1 TIMOHTI 5:14 - Jinghpaw Common Language Bible 2009

¹⁴ Dai rai nna hpyen ni gaw anhte a lam n kaja ai hku tsun na lam ginjang n nga hkra aprat kaji ai gaida jan ni gaw hkungran nna kashu kasha shangai ai hte shanhte a kun dinghku ni hpe yu lajang nga na hpe ngai grau ra sharawng nga nngai.

Jinghpaw Hanson Version Bible

¹⁴ Dai rai nna, aprat garai n kaba ai gaida jan ni gaw hkungran nna, kashu kasha shangai ai hte, kun dinghku hpe yu lajang let, nhtan shai ai ni a matu shatan nhkan ai lam n shapraw u ga, ngai ra nga nngai:

1 TIMOHTI 5:14 ပူးပေါင်းရင်းမြစ်များ

NINGPAWT NINGHPANG 18:6

Abraham mung sum kata de tin tin shang wa nhtawm Sara hpe, “Na a kaja htum ai muk shadung hpai mi hpe tin tin la nhtawm nkau mi hpe muk pa kaba u,” ngu nna tsun wu ai.

NINGPAWT NINGHPANG 18:9

Dai hpang shanhte gaw shi hpe, “Na a madu jan Sara kanang nga nga a ta?,” ngu nna san mu ai. Shi gaw, “Shi gaw wora sum kata e nga nga ai,” ngu nna htan wu ai.

2 SAMUELA 12:14

Rai ti mung, nang ndai amu galaw let dai Madu hpe ndai zawn n gawn n sawn re ai amu madun dan nit dai majaw, na a kasha gaw si lu na rai nga ai,” ngu nna tsun htang wu ai.

GA SHAGAWP 14:1

Num ni a hpaji byeng-ya hte dum nta ni hpe gaw da nga ai; angawk ai lam a majaw jahten kau hkrum nga ai.

YEREMIA 29:6

Num la nna kashu kasha shaprat mu. Nanhte a kashu kasha ni hpe dinghku de ya nna shanhte mung kashu kasha shaprat mu ga. Nanhte gaw mayat maya ai lam hta jat wa lu nna dai hta hkum yawm wa myit.

Daniela 6:4

Dai hpang kaga reng hkang ai yan hte munggyi ni gaw mungdan ting hpe up hkang nga ai Daniela hta shut ai mara lama mi mu tam lu hkra nga shakut ma ai, rai ti mung Daniela gaw kamhpa mai ai hte myit magaw let galaw shut kau ai amu hpa mung n nga nga ai majaw mara n mu tam ma ai.

ROMA 14:13

Dai re ai majaw, anhte shada da hpa n jeyang saga. Kadai rai ti mung, tinang a hpu nau wa yubak de ahtu kadawng shara hte myit kataw shara hpa n galaw hkra she myit daw dan saga.

2 KORINHTU 11:12

Anhte galaw ai hte maren shanhte mung galaw ga ai nga nna kaga “Kasa ni” tsun gumrawng na ahkang n lu mu ga, ya ngai galaw ai hte maren matut nna ngai naw agalaw nga na nngai.

1 TIMOHTI 2:8

Hpung a nawku daw jau ai hpawng shagu hta lasha ni hpe akyu hpyi shangun mayu nngai. Karai Kasang kaw ap nawng machyai da hkrum sai lasha ni gaw masin pawt ai lam, ndang kalang re ai lam n lawm ai sha chyoi pra ai lata sharawt nna akyu hpyi mu ga.

1 TIMOHTI 4:3

Shing re ai masha ni gaw hkungran ai hpe pat hkum da nna shahpa nkau mi hpe koi na matu sharin ma ai. Rai ti mung kam sham ai ni hte dai teng man ai lam hpe chye chyang ai ni gaw chyeju shakawn akyu hpyi nna sha lu na matu Karai Kasang gaw dai shahpa ni hpe hpan da nu ai.

1 TIMOHTI 5:11

Rai ti mung asak naw kaji ai gaida jan ni hpe gaida jan jahpan hta n bang u ga, hpa majaw nga yang, shanhte a myit ra ai lam e shadut ai a jaw e hkungran mayu wa ai shaloi Hkristu kaw na htak mat wa chye ma ai.

1 TIMOHTI 6:1

Mayam re ai ni gaw tinang a madu ni hpe hkungga lara ging ai ni re ngu nna hkam la ra ma ai. Shaloi she kadai mung Karai Kasang a mying ningsang hte anhte sharin shaga ai lam hpe n kaja ai hku jahpoi asawng na ma ai n rai.

TITU 2:5

Sumnung shingdi nna sari sadang rawng ai, san seng ai dinghku num kaja tai nna tinang a madu wa hkang ai hku hkan ai ni rai lu na matu sharin shakyang ya lu na ma ai.

TITU 2:8

Na a hpyen ni gaw nanhte hpe hpa lam hta mung mara n mu tam ai majaw kaya hkrum mu ga, nang gaw masha ni a mara shagun n hkrum hkra teng man ai ga ni hte shadum sharin nga u.

HEBRE 13:4

Hkungran ai lam hpe masha yawng mayawng hkungga shagrau lu na rai myit dai hte madu wa madu jan shada da a ntsa e sadi dung nga lu na rai myit dai; Karai Kasang gaw arawn alai hten ai ni hte num shaw la shaw ai ni hpe jeyang na ra ai.