1 TIMOHTI 5:10 - Jinghpaw Common Language Bible 2009

¹⁰ Dai hta n ga, shi gaw arawn alai kaja ai lam hta mung gumhkawng ai jan, kashu kasha ni hpe atsawm sha woi lanu lahku shakung jahpan ai jan, tsasam manam ni hpe shi a nta kaw hkap la nna galaw daw ai jan, Hkristan hpu nau ni hte seng nna galaw ra ai lit ni hpe myit nem ai hte galaw gun hpai ai jan, ru yak jam jau hkrum nga ai ni hpe karum ai jan, mai kaja ai magam bungli hpe ap nawng gun hpai ai jan rai ra ai.

Jinghpaw Hanson Version Bible

¹⁰ kaja ai bungli galaw yu ai rai nna gumhkawng nga ai jan; kashu kasha hpe lanu lahku yu ai; manam daw yu ai, chyoi pra ai ni a lagaw hpe kashin yu ai, nni nkri hkrum ai ni hpe galaw bau ai hte, kaja ai amu bungli shagu hta azin ayang hkan galaw yu ai rai a yang gaw, gaida jahpan laika hta shang u ga.

1 TIMOHTI 5:10 ပူးပေါင်းရင်းမြစ်များ

NINGPAWT NINGHPANG 18:4

Nanhte a lagaw kashin na hka la sa ya made ga; ndai hpun npu hta nanhte ban sa la lu na myit dai.

NINGPAWT NINGHPANG 19:2

“Madu yan e, nan hpe daw jau lu n ga, ndai yang e ngai nga nga nngai. Chyeju hte nye a nta de sa wa ya mi. Nan a lagaw hpe shin lu nna shana tup nga nga lu na myit dai. Shing rai jahpawt manap jau jau rawt nhtawm nan a hkrun lam hpe matut sa wa mu,” ngu nna tsun wu ai. Rai ti mung shan mahtang, “N rai law, ndai mare lam kaba hkan e she an shana tup nga nga na ga ai,” ngu nna htan ma ai.

NINGPAWT NINGHPANG 24:32

Dai rai nna, dai wa gaw nta de shang mat wa ai hte Laban mung gawla-uk ni hpe hking raw kau ya nhtawm dai ni hpe yihku hte ushat jaw sha wu ai. Dai hpang shi gaw Abraham a shangun ma hte shi a masha ni a matu lagaw shin hka la wa ya wu ai. Bai shat lusha ni hpe la wa ya yang,

NINGPAWT NINGHPANG 43:24

Dai shangun ma wa gaw shan nau ni hpe nta de woi shang wa wu ai. Shi shanhte hpe ntsin jaw wu ai rai nna, shanhte lagaw shin la lu ma ai; lawze ni hpe mung ushat jaw ya wu ai.

SHAKAWN KUNGDAWN 119:4

Madu e, nang anhte hpe na a hkang da ai tara ni hpe jaw ya nhtawm; dai ga matsun ni hpe kangka ai hte madat mara hkan sa na matu, nang anhte hpe tsun da nit dai.

ESAIA 1:17

teng man ai amu galaw na hpe sharin la mu, teng man rap ra ai amu yu la nna, dip gamyet sha hkrum nga ai ni hpe karum mu, jahkrai ma ni a ahkaw ahkang hpe jaw mu; gaida gaina ni hpe makawp maga nga mu.”

JAW JAU 25:35

Nang hte ani sha nga ai Israela hpu nau wa shi hkum hpe n lu madi shadaw mat nna, matsan mayan hkrum sha ai rai yang, nang hte ani sha matut nga lu u ga, na a nchyang wa hpe zawn lanu lahku shadaw la lu na rai myit dai.

MAHTE 25:17

Joi lahkawng lu ai wa mung dai hte maren ga nna joi lahkawng bai myat la nu ai.

MAHTE 5:16

Dai hte maren, masha ni gaw nanhte a kaja ai bungli ni hpe mu lu nna, sumsing lamu e nga ai nanhte a Kawa hpe shagrau sha-a mu ga, shanhte a man e nanhte a nhtoi hpe htoi tu shangun lu na rai myit dai.

LUKA 7:38

Shingdu maga, Yesu a lagaw nhpang e hkrap tsap nga let, Madu a lagaw hpe myi prwi hte madit ya wu ai, dai hpang shi a kara hte katsut kau ya wu ai, shi a lagaw hpe mung pup nhtawm, manam pyaw ai mura hte chya ya wu ai.

LUKA 7:44

Shaloi dai numsha hpang de shi kayin nna Simun hpe, “Ndai numsha hpe nang mu da wu ni? Ngai na nta de shang tim, lagaw shin na ntsin nang n jaw ndai, shi chyawm gaw myi prwi hte nye a lagaw madit ya nna, shi a kara hte katsut kau ya ni ai.

