1 TIMOHTI 2:8 - Jinghpaw Common Language Bible 2009

⁸ Hpung a nawku daw jau ai hpawng shagu hta lasha ni hpe akyu hpyi shangun mayu nngai. Karai Kasang kaw ap nawng machyai da hkrum sai lasha ni gaw masin pawt ai lam, ndang kalang re ai lam n lawm ai sha chyoi pra ai lata sharawt nna akyu hpyi mu ga.

Jinghpaw Hanson Version Bible

⁸ Dai re ai majaw, masin pawt ai n lawm nna, ndang kalang n re ai hte, lasha ni gaw chyoi pra ai lata sharawt let, shara shagu hkan e akyu hpyi nga na hpe, ngai ra nga nngai.

1 TIMOHTI 2:8 ပူးပေါင်းရင်းမြစ်များ

1 HKAWHKAM 3:11

dai Madu gaw shi hpe, “Nang hkum nan asak galu ugut gu na matu mung, sut su ngamu ngamai na matu mung, na a gumlau hpyen ni hpe sat kau lu na matu mung nang n hpyi ai sha, teng man ai hte up hkang lu na hpaji byeng-ya hpe sha nang hpyi nga ndai majaw,

YOBA 16:17

rai ti mung, ngai gaw kashun kashe du daw sai hkaw ai amu a mara lu nngai n rai; Karai Kasang kaw hpyi ai nye a akyu hpyi ga gaw san seng nga li ai.

SHAKAWN KUNGDAWN 134:2

Nanhte a lata ni hpe sharawt nna Nawku Htingnu kata hta akyu hpyi mu, dai Madu hpe shakawn mu!

SHAKAWN KUNGDAWN 141:2

Nye a akyu hpyi ai ga hpe manam pyaw ai baw lawban zawn; nye a lata sharawt ai gaw shana de na hkungga hpe zawn, hkap la ya e.

SHAKAWN KUNGDAWN 24:4

Sat lawat hte myit sawn ai lam hta san seng ai ni, hpara sumla ni hpe n nawku ai ni n teng n man ai ga sadi ni hpe n jaw ai ni rai ma ai.

SHAKAWN KUNGDAWN 26:6

Madu e, ngai mara n kap nga nngai hpe madun lu na matu, nye a lata hpe ngai kashin nngai; nawku daw jau na matu na a tawn hkungri hpe shinggrup hkawm nngai.

SHAKAWN KUNGDAWN 28:2

Karum la na matu ngai nang hpe hpyi jahtau ai hte na a chyoi pra ai Htingnu maga de nye a lata ni hpe sharawt tawn ai shaloi, ngai hpyi ai nsen hpe na ya e.

SHAKAWN KUNGDAWN 35:13

Rai ti mung, shanhte machyi hkrum nga ma ai shaloi, sharung shayawt ai hku nna, lachyit nba bu hpun let; lusha gam nna nye a hkum hpe shagrit kau nhtawm jinghku wa shing n rai hpu nau langai ngai a matu akyu hpyi myit dum ya ai zawn, nye a baw gum dagup ai hte ngai akyu hpyi ni ai.

SHAKAWN KUNGDAWN 63:4

Ngai asak hkrung nga dingsa nang hpe chyeju dum nga na nngai; nang kaw akyu hpyi ai shaloi, nye a lata ni hpe sharawt da na nngai.

SHAKAWN KUNGDAWN 66:18

Nye a yubak ni hpe ngai hpa zawn n nawn kau ai rai yang; dai Madu ngai hpe madat ya na wu ai n rai.

GA SHAGAWP 15:8

Dai Madu gaw mai kaja ai masha ni a akyu hpyi ga hta awng sharawng nga ai; tara n lang ai masha ni la sa ai shagu hkungga ni hpe shi n dawng nga ai.

GA SHAGAWP 21:27

Tara n lang ai masha ni dai Madu hpe shagu hkungga nawng jau ya ai shaloi, shi dai hpe n dawng nga ai; dai hta grau nna n hkru ai myit akyang hte shanhte nawng jau ai rai yang grau n dawng nga ai.

ESAIA 1:15

Nanhte gaw lata sharawt nna akyu hpyi myit yang, ngai nanhte hpe yu na nngai n rai. Nanhte kade wa mi akyu hpyi myit dai rai tim, ngai madat ya na made ai n rai, hpa majaw nga yang, nanhte a lata sai kap nga myit dai.

MAHTE 21:21

Yesu gaw, “Ngai nanhte hpe teng teng tsun made ga, nanhte hta kam shut ai myit n lawm ai sha kam sham myit yang gaw, ndai maihpang hpun hpe ngai galaw ai zawn nanhte galaw lu na myit dai. Dai hta n ga, ndai bum hpe, ‘Nang baw mat nna, nawng hta e htawt bang mat u,’ ngu nna nanhte tsun mu yang dai byin na ra ai.

