1 TIMOHTI 3:5 - Jinghpaw Common Language Bible 2009

⁵ Masha langai mi gaw shi a nta dinghku hpe gara hku up hkang na lam n chye ai rai yang gaw, Karai Kasang a nawku hpung hpe gara hku lanu lahku lu na rai nga a ta?

Jinghpaw Hanson Version Bible

⁵ Marai langai ngai tinang a nta hpe n chye hkang a yang gaw, Karai Kasang a Hpung hpe kaning rai lanu lahku lu na rai ta?

1 TIMOHTI 3:5 ပူးပေါင်းရင်းမြစ်များ

KASA 20:28

Dai majaw nanhte gaw nanhte a hkum nan hpe mung, nanhte a lata hta Chyoi Pra ai Wenyi ap ya da sai sagu hpung ting hpe mung, sadi sahka hte yu lahku nga mu, Karai Kasang gaw shi a hpung tai nga na matu shi a Kasha a si hkam ai hte mari la ai hpung hpe sagu rem ni zawn bau rem nga mu.

1 KORINHTU 10:32

Yuda amyu masha ni a matu mung, maigan masha ni a matu mung, Karai Kasang a Hpung a matu mung, ahtu kataw shara hkum tai nga myit.

EHPESU 1:22

Karai Kasang gaw arai baw sumhpa hpe shi a lagaw npu e tawn da nu ai rai nna dai hpung a matu yawng mayawng a ntsa e baw tai u ga, shi hpe san da nu ai.

EHPESU 5:24

Dai hpung gaw Hkristu a up hkang ai hpe hkam la ai zawn, madu jan ni mung lam shagu hta madu wa ni a up hkang ai hpe tsep kawp hkam la na rai myit dai.

EHPESU 5:32

Ndai lam gaw Chyum Laika hta shadan dan ai sung htum ai teng man lam langai mi rai nna Hkristu hte hpung hpe lakap nna tsun ai ga re ngu nna ngai chye na we ai.

1 TIMOHTI 3:15

Rai ti mung lama wa ngai alawan n lu du sa wa ai rai yang hkrung nga ai Karai Kasang a hpung ngu ai dai teng man ai lam a npawt hkridun rai nga ai Karai Kasang a nta dinghku hta anhte kaning re ai arawn asam sat lawat hkan sa mai ai lam chye lu u ga, ndai laika hpe ka dat nngai.

1 SAMUELA 3:13

Shi a kasha yan ngai hpe n shawp ai ga tsun kau manu ai; dai zawn galaw ai hpe Eli chye nga ti mung shan hpe n hkum kau ai majaw shi a dinghku masha ni hpe htani htana ari jaw na ngu nna ngai shi hpe tsun se ai.