1 TIMOHTI 3:13 - Jinghpaw Common Language Bible 2009

¹³ Tinang a amu bungli hpe atsawm sha galaw awng dang ai hpungtau ni gaw tinang a matu arawng kaja lu ai hte shanhte a Hkristu hta kam sham ai lam hpe nden ja ai myit hte hkaw tsun lu ma ai.

Jinghpaw Hanson Version Bible

¹³ Kaning rai nme law, hpungtau amu atsawm sha gun hpai ai ni gaw, tinang a matu arawng kaja hte, Hkristu Yesu a makam masham lam hta, nden ja ai myit kaba lu la ma ai.

1 TIMOHTI 3:13 ပူးပေါင်းရင်းမြစ်များ

MAHTE 20:28

Hpa majaw nga yang, dai Masha Kasha wa pyi, masha kaga wa hpe yam sha na nga nna du sa ai n rai; masha kaga hpe galaw daw na matu mara, shi a asak hpe gawng malai jahpu shatai na nga nna du sa ai,” ngu mu ai.

MAHTE 25:21

Shaloi shi a madu gaw, ‘Ara rai sa, kaja ai hte sadi dung ai mayam e, arai loi sha hta nang kangka rai nit dai; dai rai nna arai law law a ntsa e ngai nang hpe san tawn da na de ai, na madu a kabu gara ai hta nang shang lawm u!,’ ngu nna shi hpe tsun wu ai.

LUKA 19:17

Shaloi madu gaw, ‘Ara, kaja ai shangun ma e! Nang gaw amu kaji hta kangka nit dai majaw, ngai nang hpe mare shi a ntsa e up hkang sha shangun na de ai,’ ngu nna tsun wu ai.

KASA 21:35

Lakang nhpang du jang, shawa masha ni nau nan ru matse ai hte anin shang wa ai majaw, hpyen ma ni Pawlu hpe pawn lung mat wa mu ai.

KASA 6:15

Shaloi dai hpawng shingra e dung nga ai nlang, shi hpe jawm azi yu mu yang shi a myi man gaw lamu kasa langai mi a myi man zawn rai nga lu ai hpe shanhte mu ma ai.

KASA 6:5

Shing nga hpaji jaw ai ga dai hpe hpung ting na ni na ra ma ai rai nna, makam masham hpring tsup ai hte Chyoi Pra ai Wenyi hpring ai Stehpan ngu ai wa hte Hpilip, Prokoru, Nikanora, Timun, Parmena hte Antioki mare na Proselutu hpung na Nikola hte hpe lata la ma ai.

KASA 6:8

Stehpan gaw Karai Kasang kaw na chyeju ra n rawng hkra hkam sha ai wa, n-gun atsam hpring tsup ai wa rai nna, mung masha ni a man e lamik kumla kaba ni hte mauhpa amu ni madun dan nu ai.

1 KORINHTU 16:15

Nanhte gaw Stehpan hte shi a nta masha ni a lam chye nga myit dai; shanhte gaw Ahkaia mung na shawng nnan Hkristan tai wa ai ni rai nga ma ai hte Karai Kasang a masha ni hpe galaw daw na matu, shanhte dai ap nawng da sai ni rai nga ma ai.

HPILIPI 1:14

Dai hta kaga, ngai bawng dung ai a marang e hpu nau ni malawng maga gaw dai Madu hta makam masham myit nden grau nna rawt wa ai hte Karai Kasang a mungga hpe n hkrit n kang ai sha tsun dan na, grau nna gwi wa ma ai.

1 HTESALONI 2:2

Anhte gaw nanhte nga ai Htesaloni mare de garai n sa yang, Hpilipi mare e anhte hpe gara hku zingri zingrat ai hte asawng asang di ai hkrum sha saga ai hpe nanhte chye nga myit dai. Shing rai nhtan shai ninghkap ai lam law law nga ti mung, nanhte hpe Karai Kasang kaw na Kabu Gara Shiga tsun dan lu na matu anhte a Karai Kasang gaw anhte hpe nden marai jaw da mani ai.

1 TIMOHTI 3:14

Ngai ndai laika ka nga ai ten hta nang hpang de kade n na yang sa du lu na nngai ngu nna myit mada nga nngai.

2 TIMOHTI 2:1

Ngai sha e, na a matu chyawm gaw anhte a Hkristu Yesu hta langai sha tai nna asak hkrung ai a marang e lu la ai chyeju hta n-gun lapyin rawng nga u.

HEBRE 6:10

Hpa majaw nga yang, Karai Kasang gaw n tara ai wa n rai nga ai. Shi gaw nanhte galaw gun hpai lai wa sai magam bungli hpe mung, Madu hpe tsaw ra ai lam nanhte madun dan na matu lai wa sai ten kaw nna ya du hkra Hkristan masha shada da karum la hkat ai hpe mung, Karai Kasang malap kau wu ai n rai.