1 TIMOHTI 5:18 - Jinghpaw Common Language Bible 2009

¹⁸ Hpa majaw nga yang Chyum Laika hta, “Mam kabye nga ai dumsu a n gup hpe ka dagraw da ya lu na n rai; bai amu galaw ai wa gaw shi a shabrai hkam la lu na rai nga ai,” nga nna tsun nga ai.

Jinghpaw Hanson Version Bible

¹⁸ Kaning rai nme law, Mam kabye ai nga a n-gup hpe ka dagraw ya lu na n rai; bai, Amu bungli galaw ai wa gaw, shi a shabrai hkam ging nga ai, nga nna Chyum Laika tsun nga ai.

1 TIMOHTI 5:18 ပူးပေါင်းရင်းမြစ်များ

JAW JAU 19:13

“Kadai hpe mung zai hte roi rip nna shi a arai kashun la lu na n rai. Nchyang ma a shabrai lana mi sha pyi hkum shadang da lu na myit dai n rai.

MAHTE 10:10

hkrun lam na matu nhpye hte palawng shajan hkum gun, kyepdin hte dawhkrawng mung hkum lang myit: hpa majaw nga yang, amu galaw ai wa gaw shi a shahpa lu la ging nga ai.

LUKA 10:7

Dai nta hta e nan, nanhte nga nga nna, shanhte jaw ai hte maren lu sha mu, hpa majaw nga yang, amu galaw ai wa gaw shabrai hkam la ging nga ai. Nta mi kaw nna nta mi de hkum htawt nga hkawm myit.

ROMA 10:11

Dai Chyum Laika hta mung, “Shi hpe kam sham ai ni yawng mayawng hte gaw myit daw myit hten hkrum na n rai,” nga ai.

ROMA 11:2

Karai Kasang gaw shawng npawt kaw nna lata la sai shi a amyu masha ni hpe kabai kau nu ai n rai. Chyum Laika hta Elia gaw Israela amyu masha ni hpe mara shagun let Karai Kasang kaw kaning nga hpyi nem ai hpe nanhte chye nga myit dai.

ROMA 4:3

Dai Chyum Laika mung “Abraham gaw Karai Kasang hpe kam sham wu ai rai nna shi a makam masham a majaw, Karai Kasang shi hpe ding hpring ai wa ngu nna hkap la wu ai,” nga ai.

ROMA 9:17

Hpa majaw nga yang, Karai Kasang gaw Egutu Hkawhkam hpe, “Ngai nang hpe Hkawhkam tai shangun ai lam gaw nang hta nye a daru magam atsam madun dan nna ga ntsa ting nye a amying gumhkawng wa shangun na matu she rai nga ai,” nga nna tsun ai lam Chyum Laika hta ka da nga ai.

1 KORINHTU 9:14

Dai hte maren, dai Kabu Gara Shiga hkaw dan ai ni gaw, dai Kabu Gara Shiga hta kan bau lu na, nga nna dai Madu hkang da nga sai.

GALATI 3:8

Dai Chyum laika mung, “Karai Kasang gaw makam masham hte sha maigan masha ni hpe ding hpring shangun na maru ai,” nga nna tau tsun da sai. Dai rai nna Chyum Laika gaw, “Amyu baw shagu gaw na gawp e gumring gumrat hkrum na mara ai,” nga nna Abraham hpe dai Kabu Gara Shiga shana ya mu ai.

TARA JAHPRANG 25:4

“Mam kabye ai dumsu n-gup pat ya lu na n rai.

YAKU 4:5

“Anhte hta Karai Kasang bang da ya ai wenyi gaw hkrithpa laja lana re ai ra marin ai myit hte hpring chyat nga ai,” nga nna dai Chyum Laika tsun ai ga hta teng man ai lam n rawng ai ngu nna nanhte myit nga myit ni?