KASA 10:22

Shanhte gaw, “Anhte hpe hpyen latsa up ai du wa Korneli shangun dat mi ai. Shi gaw kaja ai masha langai mi rai nna Karai Kasang hpe hkrit hkungga ai hte Yuda amyu ting a man e grai myi man pa ai, hkungga lara hkrum ai wa rai nga ai. Karai Kasang a Lamu Kasa langai mi gaw, nang hpe Korneli shi a nta de shaga bang nna nang tsun ai ga madat la na lam hkang da nu ai,” ngu nna tsun mu ai.

KASA 22:12

“Dai mare hta tara hkungga nna anhte a jep ai Tara hpe madat mara hkan sa ai hte dai yang e nga ai Yuda masha ni yawng a man e myi man pa nna hkungga tawn ai Anani ngu ai masha langai mi nga ai.

KASA 6:3

Dai majaw hpu nau ni e, nanhte hta na Chyoi Pra ai Wenyi hte hpaji machye machyang hpring ai marai sanit lata tawn mu. Anhte dai ni hpe dai amu galaw hpajang na matu san da na ga ai.

KASA 9:36

Ya, Yopa mare hta Tabihta mying ai kam sham ai; numsha langai mi nga ai. (Shi a mying hpe Grik ga hku Dorka ngu ai rai nna de a lachyum “Chyahkyi” ngu ai re.) Shi gaw shi a aten hpe kaja ai amu bungli galaw nna matsan mayan ni hpe karum madi shadaw alu jaw ai lam hta jai lang nga ai.

KASA 9:39

Shaloi Petru rawt nna dai yan hte rau hkan sa wa ai. Shi du ai shaloi ntsa gawk de woi shawn mu ai. Dai yang e gaida jan ni nlang Petru a makau e tsap gum bawm nna naw hkring nga yang, Dorka chywi ai kata palawng ni ntsa palawng ni hpe madun dan let, hkrap nga ma ai.

ROMA 12:13

Ra kadawn nga ai nanhte a Hkristan hpu nau ni hpe tinang lu ai arung arai ni gam jaw gam ya nga mu; chyasam manam ni hpe hkap hkalum daw jaw daw ya nga mu.

EHPESU 2:10

Hpa majaw nga yang, anhte gaw Karai Kasang e tau hkrau lajang da sai mai kaja ai magam bungli ni hpe galaw na matu, Hkristu Yesu hte langai sha rai nga ai a marang e, Karai Kasang gaw anhte hpe hpan da mani ai.

KOLOSE 1:10

Shing rai yang nanhte gaw, Karai Kasang a myit ra ai hku asak hkrung lu nna shi a sharawng awng ai lam hpe tut nawng e nanhte hkan sa galaw lu na marin dai. Dai shaloi nanhte a asak hkrung lam gaw mai kaja ai magam bungli shagu hta asi si wa nna, Karai Kasang hpe chye chyang ai lam hta jat galu kaba wa na marin dai.

1 TIMOHTI 2:10

nawku htung tara atsawm sha hkan shadik ai numsha ni a matu galaw ang ai lam hte maren mai kaja ai arawn alai hte tinang a hkum hpe mawn nga mu ga,

1 TIMOHTI 3:2

Hpung a ningbaw ningla langai mi gaw, mara n kap ai wa, madu jan langai sha lu ai wa, sadi sahka re ai wa, tinang hkum hpe hkang lu ai wa, masa hte hkrak rai nna asak hkrung ai wa, shi a nta hta tsasam manam ni hpe hkap hkalum daw jau na sharawng ai wa; sharin shaga chye ai wa, rai ra ai.

1 TIMOHTI 3:7

Shi gaw sari jahpoi ya ai n hkrum u ga hte Nat a mahkam hta n hkrat bang wa u ga, garai n kam n sham ai masha ni a hkungga lara ai hpe hkam la lu ai masha langai mi rai ang nga ai.

1 TIMOHTI 5:16

Kam sham ai Hkristan num langai mi gaw, tinang a dinghku hta gaida mat ai ni lawm ai rai yang gaw, shanhte hpe gawn lajang galaw daw ai lam galaw lu na rai nga ai. Shanhte a matu hpung hpe kaga mi lit n mai shali ai. Shing rai yang she hpung gaw kaja wa kam hpa shara n lu mat sai gaida jan ni hpe galaw daw lu na rai nga ai.

1 TIMOHTI 5:25

Dai hte maren mai kaja ai amu bungli ni hpe asan sha mu lu nga ai; n dan n leng ai ni hpe pyi gaw makoi magap da lu ai n rai.

1 TIMOHTI 6:18

Mai kaja ai galaw na matu mung, mai kaja ai bungli ni hta sut su na matu mung, masha kaga ni hpe karan kachyan jaw jahproi ai lam hta mung, n daw n hta jaw ya na matu jin jin rai nga mu ga shanhte hpe sharin shaga nga u.

2 TIMOHTI 1:5

Nang gaw na a nwoi dwi Lui hte na nnu Uni yan hta shawng rawng ai baw n sawt ai makam masham nang hta mung rawng nga ai hpe ngai dum nga nngai. Shanhte hta rawng ai baw makam masham gaw nang hta mung rawng nga na hpe ngai kam nga nngai.

