1 TIMOHTI 4:3 - Jinghpaw Common Language Bible 2009

³ Shing re ai masha ni gaw hkungran ai hpe pat hkum da nna shahpa nkau mi hpe koi na matu sharin ma ai. Rai ti mung kam sham ai ni hte dai teng man ai lam hpe chye chyang ai ni gaw chyeju shakawn akyu hpyi nna sha lu na matu Karai Kasang gaw dai shahpa ni hpe hpan da nu ai.

Jinghpaw Hanson Version Bible

³ Wenyi e dan dan leng leng tsun dan nga ai: shanhte gaw hkungran ai lam hpe mung, kamsham nga nna tengman ai ga hpe chye nga ai ni, shakawn kungdawn ga hte hkam la mai ai, Karai Kasang hpan tawn da ai ashan hpe mung, jep kau na mara ai.

1 TIMOHTI 4:3 ပူးပေါင်းရင်းမြစ်များ

NINGPAWT NINGHPANG 9:3

Ya chyawm gaw, dai ni hpe mung, tsit lali ai namlaw namlap ni hpe mung nanhte sha lu na myit dai; nanhte a matu lusha tai u ga she, dai yawng mayawng nanhte hpe ngai jaw da nngai.

HPAJI NINGLI 5:18

Yu u, Karai Kasang shi hpe jaw da sai aprat kadun mi laman, shi galaw da sai amu hta, lu let, sha let, kabu gara rai ngamu ngamai hkra galaw lu ai wa kadai mung mai kaja htum ai lam rai nga ai hpe ngai mu tam da se ai. Dai gaw masha a gam maka rai nga ai.

Daniela 11:37

Dai hkawhkam wa gaw shi a kaji kawa ni daw jau ai karai hpe mung, numsha ni yu tsaw ra ai karai hpe mung, hpa zawn n nawn ya na ra ai. Shanhte hta na kadai hta mung shi grau galu kaba nga ai nga nna myit nawn la nga ai majaw dai karai shagu hpe teng teng hpa zawn n nawn na ra ai.

MAHTE 14:19

Shawa masha ni tsingdu pa e hkrawn taw nga mu ga shi hkang da wu ai; shaloi dai muk manga hte nga lahkawng hpe shi la nna, lamu de mada yu let, Karai Kasang kaw chyeju shakawn nhtawm ahkyep alep di nna sape ni hpe jaw dat wu ai: sape ni mung shawa masha ni hpe gam jaw ma ai.

MAHTE 15:11

N-gup de shang wa ai arai gaw, masha hpe awu asin di kau lu ai n rai, dai n-gup hta na pru ai mahtang gaw, masha hpe awu asin di kau nga ai,” ngu mu ai.

MAHTE 15:36

Dai hpang dai muk sanit hte nga ni hpe shi la nna, Karai Kasang kaw chyeju shakawn ngut jang ahkyep alep di nhtawm sape ni hpe jaw mu ai: sape ni mahtang shawa masha ni hpe gam jaw mu ai.

LUKA 24:30

Shi gaw shan hte rau shat sha na dung nga yang, muk la nna shaman nhtawm, ahkyep alep di ngut jang, shan hpe jaw mu ai.

YAWHAN 6:23

Rai ti mung Tiberi Mare na sa ai li ni gaw Yesu Karai Kasang a chyeju hpe shakawn nna shawa masha ni hpe muk daw jaw ai shara de du sa wa ma ai.

KASA 27:35

Shing nga tsun ngut jang, Pawlu gaw muk nkau mi hpe la nna shanhte mahkra a man e Karai Kasang a chyeju hpe shakawn let, ahkyep alep nhtawm woi sha mu ai.

ROMA 14:17

Hpa majaw nga yang, Karai Kasang a Mungdan gaw sha sha, lu lu rai nga na hku n re ai sha, Chyoi Pra ai Wenyi e jaw ya ai shaman chyeju ni rai nga ai, ding hpring ai ngwi pyaw ai hte kabu gara ai lam ni hte seng nga ai.

ROMA 14:3

Amyu myu sha ai wa gaw, n sha ai wa hpe hkum jahpoi u ga, n sha ai wa mung sha ai wa hpe hkum jeyang u ga, hpa majaw nga yang, Karai Kasang gaw dai wa hpe hkap hkalum la sai.

