1 TIMOHTI 4:14 - Jinghpaw Common Language Bible 2009

¹⁴ Myihtoi ni hkaw tsun ai hte hpung woi ni na a ntsa e lata mara sari dang da ya ai shaloi nang hpe jaw da nna nang hta rawng nga ai wenyi hte seng ai chyeju kumhpa hpe n gawn n sawn di nna hkum hprai kau nga u.

Jinghpaw Hanson Version Bible

¹⁴ Hpung salang ni a lata mara da let, myihtoi ga hte nang hpe jaw da nna, nang hta rawng ai maka hpe hkum hprai kau nga u.

1 TIMOHTI 4:14 ပူးပေါင်းရင်းမြစ်များ

KASA 11:30

Dai hte maren shanhte galaw nna Dai gumhpraw hpe Barnaba yan Shawlu a lata hte hpung salang ni hpang de shagun dat ma ai.

KASA 13:3

Dai hte maren shanhte gaw lusha gam let, akyu hpyi nna shan a ntsa e lata mara jaw ngut jang, shan hpe dat dat mu ai.

KASA 19:6

Ya Pawlu shanhte a ntsa e lata mara ya jang Chyoi pra ai Wenyi shanhte a ntsa e du nna shanhte laklai ai ga, myu kaga shaga nna Karai Kasang a mungga hpe mung tsun shana ma ai.

KASA 22:5

Ngai tsun nga ai lam teng nga ai gaw Hkinjawng Agyi Kaba wa hte salang hpawng ting sakse hkam lu ma ai; ngai gaw shanhte kaw na, Damasku mare e nga ai Yuda hpu nau ni hpang de ka dat ai laika ni hpe la gun let dai mare e nga ai Yesu a lam hkan ai masha ni hpe rim la nna Yerusalem mare de gyit dun wa nhtawm zingri na matu dai de lung wa nngai.

KASA 6:6

Dai hpang shanhte hpe kasa ni a man de jashawn dat nna dung nga shangun mu ai, kasa ni akyu hpyi ngut jang, shanhte a ntsa e lata mara jaw da mu ai.

KASA 8:17

Dai rai nna Petru yan Yawhan shanhte a ntsa e lata mara ya jang, shanhte dai Chyoi Pra ai Wenyi hkam la lu ma ai.

1 HTESALONI 5:19

Chyoi pra ai Wenyi hpe hkum shingdang da mu;

1 TIMOHTI 1:18

Ngai sha Timohti e, lai wa sai ten hta nang hpe sha-ang nna htawn tsun ai myihtoi ga ni hte maren, galaw gun hpai sa wa na matu ngai nang hpe ahkaw ahkang ap ya de ai; atsawm sha gasat gala lu na matu dai myihtoi ni htawn tsun ai ga ni hpe laknak zawn jai lang nga u.

1 TIMOHTI 4:15

Na a kunghpan jat wa ai hpe masha yawng mayawng mu lu mu ga, lahta de tsun da sai lit ni hpe myit lawm ai hte hkan shatup let dai hta a manoi nga u.

1 TIMOHTI 5:17

Ningbaw ningla amu hpe atsawm galaw ai hpung woi ni gaw shabrai htam lahkawng hkam la ging ai wa re ngu nna sawn la mai nga ai. Grau nna mungga htawn tsun ai lam sharin achyin ai lam hpe shakut shaja gun hpai ai ni gaw shing rai hkam la ging ai ni rai nga ma ai.

1 TIMOHTI 5:19

Sakse hkam ai masha n law htum marai lahkawng masum n nga yang gaw hpung woi wa hpe mara shagun ai ga hpe n mai madat ya ai.

1 TIMOHTI 5:22

Madu a magam bungli gun hpai na matu kadai hpe mung lata mara nna aya dang ya na hkum tin et. Kaga masha ni yubak galaw ai lam hta hkum lawm et; nang nan mara n kap hkra san seng nga u.

1 TIMOHTI 6:12

Makam masham hte seng ai gat shingjawng poi hta atsam htum hkra gat nna htani htana asak ngu ai kumhpa hpe na a matu lu la hkra di u; hpa majaw nga yang, dai asak hkrung lam hta e, nang hpe Karai Kasang shaga la ai shaloi nang gaw sakse law law ni a man e kam sham sai lam ngang ngang kang kang nang yin la nit dai.

2 TIMOHTI 1:6

Dai re ai majaw ngai nang hpe lata mara nna aya dang ya ai shaloi Karai Kasang kaw na nang hkam la sai chyeju kumhpa hpe ahkrung nga shangun na matu nang hpe ngai bai shadum dat de ai.