2 TIMOHTI 2:21

Marai langai ngai gaw tsun lai wa sai n hkru n kaja ai lam ni yawng hta na tinang hkum hpe jasan kau ai rai yang, shi gaw Madu a lak san shatawng shada ai lam ni hta jai lang ai hkam la na ra ai; hpa majaw nga yang shi gaw, mai kaja ai amu shagu hpe galaw na jin jin rai nga u ga shi Madu a matu akyu rawng lam la ai hta ap nawng da sai wa rai nga ai.

2 TIMOHTI 3:15

Nang hpe ma kaji prat kaw nna machye machyang jaw nna Hkristu Yesu hpe kam sham ai a marang e hkye hkrang la ai lam lu la na matu lam matsun madun ai, dai chyoi pra ai Chyum Laika hpe atsawm sha chye ai wa rai nga ndai hpe mung adum nga u.

2 TIMOHTI 3:17

Dai rai nna Karai Kasang a magam gun hpai ai wa gaw mai kaja ai magam bungli shagu hpe galaw na matu atsam hpring nna lang ra ai hking rai ni hte hkrak shajin da sai wa rai nga ai.

TITU 2:14

Anhte hpe tara tawt lai ai n hkru n kaja ai mara yawng mayawng hta na hkye hkrang shaw la na matu mung, anhte gaw myit masin san seng nna shi hte chyu sha seng ai amyu tai let, kaja reng ai magam bungli galaw na myit katu sharawng ai amyu tai na matu mung, Hkristu gaw anhte a matu mara shi hkum dai hpe ap ya kau nu ai.

TITU 2:7

Lam shagu hpe galaw gun hpai ai lam hta, nang hkum nan kaja ai kasi ningli tai nga u. Myit malang ai hte grai laja lana ahkyak shatai ai hku shadum sharin u.

TITU 3:1

Mungdan up hkang ai ni hte ahkaw ahkang lu ai ni a npu e taw nga nna madat mara nga na matu mung, mai kaja ai magam bungli nga manga hpe galaw na jin jin rai nga na matu mung, na a hpung masha ni hpe shadum nga u.

TITU 3:14

Sha na, bu hpun na, nga na lam a matu kaja wa ra kadawn nga ai hpe jaw lu hkra, anhte a masha ni kaja ai kan bau bungli galaw ai hta shanhte a aten hpe jai lang chye mu ga hte, shanhte gaw akyu n rawng ai baw asak n hkrung mu ga sharin ya u.

TITU 3:8

Ndai ga gaw kangka re ai ga rai nga ai. Karai Kasang hpe kam sham ai ni gaw masha shagu a matu kaja ai hte akyu rawng ai mai kaja ai amu hpe myit lawm let aten jaw nna galaw nga mu ga lahta de tsun lai wa sai lam ni hpe laksan madung dat ahkyak shatai nna nang tsun shadum shahprang nga na hpe ngai ra nga nngai.

HEBRE 10:24

Anhte gaw anhte shada da karum shingtau hkat na matu, shada da tsaw ra myit madun hkat let, mai kaja ai lam galaw na matu shada da myit tau myit htang hkat nga ga.

HEBRE 13:2

Nanhte a nta ni hta manam ni hpe hkap hkalum daw jau na hkum malap kau myit. Shing rai daw jau ai nkau mi gaw lamu kasa ni hpe n dum shami daw jau hkrup masai.

HEBRE 13:21

Nanhte gaw shi a myit ra ai lam hkan galaw lu na matu nanhte hta ra kadawn nga ai mai kaja ai lam shagu hpe ngwi pyaw ai Karai Kasang gaw nanhte hpe jaw ya myit ga; Madu gaw shi a myit ra ai hku hte maren, Hkristu a marang e anhte hpe jahkum shatsup ya mi ai. Yesu Hkristu a marang e, shi a sharawng awng ai lam hpe anhte shabyin shatai u ga, Hkristu hta htani htana prat dingsa hpung shingkang anga nga u ga law. Amen.

1 PETRU 2:12

Tara maigan de na ni nanhte hpe n hkru n kaja ai lam galaw ai ni re ngu nna shadu myit yang, nanhte a kaja ai amu mu lu nna dai Madu bai du sa ai Nhtoi hta Karai Kasang hpe shakawn shagrau mu ga, nanhte gaw shanhte a man e nanhte a arawn alai lam hta tsawm htap kup tsup nga myit ga law.

1 PETRU 4:9

Aput apai n nga ai sha, nanhte shada da manam hkalum ai lam hta ra n rawng hkra galaw daw nga mu.

3 YAWHAN 1:12

Masha shagu gaw Demetri a kaja ai lam hpe sakse hkam nga ma ai. Shi a hkan sa galaw ai lam ni mung dai teng man ai mungga hte bung pre nga ai. Anhte mung sakse hkam jat ga ai rai nna, anhte a sakse hkam ai ga teng nga ai gaw nang chye nga ndai.