1 TIMOHTI 3:8 - Jinghpaw Common Language Bible 2009

⁸ Hpungtau ni mung myit ding hpring nna arawn alai kaja ai ni rai ra ai. Shanhte gaw ga mashe n rawng ai ni, chyaru n len ai ni, gumhpraw lam hta lawhpa marin ai myit n rawng ai ni rai lu na hte,

Jinghpaw Hanson Version Bible

⁸ Dai hte maren hpungtau ni mung, shatep shingdi re ai ni rai lu na rai: ga mashe n rawng ai, tsabyi n lu lai ai hte, n seng ai amyat n marin ai sha,

1 TIMOHTI 3:8 ပူးပေါင်းရင်းမြစ်များ

SHAKAWN KUNGDAWN 12:2

Shanhte yawng hte gaw shada da masu ga tsun ma ai; shanhte gaw shada da abawk ai ga hte hkalem nga ma ai.

SHAKAWN KUNGDAWN 5:9

Nye a gumlau hpyen ni tsun ai hpa lam hpe rai tim, galoi mung n mai kam nga ai; shanhte gaw jahten kau na matu sha, ra sharawng nga ma ai. Shanhte tsun shaga ai ga ni gaw dwi sau nna abawk shatsawm lu nga ma ti mung, dai ni gaw hkrit tsang mai ai hkalem ga ni hte hpring nga ai.

SHAKAWN KUNGDAWN 50:19

“Nang gaw n hkru ai ga shaga na matu, tut nawng e, jin jin rai nga ndai; masu magaw ga ni hpe tsun shaga na, nang galoi mung lit li nga ai n rai.

SHAKAWN KUNGDAWN 52:2

Na a shinglet gaw dai kara rep nhkyi zawn kaga ni hpe jahten sharun na, maw mawn nga ndai. Nang gaw masu magaw ga hpe tut nawng e, gyin shalat ai wa rai nga ndai.

EZEKELA 44:21

Hkinjawng ni kata wang de garai n shang yang, sabyi ntsin lu lu na ma ai n rai.

JAW JAU 10:9

“Nang hte na a shadang sha ni gaw sabyi ntsin hte chyaru lu nang ai shaloi, nye a hpung shingkang shanu nga ai Sum kata de shang lu na myit dai n rai; dai zawn nanhte galaw hkrup myit dai rai yang, si na rai myit dai. Dai gaw nanhte a lakung lama ni yawng hkan sa shadik shatup na tara langai rai nga ai.

ROMA 3:13

Shanhte a ga ni gaw hkrithpa hkalem ai, nam-nyan hte hpring nga malu ai; shanhte a shinglet ni n hkru n kaja masu ai lam ni tsun chye nga ai. Shanhte a nten ni hta hkrithpa jahkrit shama ai lam ni gaw pu htum atuk zawn rawng nga malu ai.

HPILIPI 1:1

Hkristu a mayam ni rai nga ai Pawlu hte Timohti gaw, Hpilipi mare e nga nga ai, hpung, hpung up, hpungtau ni hte hpawn Hkristu Yesu hta e langai sha rai nga ai Karai Kasang a amyu masha ni nlang hpang de laika ka dat ga ai.

1 TIMOHTI 3:12

Hpung tau wa gaw madu jan langai sha lu ai wa rai nna tinang a dinghku hte kashu kasha ni hpe atsawm sha up hkang hpajang chye ai wa rai lu na rai nga ai.

1 TIMOHTI 3:2

Hpung a ningbaw ningla langai mi gaw, mara n kap ai wa, madu jan langai sha lu ai wa, sadi sahka re ai wa, tinang hkum hpe hkang lu ai wa, masa hte hkrak rai nna asak hkrung ai wa, shi a nta hta tsasam manam ni hpe hkap hkalum daw jau na sharawng ai wa; sharin shaga chye ai wa, rai ra ai.

1 TIMOHTI 3:3

Chyaru n len ai wa, adup ajin n re ai wa, rai nna sumnung shingdi ai wa, sim sa ai lam hpe ra ai wa rai ra ai. Shi gaw gumhpraw n marin ai wa rai nna;

1 TIMOHTI 5:23

Nang gaw chyahkring hkring machyi wa wa rai ndai majaw shat kan lu sha rin ai hpe karum na matu ntsin chyu n lu ai sha sabyi loi loi alu ya nga u.

TITU 1:7

Hpa majaw nga yang Hpung up wa gaw Karai Kasang a magam amu hpe lit la nna gun hpai ai wa rai nna, mara n rawng ai wa mai rai nga ai. Shi gaw myit tsaw myit dap ai wa, sindawng katawt ai wa, chyaru len ai wa, ga li ga law anu ajin rai chye ai wa, shing n rai gumhpraw marin ai wa n mai rai nga ai.

TITU 2:3

Dai hte maren, asak kaba sai gumgai ni mung, kam sham nna tara hkungga ai ni, shatan nhkan ga n tsun ai hte chyaru a mayam n tai ai sha mai kaja ai lam sharin achyin chye ai ni rai lu mu ga, nang shanhte hpe sharin shaga ya lu na rai ndai.

YAKU 3:10

Dai n-gup langai mi kaw nna sha chyeju shakawn shaman ai ga ni hte matsa mawa dagam ga ni pru wa ai. Nye a hpu nau ni e, dai gaw nanhte hta n byin ang ai!

1 PETRU 5:2

Karai Kasang nanhte hpe ap ya da sai sagu hpung a sagu rem ai ni zawn, Karai Kasang galaw shangun mayu ai hku hte maren myit lawm ai hte kabu gara let bau rem gawn lajang nga mu. Ja gumhpraw shabrai lu na matu sha galaw ai hku n rai, kaja wa daw jau mayu ai shawang myit hte daw jau mu.