ROMA 14:6

Nhtoi langai hpe shareng ai wa kadai mung dai Madu a hpung shingkang hpe shakawn shagrau na matu galaw nga ai. Hpa baw sha hpa hpe rai tim sha ai wa mung dai Karai Kasang a hpung shingkang hpe shagrau sha-a na matu sha ai rai nga ai, hpa majaw nga yang shi gaw dai Karai Kasang a chyeju hpe shakawn kungdawn let sha nga ai. Lusha nkau mi hpe koi gam ai wa mung, Madu a hpung shingkang hpe shakawn shagrau na matu koi gam ai rai nga ai. Shi mung shing rai koi gam ai majaw Karai Kasang a chyeju hpe shakawn kungdawn nga ai.

1 KORINHTU 6:13

“Lusha gaw kan a matu, kan gaw lusha a matu rai nga ai,” nga nna nanhte tsun na myit dai. Dai gaw teng nga ai, rai ti mung Karai Kasang gaw dai yan hpe rau sha jahten kau na ru ai. Dai hkum hkrang chyawm gaw hpye ai amu a matu n re ai sha, dai Madu hpe daw jau na matu rai nga ai. Karai Kasang mung hkum hkrang a ra kadawn nga ai lam ni hpe jaw ya nga ai.

1 KORINHTU 7:28

Rai ti mung nang hkungran nna dinghku shang n yang mung, yubak, mara langai ngai tawt lai ai lam n rai nga ai; mahkawn langai mi hkungran a yang gaw, shi yubak mara galaw tawt lai nu ai n rai. Rai ti mung dinghku de sai ni shani shagu hkrum katut hkam sha nga ai nni nkri ni hte tsan gang shangun mayu ai majaw, ning ngu nna ngai tsun made ai rai nga ai.

1 KORINHTU 8:8

Shahpa gaw Karai Kasang hte anhte a matut mahkai ai lam hta mahku mara jat ya ai n rai, anhte n sha yang mung, anhte hta hpa sum hkrum ai lam n nga ai, sha yang mung hpa akyu jat wa na n rai.

KOLOSE 2:16

Dai re ai majaw, sha hpa, lu hpa hte, shata praw shani hte Bansa Nhtoi a lam kadai mung nanhte a matu tara jahkrat nna n jeyang mu ga.

KOLOSE 3:17

Dai rai nna nanhte hpa galaw ti mung, mung sumtu tsun ai hta, magam bungli lam hta Madu Yesu a mying nsang gang let, yawng mayawng hte hpe agalaw nga nna, shi a marang e Kawa Karai kasang hpe chyeju shakawn nga mu.

1 TIMOHTI 2:4

Shi gaw masha yawng mayawng hkye la hkrum nna, dai teng man ai lam hpe chye chyang wa lu na matu ra sharawng nga ai.

1 TIMOHTI 4:4

Karai Kasang hpan da sai arai yawng mayawng chyawm gaw mai kaja nga ai rai nna hpa baw shahpa hpe mung koi gam ra na n rai; rai ti mung shahpa yawng mayawng hpe chyeju shakawn akyu hpyi ai hte hkam la ra ga ai.

1 TIMOHTI 5:14

Dai rai nna hpyen ni gaw anhte a lam n kaja ai hku tsun na lam ginjang n nga hkra aprat kaji ai gaida jan ni gaw hkungran nna kashu kasha shangai ai hte shanhte a kun dinghku ni hpe yu lajang nga na hpe ngai grau ra sharawng nga nngai.

HEBRE 13:4

Hkungran ai lam hpe masha yawng mayawng hkungga shagrau lu na rai myit dai hte madu wa madu jan shada da a ntsa e sadi dung nga lu na rai myit dai; Karai Kasang gaw arawn alai hten ai ni hte num shaw la shaw ai ni hpe jeyang na ra ai.

HEBRE 13:9

Shawoi n mu n na yu ai sharin shaga ai lam tsasam amyu myu gaw nanhte hpe dai teng man ai lam kaw na lam hkum woi shadam shangun myit. Lusha hte seng ai hkan sa tara ni hpe madat mara hkan shadik ai hku n re ai sha Karai Kasang a chyeju kaw na wenyi n-gun atsam hpe hkam la ai mahtang grau mai kaja nga ai; dai lusha hte seng ai tara ni gaw hkan sa shadik ai ni hpe hpa n karum lu nga ai.