1 TIMOHTI 3:2 - Jinghpaw Common Language Bible 2009

² Hpung a ningbaw ningla langai mi gaw, mara n kap ai wa, madu jan langai sha lu ai wa, sadi sahka re ai wa, tinang hkum hpe hkang lu ai wa, masa hte hkrak rai nna asak hkrung ai wa, shi a nta hta tsasam manam ni hpe hkap hkalum daw jau na sharawng ai wa; sharin shaga chye ai wa, rai ra ai.

Jinghpaw Hanson Version Bible

² Dai re ai majaw Hpung up wa gaw, mara n kap ai wa, num langai sha lu ai wa, sadi sahka ai, myit gring ai, si si re ai, manam daw ai lam sharawng ai hte sharin shaga maka rawng ai wa, rai lu na rai;

1 TIMOHTI 3:2 ပူးပေါင်းရင်းမြစ်များ

ESAIA 56:10

Shi gaw, “Nye a amyu masha ni hpe sadi jaw na zawn nawn ai ningbaw ni yawng, myi kyaw nga ma hka! Shanhte gaw hpa mung n chye ma ai. Shanhte gaw n wau ai sha, sin yu nga ai gwi ni hte bung ma ai-shanhte gaw hpum yup nga nna yup mang mu ma ai. Shanhte yup nga ai gaw kade sha yu tsaw ra hpa rai nga a hka!

LUKA 1:6

Dai yan gaw Karai Kasang a man e ding hpring ai yan rai nga ma ai. Shan gaw Madu a jep ai tara nga manga hte hkang da mada yawng hpe htep lahti hkan nang ma ai.

LUKA 2:36

Dai hta n-ga, Ashe amyu lakung hta na Hpanuela ngu ai wa a shayi sha, asak grai kaba sai gaida jan Anna ngu ai num myihtoi langai mi nga ai. Shi gaw hkungran ai kaw nna, sanit ning du hkra sha madu wa hte nga nhtawm, matsat shi mali ning tup gaida nga ai.

ROMA 12:13

Ra kadawn nga ai nanhte a Hkristan hpu nau ni hpe tinang lu ai arung arai ni gam jaw gam ya nga mu; chyasam manam ni hpe hkap hkalum daw jaw daw ya nga mu.

HPILIPI 2:15

Shing rai yang she nanhte gaw arawn alai hten run nna yubak lu ai ni nga ai ndai mungkan hta mara n kap nna myit masin san seng ai Karai Kasang a kashu kasha majing ni zawn tai wa na myit dai. Shing rai nanhte gaw asak jahkrung ya ai mungga hpe hkaw tsun nga let lamu ting hpe jahtoi ya ai ahtoi hkum ni zawn shanhte a ka-ang e htoi tu nga lu na rai myit dai.

1 TIMOHTI 3:12

Hpung tau wa gaw madu jan langai sha lu ai wa rai nna tinang a dinghku hte kashu kasha ni hpe atsawm sha up hkang hpajang chye ai wa rai lu na rai nga ai.

1 TIMOHTI 3:8

Hpungtau ni mung myit ding hpring nna arawn alai kaja ai ni rai ra ai. Shanhte gaw ga mashe n rawng ai ni, chyaru n len ai ni, gumhpraw lam hta lawhpa marin ai myit n rawng ai ni rai lu na hte,

1 TIMOHTI 4:3

Shing re ai masha ni gaw hkungran ai hpe pat hkum da nna shahpa nkau mi hpe koi na matu sharin ma ai. Rai ti mung kam sham ai ni hte dai teng man ai lam hpe chye chyang ai ni gaw chyeju shakawn akyu hpyi nna sha lu na matu Karai Kasang gaw dai shahpa ni hpe hpan da nu ai.

1 TIMOHTI 5:10

Dai hta n ga, shi gaw arawn alai kaja ai lam hta mung gumhkawng ai jan, kashu kasha ni hpe atsawm sha woi lanu lahku shakung jahpan ai jan, tsasam manam ni hpe shi a nta kaw hkap la nna galaw daw ai jan, Hkristan hpu nau ni hte seng nna galaw ra ai lit ni hpe myit nem ai hte galaw gun hpai ai jan, ru yak jam jau hkrum nga ai ni hpe karum ai jan, mai kaja ai magam bungli hpe ap nawng gun hpai ai jan rai ra ai.

1 TIMOHTI 5:22

Madu a magam bungli gun hpai na matu kadai hpe mung lata mara nna aya dang ya na hkum tin et. Kaga masha ni yubak galaw ai lam hta hkum lawm et; nang nan mara n kap hkra san seng nga u.

1 TIMOHTI 5:9

Asak kru shi ning sha n jan yang gaw kadai gaida jan hpe mung gaida jan ni a jahpan hta n bang u ga, shi gaw kalang sha hkungran dinghku de ai jan rai ra ai.

2 TIMOHTI 2:24

Dai Madu a shangun ma chyawm gaw ga law ga la n mai nga ai; shi gaw masha yawng hpe matsan dum chye ai kaja ai hte myit galu nna sharin achyin chye ai sara rai ra ai.

TITU 2:2

Asak kaba sai dingla ni hpe chyaru n len ai sha sadi na matu, temsi rai nga na matu, mu mada chye na ya na matu hte tinang hkum hpe hkang lu na matu mung, teng man ai makam masham rawng nga na hte, tsaw ra nna shakut sharang ai lam hta hpring tsup kunghpan nga mu ga mung sharin shaga u.

HEBRE 13:2

Nanhte a nta ni hta manam ni hpe hkap hkalum daw jau na hkum malap kau myit. Shing rai daw jau ai nkau mi gaw lamu kasa ni hpe n dum shami daw jau hkrup masai.

HEBRE 3:14

Hpa majaw nga yang, Hkristan shawng nnan tai wa ai shaloi na zawn myit mu myit hkut ai makam masham hta jahtum du hkra ngang ngang manoi manat nga ga yang gaw, anhte yawng gaw Hkristu hte rau rum magam gunhpai ai ni rai ga ai.

1 PETRU 4:7

Arai yawng mayawng a hpang jahtum ai aten gaw ni wa magang ra ai, Dai re ai majaw nanhte gaw akyu hpyi lu na matu tinang hkum hpe hkang da nna su hprang let majen maja nga mu.

1 PETRU 4:9

Aput apai n nga ai sha, nanhte shada da manam hkalum ai lam hta ra n rawng hkra galaw daw nga mu.

1 PETRU 5:8

Nanhte htauli htaula rai nga mu! Nanhte a hpyen wa ngu ai Satan gaw, kadai hpe kawa mayu sha kau lu na i? nga nna shabam ai hkanghkyi zawn ningwan hkawm nga ai.