1 TIMOHTI 3:10 - Jinghpaw Common Language Bible 2009

¹⁰ Shanhte gaw shawng nnan e chyam dinglik yu ai hkrum nna mara n rawng ai sha awng lawt lai lu ma yang gaw, hpungtau amu gun hpai mu ga.

Jinghpaw Hanson Version Bible

¹⁰ Shanhte gaw shawng e chyam dinglik yu ai hkam nna, dai hpang e mara n rawng ma yang gaw, hpungtau amu galaw nga mu ga.

1 TIMOHTI 3:10 ပူးပေါင်းရင်းမြစ်များ

1 KORINHTU 1:8

Anhte a Madu Yesu Hkristu bai du sa nna tara daw dan ai Nhtoi hta, mara shagun shara n nga hkra, shi nanhte hpe shangang shakang na marin dai.

KOLOSE 1:22

Rai ti mung, ya Karai Kasang gaw, shinggyim hkum shan dagraw tawn ai shi a Kasha hpe si hkam shangun ai hku nna nanhte hpe shi a jinghku ni shatai manit dai. Shing rai galaw ai lam gaw, nanhte gaw chyoi pra nna agang chyalang n kap ai hte mara n rawng ai sha shi a man de nanhte hpe shashawn la lu na matu rai nga ai.

1 TIMOHTI 3:13

Tinang a amu bungli hpe atsawm sha galaw awng dang ai hpungtau ni gaw tinang a matu arawng kaja lu ai hte shanhte a Hkristu hta kam sham ai lam hpe nden ja ai myit hte hkaw tsun lu ma ai.

1 TIMOHTI 3:2

Hpung a ningbaw ningla langai mi gaw, mara n kap ai wa, madu jan langai sha lu ai wa, sadi sahka re ai wa, tinang hkum hpe hkang lu ai wa, masa hte hkrak rai nna asak hkrung ai wa, shi a nta hta tsasam manam ni hpe hkap hkalum daw jau na sharawng ai wa; sharin shaga chye ai wa, rai ra ai.

1 TIMOHTI 3:6

Shi gaw Hkristan nnan tai ai wa mung n rai u ga, shi gaw gumrawng gumtawng ai hta myit tsaw myit dap wa nna Nat Satan hpe zawn jeyang daw dan ai n hkrum u ga, dai makam masham hta myit su kunghpan wa ra nga ai.

1 TIMOHTI 5:22

Madu a magam bungli gun hpai na matu kadai hpe mung lata mara nna aya dang ya na hkum tin et. Kaga masha ni yubak galaw ai lam hta hkum lawm et; nang nan mara n kap hkra san seng nga u.

1 YAWHAN 4:1

Tsaw ra ai ni e, Wenyi hkam la lu ga ai nga nna tsun ai ni yawng hpe hkum kam nga myit; shanhte hkam la ai ngu ai wenyi gaw Karai Kasang kaw na yu wa ai wenyi rai nga ai kun? jep yu mu; hpa majaw nga yang, masu ai myihtoi ni law law wa shara shagu hkan du taw nga masai.