1 TIMOHTI 4:8 - Jinghpaw Common Language Bible 2009

⁸ Hkum hkrang hte seng nna sha shaman shakyang ai lam gaw akyu loi sha mi nga ai; rai ti mung wenyi makam masham lam hta shaman shakyang ai gaw lam shagu hta akyu nga nga ai; hpa majaw nga yang dai gaw ndai prat hte htawm hpang prat a matu ga ndat rawng nga ai.

Jinghpaw Hanson Version Bible

⁸ kaning rai nme law, hkumhkrang hpe jahpan ai lam gaw akyu loi sha mi nga ai rai timung, tara hkungga ai myit gaw lam shagu hta akyu nga ai rai nna, ndai aprat hte rai timung, htawm hpang na prat hte rai timung, seng ai ga ndat rawng nga ai.

1 TIMOHTI 4:8 ပူးပေါင်းရင်းမြစ်များ

YOBA 36:11

Shanhte gaw Karai Kasang a ga madat mara nna shi hpe daw jau ai rai yang, shanhte gaw ngamu ngamai nna ngwi pyaw sim sa ai hte nga lu na mara ai.

SHAKAWN KUNGDAWN 145:19

Shi hpe hkrit hkungga ai ni a ra kadawn ai lam ni hpe shi jaw ya nna; shanhte a hpyi jahtau ai nsen ni hpe na ai hte shanhte hpe hkye hkrang la mu ai.

SHAKAWN KUNGDAWN 37:11

Rai ti mung, myit shagrit shanem ai ni mahtang dai lamu ga hpe madu lu na mara ai; ngamu ngamai ai lam hte ngwi pyaw sim sa ai lam hpe kabu gara hkam la lu na mara ai.

SHAKAWN KUNGDAWN 37:29

Ding hpring ai masha ni gaw lamu ga hpe madu lu na mara ai hte; dai lamu ga hta htani htana shanu nga na mara ai.

SHAKAWN KUNGDAWN 37:9

Dai Madu hta kam hpa nga ai ni gaw lamu ga hpe madu lu na mara ai; rai ti mung, tara n lang ai ni chyawm gaw gawt shapraw kau ai hkrum na mara ai.

SHAKAWN KUNGDAWN 84:11

Madu gaw anhte hpe makawp maga ai wa hte hpung shingkang hte hpring ai hkawhkam wa rai nna; matsan dum ai myit hte arawng sadang anhte hpe shaman ya nga ai. Shi gaw teng man ai amu galaw ai ni hpe mai kaja ai lam hpa hpe mung jaw ya na, ningdang ai n rai.

GA SHAGAWP 19:23

Dai Madu a ga madat mara nga u, shaloi, nang asak aprat ugut gu hkra nga lu na ra ai; myit pyaw myit hkut ai hte hkrithpa aru ara kaw na shim lu na ra ai.

GA SHAGAWP 22:4

Dai Madu a ga madat mara nga u; myit shagrit shanem u, shaloi, sut gan arawng sadang hte asak galu ai nang hkam la lu na ra ai.

HPAJI NINGLI 8:12

Yubak kap ai wa gaw ru hka amu latsa lang shut hpyit ti mung naw hkrung nga ai. Oh rai sa, shanhte ning nga tsun ai ga hpe ngai chye nngai: “Karai Kasang a ga hpe madat mara ai rai yang, lam magup jaw hkrak wa na ra ai,

ESAIA 3:10

Ding hpring ai wa gaw a lu na ra ai, arai shagu shanhte a matu mai kaja na ra ai. Shanhte gaw shanhte galaw ai amu a majaw kabu gara na mara ai.

ESAIA 33:16

Dai hpang nang shim nga lu na ndai; nang gaw n-gun ja ai hpyen dap hta rawng nga ai zawn shim lum lam lu la na ra ai. Nang gaw sha na malu masha hte lu na ntsin lu wa na ra ai.

YEREMIA 6:20

Shanhte gaw nye a matu Sheba mung kaw nna la sa wa ai manam pyaw ai baw lawban hte sumtsan mung kaw nna la sa ai namji namya ni hpe hpa lam a majaw ngai sharawng awng na rai nga a ta? Ngai gaw shanhte a hkungga ni hpe hkap la na n rai, shanhte a shagu hkungga ni hta ra sharawng na nngai n rai.

MAHTE 12:32

Dai Masha Kasha hpe ga hte shut hpyit ai wa kadai hpe mung, mara raw dat kau ya na lam hku nga ai; Chyoi pra ai Wenyi hpe ga hte shut hpyit ai wa chyawm gaw, ndai prat hta rai ti mung, hpang na prat hta rai ti mung, raw dat kau ya hkrum na n rai.

MAHTE 19:29

Nye a majaw nta ni, kahpu kanau ni, kajan ni, kanu kawa, kashu kasha ni hte yi hkauna ni hpe kau da ai wa kadai rai ti mung, htam latsa n ga akyu lu la nna htani htana asak a sali wunli hkam la na ru ai.

MAHTE 6:33

Shing rai na malai nanhte gaw, shi a mungdan hte shi a ding hpring ai lam hpe shawng tam nga mu; shaloi dai kaga ra ai nlang hte hpe shi nanhte hpe kahtap jaw na marin dai.

