla amu hpe atsawm galaw ai hpung woi ni gaw shabrai htam lahkawng hkam la ging ai wa re ngu nna sawn la mai nga ai. Grau nna mungga htawn tsun ai lam sharin achyin ai lam hpe shakut shaja gun hpai ai ni gaw shing rai hkam la ging ai ni rai nga ma ai.

TITU 1:6

Dai hpung salang wa gaw mara n rawng ai wa, num langai sha lu ai wa, rai ra ai. Shi a kasha ni gaw Madu Yesu hpe kam sham ai ni rai ra ai. Zai ai arawn alai hte ga n madat ai lam hta mying pru ai kashu kasha lu ai wa n rai na.

HEBRE 10:28

Mawshe a Tara hpe n madat n mara tawt lai ai wa kadai mung, sakse lahkawng masum a ga hte mara lu ai ngu nna daw dan hkrum ai rai yang, matsan n dum ai sha si ari jaw ai hkrum ma ai.