1 TIMOHTI 4:5 - Jinghpaw Common Language Bible 2009

⁵ Hpa majaw nga yang, Karai Kasang a mungga hte akyu hpyi ai ga gaw dai hpe shachyoi shapra ya nga ai rai nna Karai Kasang hkap la ging ai shahpa shabyin shatai ya nga ai.

Jinghpaw Hanson Version Bible

⁵ Karai Kasang a mungga hte akyu hpyi ai a gawp e shachyoi shapra nga ai majaw, dai hpe shakawn kungdawn ga hte hkam la a yang gaw, hpa rai timung gang kau mai ai n rai.

1 TIMOHTI 4:5 ပူးပေါင်းရင်းမြစ်များ

NINGPAWT NINGHPANG 1:25

Dai rai nna Karai Kasang gaw dai yawng mayawng hpe galaw da nu ai hte dai amu hpe shi mu nna awng sharawng nga ai.

NINGPAWT NINGHPANG 1:31

Karai Kasang gaw shi galaw da sai amu yawng mayawng hpe yu yu nna, grai myit sharawng awng nga wu ai. Shana lai mat wa nna jahpawt du nga sai, dai gaw kru ya nhtoi rai nga sai.

LUKA 11:41

Rai ti mung, nanhte a gawm hte ban ni hta rawng ai arai ni hpe matsan mayan ni e jaw kau mu, shing rai galaw yang, nanhte a matu nga manga san pra wa na malit dai.

LUKA 4:4

Rai ti mung, Yesu gaw, “Masha gaw muk hte sha hkrung nga lu na n rai, nga nna ka da nga ai,” ngu nna htan wu ai.

1 KORINHTU 7:14

Hpa majaw nga yang, n kam n sham ai madu wa gaw, kam sham ai madu jan a jaw e mung, n kam n sham ai madu jan gaw, kam sham ai madu wa a jaw e mung, shachyoi shapra ai hkrum nna Karai Kasang e hkap la ging ai ni tai wa lu ma ai; dai hku n rai yang gaw, nanhte a kashu kasha ni n san n seng ai maigan kashu kasha ni tai na ma ai; ya chyawm gaw, Karai Kasang e hkap la ging ai ni shanhte tai ma ai.

1 TIMOHTI 4:3

Shing re ai masha ni gaw hkungran ai hpe pat hkum da nna shahpa nkau mi hpe koi na matu sharin ma ai. Rai ti mung kam sham ai ni hte dai teng man ai lam hpe chye chyang ai ni gaw chyeju shakawn akyu hpyi nna sha lu na matu Karai Kasang gaw dai shahpa ni hpe hpan da nu ai.

TITU 1:15

Tinang dai san seng nga sai ni a matu arai yawng mayawng gaw san seng nga ai; rai ti mung tinang dai n san n seng nna, Madu Yesu hpe n kam n sham ai ni a matu chyawm gaw, hpa mung n san n seng nga ai. Hpa majaw nga yang, shanhte a myit mang ai lam hte kraw lawang mahtang n san n seng nga malu ai.

HEBRE 11:3

N mu lu ai arai ni kaw nna mu lu ai arai ni byin tai wa na matu Karai Kasang a mungga hte ndai nga yawng nga pra hpe hpan da sai lam anhte chye lu ai gaw dai makam masham a majaw rai nga ai.