1 TIMOHTI 5:1 - Jinghpaw Common Language Bible 2009

¹ Asak kaba sai salang wa hpe hkum daru kau et; na a kawa hpe zawn lajin ai hku tsun shaga u. Asak kaji ai shabrang ma ni hpe na a kahpu kanau ni hpe zawn,

Jinghpaw Hanson Version Bible

¹ Hpung salang wa hpe hkum daru kau u, kawa hpe zawn shi hpe shadum jahprang u; shabrang ni hpe kahpu kanau zawn,

1 TIMOHTI 5:1 ပူးပေါင်းရင်းမြစ်များ

JAW JAU 19:32

“Asak kaba sai ni hpe hkungga lara ai lam madun dan mu; shanhte hpe shagrau sha-a mu. Ngai hpe hkrit hkungga lu na rai myit dai. Ngai gaw dai Madu rai nga ai.

MAHTE 23:8

Nanhte mahtang ‘Sara e’ ngu nna shamying na hpe hkum ra myit: hpa majaw nga yang, nanhte a sara gaw langai sha rai nga ai rai nna, nanhte yawng kahpu kanau ni rai nga myit dai.

KASA 14:23

Hpung shagu hta, hpung salang ni hpe lata san da nna lusha gam let akyu hpyi ngut jang shanhte kam sham nga ai Madu a lata hta ap ya da mu ai.

KASA 15:4

Yerusalem mare de du ai shaloi hpung masha ni kasa ni hte salang ni, shanhte hpe hkap hkalum la ma ai rai nna, Pawlu hte manang ni mung Karai Kasang shanhte hta galaw dan ai lam magup hpe hkai dan ma ai.

KASA 15:6

Dai rai nna kasa ni hte salang ni, ndai lam bawng yu na matu zuphpawng nga ma ai.

KASA 20:17

Ya Pawlu gaw Miletu mare nna Ehpesu mare na hpung salang ni hpe shi hte sa hkrum na matu masha shangun nna shaga dat mu ai.

ROMA 13:7

Dai rai nna shanhte hpe nanhte jaw ang ai made jaw mu; nanhte jaw ra ai hkansi hte kang nga manga hte hpe jaw mu. Shanhte yawng hpe hkungga lara ai lam hte shagrau shareng ai lam galaw mu.

GALATI 6:1

Hpu nau ni e, masha langai ngai n dum shami e yubak galaw hkrup a yang gaw Wenyi e lam madun ai hku asak hkrung nga ai ni nanhte gaw, shing re ai wa hpe sumnung shingdi ai myit hte shading sharai ya na rai myit dai. Nanhte nan mung agung alau n hkrum u ga, tinang dai sadi nga mu.

TARA JAHPRANG 33:9

Shanhte gaw tinang a kanu kawa, kahpu kanau hte kashu kasha ni hta grau nna, Nang hta sadi dung ai lam madun dan nga ma ai. Na a hkang da ai ga ni hpe shanhte madat mara nna, na a ga shaka hta sadi dung nga masai.

1 TIMOHTI 5:17

Ningbaw ningla amu hpe atsawm galaw ai hpung woi ni gaw shabrai htam lahkawng hkam la ging ai wa re ngu nna sawn la mai nga ai. Grau nna mungga htawn tsun ai lam sharin achyin ai lam hpe shakut shaja gun hpai ai ni gaw shing rai hkam la ging ai ni rai nga ma ai.

1 TIMOHTI 5:2

hpawmi ni hpe kanu ni hpe zawn, mahkawn ni hpe kajan kana ni hpe zawn tsep kawp san seng ai myit hte shadum shahprang nga u.

TITU 2:2

Asak kaba sai dingla ni hpe chyaru n len ai sha sadi na matu, temsi rai nga na matu, mu mada chye na ya na matu hte tinang hkum hpe hkang lu na matu mung, teng man ai makam masham rawng nga na hte, tsaw ra nna shakut sharang ai lam hta hpring tsup kunghpan nga mu ga mung sharin shaga u.

TITU 2:6

Dai hte maren shabrang ni mung, tinang hkum hpe hkang nna sari sadang hte nga mu ga, shadum shahprang nga u.

YAKU 3:17

Rai ti mung ntsa de na du sa ai hpaji byeng-ya chyawm gaw shawng npawt e san seng ai, dai hpang ngwi pyaw sim sa ai, sumnung shingdi ai hte hku hkau ai lam hpe byin shangun nga ai hta n ga, tsaw ra matsan dum myit hte hpring nna kaja ai magam bungli ni ngu ai apu asi ni hpe shabyin shapraw nga ai. Dai gaw myi man lata ai lam hte hpyi hpun ai lam hta n lawm nga ai.

YAKU 5:14

Nanhte hta na langai ngai machyi makaw hkrum nga myit ni? Shi gaw hpung salang ni hpe shaga la nhtawm, shanhte gaw dai Madu a mying ningsang hte dai wa hpe tsanlun sau chya ya nna shi a matu akyu hpyi ya mu ga.

1 PETRU 5:1

Hpung hpe yu gawn lajang nga ai ngai hpung salang wa langai mi zawn, hpung salang ni hta lawm nga ai nanhte hpe hpyi lajin dat nngai. Ngai gaw Hkristu hkam ai nni nkri ni hpe mu ai sakse langai mi hku nna mung, dan pru na ra ai hpung shingkang hpe nanhte hte rau hkam la na myit mada nga ai wa hku nna mung, nanhte hpe ngai hpyi nem made ai.

2 YAWHAN 1:1

Asak kaba sai ngai salang wa kaw nna, teng man ai hku ngai tsaw ra nga ai Karai Kasang e lata la hkrum ai Majan hte shi kashu kasha ni hpang de ga shana dat nngai. Nang hpe ngai chyu sha n rai, teng man ai lam ni hpe chye chyang ai ni yawng mayawng kaja wa tsaw ra nga ma ai.

3 YAWHAN 1:1

Asak kaba sai ngai Salang wa kaw nna nja nhpra hte teng man ai hku ngai tsaw ra nga ai Geu hpang de laika ka dat nngai.

SHINGRAN 4:4

Dai tingnyang a grup yin e, tingnyang hkun mali naw nga nga ai; dai tingnyang ni hta hpraw ai hpun palawng bu hpun nna, ja janmau ni gup ai salang hkun mali grup rai dung nga ma ai.