MARKU 10:30

ndai prat hta e zingri zingrat hkrum ai lam ni hte hpawn, dum nta ni kahpu kanau ni, kajan ni, kashu kasha ni hte yi sun hkauna ni hpe htam latsa n ga lu la na ru ai. Dai hta n ga htawm hpang prat e mung n htum n wai asak lu la na ra ai.

LUKA 5:38

Sabyi nnan hpe sabyi ndum nnan hta bang da na rai nga ai.

ROMA 8:28

Karai Kasang hpe tsaw ra nna shi a shatawng shada da ai hte maren shaga la hkrum ai ni a matu mara yawng mayawng hta mai kaja ai lam byin wa u ga, Karai Kasang gaw shanhte hte rau amu galaw nga ai hpe anhte chye ga ai.

1 KORINHTU 3:22

Pawlu mung, Apolo mung, Petru mung, ndai mungkan ga mung, asak hkrung lam hte si ai lam mung, ya e nga ai hte htawm hpang e pra na ra ai mung, yawng mayawng hte gaw nanhte a rai nga malit dai.

1 KORINHTU 8:8

Shahpa gaw Karai Kasang hte anhte a matut mahkai ai lam hta mahku mara jat ya ai n rai, anhte n sha yang mung, anhte hta hpa sum hkrum ai lam n nga ai, sha yang mung hpa akyu jat wa na n rai.

1 TIMOHTI 4:7

Rai ti mung, Karai Kasang hte n seng ai tsun na matu akyu n nga ai maumwi ga ni hpe koi kau nna, tinang a asak hkrung lam hpe tara hkungga ai lam hta shakung jahpan nga u.

1 TIMOHTI 6:3

Kadai rai ti mung nhtan shai ai sharin shaga ai lam hpe sharin achyin ai wa gaw, anhte a Madu Yesu Hkristu a teng man hkum tsup ai mungga ni hte anhte a makam masham a sharin shaga ai lam hpe n hkan sa ai wa rai nga ai.

1 TIMOHTI 6:5

Dai hta n ga, myit n gu ai lam hte teng man ai lam hpe n mu n chye ai ni kaw nna ndang kalang ai lam ni gaw ya sha ya sha pru nga ai. Nawku htung ngu ai gaw lu su ngamai na matu re ngu nna shanhte myit la ma ai.

1 TIMOHTI 6:6

Kaja wa nga yang gaw tinang lu ai hta myit dik chye ai rai yang nawku htung gaw masha langai mi hpe lu su shangun ai rai nga ai.

2 TIMOHTI 3:5

Shanhte gaw anhte a nawku makam masham htung lai ntsa lam hkrang masa hpe hkan sa ma ai rai ti mung de a hpung shingkang atsam majing hpe gaw nyet kau ai ni rai ma ai. Shing re ai masha ni hpe mung koi kau u.

TITU 3:8

Ndai ga gaw kangka re ai ga rai nga ai. Karai Kasang hpe kam sham ai ni gaw masha shagu a matu kaja ai hte akyu rawng ai mai kaja ai amu hpe myit lawm let aten jaw nna galaw nga mu ga lahta de tsun lai wa sai lam ni hpe laksan madung dat ahkyak shatai nna nang tsun shadum shahprang nga na hpe ngai ra nga nngai.

HEBRE 13:9

Shawoi n mu n na yu ai sharin shaga ai lam tsasam amyu myu gaw nanhte hpe dai teng man ai lam kaw na lam hkum woi shadam shangun myit. Lusha hte seng ai hkan sa tara ni hpe madat mara hkan shadik ai hku n re ai sha Karai Kasang a chyeju kaw na wenyi n-gun atsam hpe hkam la ai mahtang grau mai kaja nga ai; dai lusha hte seng ai tara ni gaw hkan sa shadik ai ni hpe hpa n karum lu nga ai.

1 YAWHAN 2:25

Ndai gaw Hkristu nan anhte hpe ga ndat jaw da ai htani htana asak hpe lu la ai lam rai nga ai.

SHINGRAN 3:12

Awng padang lu ai wa hpe nye a Karai Kasang a nawku htingnu hta dawhpum dawnu langai mi ngai shatai na we ai: shi galoi mung dai kaw na shinggan de pru na n rai. Nye a Karai Kasang a mying nsang hpe mung, nye a Karai Kasang kaw na pru nna, sumsing lamu na yu hkrat wa ai Yerusalem mare ningnan ngu ai, nye a Karai Kasang a mare a mying hpe mung, ngai hkum nan a amying nnan hpe mung, dai wa a ntsa e ngai ka shakap ya na we ai.

SHINGRAN 3:21

Ngai awng padang lu nna nye Wa a tingnyang makau e shi hte rau dung nga lu ai zawn, awng padang lu ai wa gaw nye a tingnyang makau e ngai hte rau dung nga lu na ahkang ngai jaw na we ai.

1 SAMUELA 15:22

Samuela gaw, “Dai Madu gaw hpa hpe mahtang ra sharawng a ni? Madat mara ai hpe kun? Shing n rai wan nat hkungga ni hte shagu hkungga ni hpe kun? Shi hpe kaja htum ai sagu nawng jau ya ai hta shi a ga madat mara na gaw grau nna mai kaja nga ai.