1 TIMOHTI 3:14 - Jinghpaw Common Language Bible 2009

¹⁴ Ngai ndai laika ka nga ai ten hta nang hpang de kade n na yang sa du lu na nngai ngu nna myit mada nga nngai.

Jinghpaw Hanson Version Bible

¹⁴ Nang kaw gade n na yang du na, ngai myit mada nga nngai; rai timung ngai na na wa naw hkring nga yang,

1 TIMOHTI 3:14 ပူးပေါင်းရင်းမြစ်များ

1 KORINHTU 11:34

Dai rai nna, Madu a Shana Shat Sha Poi sha na matu nanhte zuphpawng nga myit yang, Karai Kasang a tara dara ai hkrum na matu n rai u ga, masha langai ngai kawsi a yang gaw, nta e sha la u ga. Kaga ra ai lam ni hte seng nna ngai du sa ai shaloi she lajang sanglang na we ai.

1 HTESALONI 2:18

Anhte gaw nanhte hpang de bai wa mayu ga ai. Ngai hkum nan nanhte hpang de bai sa wa na matu lahkawng lang shakut yu ni ai, rai ti mung Satan gaw anhte hpe ban hkum shadang kau mi ai.

1 TIMOHTI 3:13

Tinang a amu bungli hpe atsawm sha galaw awng dang ai hpungtau ni gaw tinang a matu arawng kaja lu ai hte shanhte a Hkristu hta kam sham ai lam hpe nden ja ai myit hte hkaw tsun lu ma ai.

1 TIMOHTI 3:15

Rai ti mung lama wa ngai alawan n lu du sa wa ai rai yang hkrung nga ai Karai Kasang a hpung ngu ai dai teng man ai lam a npawt hkridun rai nga ai Karai Kasang a nta dinghku hta anhte kaning re ai arawn asam sat lawat hkan sa mai ai lam chye lu u ga, ndai laika hpe ka dat nngai.

1 TIMOHTI 4:13

Ngai sa du ai ten du hkra shawa masha ni a man de Chyum Laika hti dan ai lam, mungga htawn tsun ai lam hte sharin achyin ai lam hpe aten jaw nna atsam dat galaw shakut nga u.

HPILEMON 1:22

Dai hta n ga nye a matu nga shara lajang tawn u; hpa majaw nga yang, Karai Kasang gaw nanhte yawng hte a akyu hpyi ai ga hpe madat ya na ra ai rai nna, nanhte hpang de bai du sa shangun na ra ai hpang jahtum shakram dat ai ga ni ngu nna ngai myit mada nga nngai.

HEBRE 13:23

Anhte a hpu nau wa Timohti gaw htawng kaw na lawt pru wa ra ai lam nanhte hpe chye shangun mayu nngai. Shi ngai hpang de aten dep du sa wa ai rai yang, nanhte hte hkrum na matu ngai sa du ai shaloi shi hpe ngai hte rau woi sa wa na nngai.

2 YAWHAN 1:12

Ngai nanhte hpang de ka dat na lam law law lu nngai, rai ti mung maisau hta laika tsi hte ka da mayu nngai n rai. Anhte yawng kabu gara ai lam hkum tsup hkra lu la na matu nanhte hpang de sa du nhtawm, n-gup aga hte tsun chyai lu na hpe mahtang ngai myit mada nga nngai.

3 YAWHAN 1:14

Gade n na yang, nang hte hkrum lu na ngai myit mada nga nngai; shaloi she an lahkawng n-gup aga hte tsun chyai lu na ga ai.