1 TIMOHTI 5:15 - Jinghpaw Common Language Bible 2009

¹⁵ Hpa majaw nga yang, ya jang pyi gaida jan nkau mi gaw Satan a hpang hkan nang na matu gayin mat wa rau masai.

Jinghpaw Hanson Version Bible

¹⁵ kaning rai nme law, ya e pyi nkau mi gaw lam dam ma ai rai nna, Satan kaw hkan nang ma ai.

1 TIMOHTI 5:15 ပူးပေါင်းရင်းမြစ်များ

MAHTE 4:10

Shaloi Yesu gaw, “Satan e pru mat wa u! ‘Dai Madu na a Karai Kasang hpe nang nawku lu na rai nna, shi hpe hkrai daw jau lu na re ai!, nga nna she ka da nga ai,” ngu nna shi hpe htan wu ai.

1 TIMOHTI 1:20

Shanhte ni hta Satan a lata de ap kau ai hku nna ngai ari jaw ai Humeni hte Alexandru ngu ai yan lawm ma ai. Shing di ai lam gaw, shanhte a masu matsa shatan nhkan ai lam jahkring kau mu ga, sharin ya na matu rai nga ai.

2 TIMOHTI 1:15

Nang chye nga ndai hte maren, Hpugelu yan Heramoge hte hpawn Asi kaji mung e nga ai ni yawng ngai hpe kau da mani ai.

2 TIMOHTI 2:18

Shanhte gaw dai teng man ai lam hta na yit mat wa nna anhte a hkrung rawt wa ai lam gaw byin ngut sai nga nna tsun ai hte nkau mi a kam sham ai lam hpe shanut jahtum ya nga ma ai.

2 TIMOHTI 4:10

Dema gaw ndai dinghta mungkan hpe tsaw ra ai majaw ngai hpe kau da nna Htesaloni mare de sa mat wa sai. Kareka gaw Galati mung de, Titu gaw Dalamati mung de sa mat wa masai.

2 PETRU 2:2

Shing rai hkra rai ti mung, masha law law wa shanhte a n kaja ai kyang lai len lam hta hkan sa na mara ai. Shanhte shing rai galaw ma ai majaw dai teng man ai Lam hpe masha kaga ni n kaja ai hku tsun jahpoi na mara ai.

2 PETRU 3:16

Pawlu gaw ndai lam hte seng nna shi ka ai laika ni hta ndai hte maren ka madun da nga ai. Shi a laika hta rawng ai ginlam nkau mi gaw chye na yak ai majaw, angawk angak re ai ni hte myit n gring ai masha ni gaw shut ai hku lachyum hpyan la ma ai, kaga chyum ga ni a lachyum hpe mung dai hte maren htai la shut ai majaw shanhte a hten bya ai lam hpe shanhte nan galaw la masai.

1 YAWHAN 2:19

Ndai masha ni gaw galoi mung anhte a kanawn mazum ai hte n seng ai ni rai ma ai majaw, anhte kaw na shanhte pru mat wa ma ai, anhte a kanawn mazum ai hte seng ai ni rai ma taw gaw shanhte gaw anhte hte rau nga nga na ma ai. Rai ti mung shanhte nlang anhte hte kaja wa n seng ai lam dan leng wa u ga, shanhte pru mat wa ma ai.

SHINGRAN 12:9

Shaloi, mungkan ting hpe masu hkalem kau ai Nat Satan ngu ai, moi na lapu rai nga ai baren numraw kaba gaw, shi a ali ama ni hte rau ga de jahkrat kau ai hkrum wu ai.