1 TIMOHTI 4:10 - Jinghpaw Common Language Bible 2009

¹⁰ Shinggyim masha yawng hte, grau nna kam sham ai ni a hkye hkrang la ai Madu rai nga ai ahkrung nga ai Karai Kasang gaw anhte a myit mada shara rai nga ai majaw, anhte amu bungli galaw ai lam aja awa shakut nga ga ai.

Jinghpaw Hanson Version Bible

¹⁰ dai rai nna, shinggyim masha mahkra hte kamsham ai ni hpe grau nna hkye hkrang la ai Madu rai nga ai, ahkrung nga ai Karai Kasang gaw anhte a myit mada shara rai nga ai majaw, anhte amu bungli galaw nna a shaja nga ga ai.

1 TIMOHTI 4:10 ပူးပေါင်းရင်းမြစ်များ

SHAKAWN KUNGDAWN 107:2

Shi a jaw e hkye hkrang la hkrum sai ni yawng hte gaw dai Madu hpe chyeju shakawn ai hta, dai ga ni hpe atsun nga mu.

SHAKAWN KUNGDAWN 118:8

Masha hta shamyet shanat ai hta, dai Madu hpe kam hpa ai gaw grau nna mai kaja nga ai.

SHAKAWN KUNGDAWN 36:6

Na a ding man ai lam gaw bum ni zawn tsaw nga nna, na a teng man ai lam mung hka panglai zawn sung nga ai. Masha hte dusat yam nga ni gaw na a lata hta rai nga ai.

SHAKAWN KUNGDAWN 37:40

Shi gaw shanhte hpe karum nna mawai la nga ai, shanhte gaw shi kaw makawp maga la na matu du sa nga ma ai majaw, shi shanhte hpe tara n lang ai ni a lata kaw nna hkye hkrang la nga ai.

SHAKAWN KUNGDAWN 52:8

Rai ti mung, ngai gaw Karai Kasang a nta na tsit lali ai tsanlun hpun zawn rai nga nngai; Ngai gaw shi a dinggrin tsaw ra myit hpe htani htana prat dingsa kam hpa nga nngai.

SHAKAWN KUNGDAWN 84:12

Chyahtum Chyalai n-gun rawng ai Madu e, nang hpe kam hpa nga ai ni gaw kade wa a lu nga ma hka!

ESAIA 12:2

Karai Kasang gaw ngai hpe hkye hkrang la ai wa rai nga ai; Ngai shi hpe kam hpa nga na nngai, hkrit kajawng na n rai. Dai Madu gaw ngai hpe daru magam n-gun hte n-gun lagaw jaw ya nga ai; shi gaw nye a hkye la Madu rai nga ai.

ESAIA 50:10

Dai Madu hpe shagrau sha-a ai nanhte yawng gaw shi a shangun ma wa a n-gup aga ni hpe madat mara nga ai, nang hkawm sa ai lam gaw kaja wa nsin sin chye nga ai, rai ti mung dai Madu hpe kam hpa nna, na a Karai Kasang hta shamyet shanat nga u.

YEREMIA 17:7

“Rai ti mung, ngai gaw ngai hpe kam hpa nga ai wa hpe shaman ya na nngai.

Daniela 3:28

Hkawhkam wa gaw, “Shadrak, Meshak hte Abednego hte a Karai Kasang hpe shakawn kungdawn mu! Shi gaw shi a lamu kasa hpe shangun dat nna shi hpe daw jau kamhpa nga ai ndai marai masum hpe hkye mawai la nu ai. Shanhte gaw nye a hkang da ai ga hpe n madat ai sha, shanhte a Karai Kasang hta kaga karai shaje kadai hpe mung n gum dagup ai hte n nawku na matu asak dan hkra galaw ma ai.

NAHUM 1:7

Dai Madu gaw mai kaja nga ai; shi gaw shi a amyu masha ni hpe ru tsang hkrum ai aten ni hta makawp maga la nga ai; shi hpang de kayin wa ai ni hpe shi bau sin ya nga ai.

MAHTE 16:16

Simun Petru gaw htan nna, “Nang gaw Meshia ngu ai ahkrung nga ai Karai Kasang a Kasha rai nga ndai,” ngu wu ai.

MAHTE 27:43

Shi gaw Karai Kasang hpe kam hpa nna, ‘Ngai gaw Karai Kasang a Kasha rai nngai!,’ nga nna shi tsun ai. Rai sa, dai rai yang gaw ya Karai Kasang shi hpe hkye la mayu nga ai kun? Anhte yu yu ga!,” nga ma ai.

YAWHAN 1:29

Hpang shani e Yawhan gaw, shi hpang de Yesu sa wa ai hpe mu wu yang, “Mungkan masha ni a yubak gun kau ya ai, Karai Kasang a Sagu Kasha rai nga ai law!

YAWHAN 4:42

Dai masha ni gaw, dai num sha hpe, “Ya gaw na a ga majaw sha kam sham ai n rai saga ai, shi a mungga hpe anhte nan na la lu nna, ndai wa gaw mungkan ga a hkye hkrang la ai Madu majing rai nga ai hpe anhte chye saga ai,” ngu mu ai.

YAWHAN 5:24

Ngai nanhte hpe teng teng tsun made ga, nye a ga madat mara nna ngai hpe shangun dat ai wa hpe kam sham ai wa kadai mung, htani htana asak lu la wu ai. Shi gaw tara daw dan ai n hkrum ai sha, si ai kaw na asak hkrung ai de kawt lai wa ai wa rai nga ai.

1 KORINHTU 15:10

Rai ti mung, Karai Kasang a chyeju majaw, ngai gaw ngai wa rai nga nngai; ngai hpe Karai Kasang jaw ai chyeju mung kaman lila n rai nga ai sha, kaga kasa ni yawng hta, ngai grau nna bungli galaw gun hpai shaja nngai. Shing rai galaw lu ai gaw, nye a atsam majaw n rai, ngai hte rau amu galaw nga ai Karai Kasang a chyeju a majaw rai nga ai.

2 KORINHTU 1:10

Shi gaw shing san ai hkrithpa si lam hta na anhte hpe mawai la mani ai rai nna, bai mung naw mawai la na mi ai. Nanhte mung nanhte a akyu hpyi ai hku nna anhte hpe karum nga myit dai majaw, naw hkye la na ra ai ngu nna anhte shi hpe naw myit mada ala nga ga ai.

1 TIMOHTI 2:3

Ndai amu gaw mai kaja ai amu rai nna anhte a hkye hkrang la ai Madu Karai Kasang hpe sharawng awng shangun nga ai.

1 TIMOHTI 2:4

Shi gaw masha yawng mayawng hkye la hkrum nna, dai teng man ai lam hpe chye chyang wa lu na matu ra sharawng nga ai.

1 TIMOHTI 2:6

Shi gaw masha amyu yawng hpe hkye hkrang la na matu shi hkum nan lala hpe ap kau nu ai; Dai gaw anhte aten ladaw du jang Karai Kasang gaw masha hpe hkye hkrang la mayu ai sakse madun ai lam rai nga ai.

1 TIMOHTI 3:15

Rai ti mung lama wa ngai alawan n lu du sa wa ai rai yang hkrung nga ai Karai Kasang a hpung ngu ai dai teng man ai lam a npawt hkridun rai nga ai Karai Kasang a nta dinghku hta anhte kaning re ai arawn asam sat lawat hkan sa mai ai lam chye lu u ga, ndai laika hpe ka dat nngai.

1 TIMOHTI 6:17

Ndai dinghta asak hkrung nga ai prat a sut gan ngamu ngamai ai lam ni hta gumrawng gumtawng n rai mu ga hte n grin ai ngamu ngamai ai lam ni hta shanhte a myit mada kam hpa shara n shatai ai sha anhte kabu gara hkam la na matu arai yawng mayawng hpe n daw n hta jaw ya ai Karai Kasang hta myit mada ala nga na matu hkang da u.

HEBRE 11:26

Shi gaw Meshia a matu jahpoi asawng hkrum ai gaw Egutu mungdan a sutgan yawng mayawng hta grau kaja reng nga ai ngu nna myit nawn wu ai, hpa majaw nga yang, shi gaw du na ra ai aten hta bai lu la na shagrau kumhpa hpe myit nga ai.

HEBRE 13:13

Dai re ai majaw, anhte gaw dap shinggan de shi kaw pru sa nna shi hkam ai kaya kahpa aroi arip lam hpe jawm hkam la ga.

1 PETRU 1:21

Madu Yesu hpe si ai kaw na bai hkrung sharawt la nna hpung shingkang ap ya hkrum ai wa a marang e, nanhte Karai Kasang hpe kam sham nga manit dai; shing rai nanhte a makam masham hte myit mada ai lam gaw, Karai Kasang hta jung noi nga ai.

1 YAWHAN 2:2

Yesu Hkristu shi nan, anhte a yubak mara a matu mara gawng malai hkungga rai nga ai rai nna, shi a marang e anhte a yubak mara ni hpe raw dat kau ya mi ai hta n ga, masha shagu a yubak mara hpe mung raw dat kau ya sai.

1 YAWHAN 4:14

Mungkan ga a hkye hkrang la ai Madu tai u ga, Kawa gaw dai Kasha hpe shangun dat wu ai lam anhte mu lu sagaw ai hte sakse hkam ga ai.