MAHTE 5:44

Rai ti mung, ya ngai nanhte hpe tsun made ai gaw: nanhte a hpyen ni hpe tsaw ra mu; nanhte hpe zingri ai ni a matu mara akyu hpyi ya mu.

MAHTE 6:12

Masha ni anhte hpe shut ai mara, anhte raw kau ya ai zawn, anhte a mara hpe mung raw kau ya mi;

LUKA 23:34

Yesu gaw, “Wa e, shanhte a mara hpe dat kau ya mu, shanhte galaw ai lam hpe shanhte n chye nga ma ai,” nga ai. Shanhte gaw, shi a hpun palawng ni hpe mung hpaida da nna garan la ma ai.

LUKA 24:50

Dai hpang shanhte hpe mare kaw na Behtani kahtawng hte tawtap du hkra woi sa nna dai shara hta, shaloi, shi a lata ni sharawt nna, shanhte hpe shaman ya mu ai.

YAWHAN 4:21

Yesu gaw, “Numsha e, ngai hpe kam u, ndai bum e mung, Yerusalem mare e mung, masha ni Wa hpe n nawku na aten du wa na ra ai.

KASA 10:2

Shi gaw tara hkungga ai wa rai nna shi hte shi a nta dinghku masha ni yawng Karai Kasang hpe hkrit hkungga nawku daw jau ma ai. Shi gaw matsan mayan re ai Yuda masha ni hpe mung alu law law jaw ai hte karum madi shadaw let Karai Kasang kaw tut tut akyu hpyi nga ai.

KASA 10:31

‘Korneli e, na a akyu hpyi ai ga Karai Kasang na ya sai, na a alu jaw ai lam hpe mung Karai Kasang matsing da nu ai.

KASA 10:4

Shi gaw hkrit let dai lamu kasa hpe azi yu nna, “Madu e hpa lam rai ta?,” ngu nna san wu ai. Shaloi lamu kasa gaw, “Na a akyu hpyi ai hte alu jaw ai lam hpe Karai Kasang sharawng awng ya nga ai rai nna nang hpe htan ya na jin nga chyalu rai nga ai.

KASA 21:5

Nhtoi sanit ya lai jang, anhte bai pru wa ga ai. Shanhte mung madu jan kasha ni hte rau mare shinggan du hkra hkan sa dat ma ai rai nna, hka kau e hput di let, akyu hpyi ga ai.

KASA 7:60

Bai hput di let, “Madu e ndai mara shanhte hpe hkum shagun ya et,” nga nna nsen kaba hte jahtau wu ai, dai tsun ngut jang shi nsa hti mat ai.

1 KORINHTU 1:2

Korinhtu mare na Karai Kasang a Hpung hta lawm nga ai ni hte, shara shagu hkan na, anhte hte shanhte a Madu rai nga ai Madu Yesu Hkristu hpe nawku daw jau nga ai Hkristu Yesu hta e, Karai Kasang a chyoi pra ai amyu masha tai na matu shaga la hkrum ai ni yawng hpang de ga shana dat ga ai.

1 KORINHTU 7:7

Kaja wa nga yang, masha yawng mayawng hte hpe ngai zawn rai shangun mayu nngai; rai ti mung langai hte langai gaw Karai Kasang kaw na tinang a laklai ai chyeju kumhpa lu shajang ma ai; marai langai mi amyu mi, kaga wa amyu mi lu la shajang ma ai.

2 KORINHTU 2:14

Rai ti mung Karai Kasang a chyeju grai kaba la nga ai; hpa majaw nga yang, shi gaw anhte hpe Hkristu hte langai sha shatai nna Hkristu a awng padang lu ai poi hta ninglaw yan hkawm ai bawng masha ni hpe zawn Karai Kasang gaw anhte hpe woi awn da mi ai. Hkristu hpe chye chyang ai machye machyang hpe manam pyaw ai bat zawn shara shagu hkan e shabra dat na matu Karai Kasang gaw anhte hpe jai lang nga mi ai.

HPILIPI 1:12

Bai hpu nau ni e, ngai hta byin ai lam ni gaw dai Kabu Gara Shiga jat galu kaba wa na lam hpe kaja wa karum madi shadaw na matu byin wa sai rai nga ai lam ngai nanhte hpe chye shangun mayu nngai.

1 HTESALONI 1:8

Hpa majaw nga yang, nanhte kaw na dai Madu a lam mungga gaw, Makedoni mung hte Ahkaia mung ting hta kajai gumhkawng wa ai sha n ga, Karai Kasang hta nanhte kam sham nga ai makam masham shiga ni mung shara shagu hkan e chyam bra wa sai. Dai rai nna nanhte hpe hpa tsun shara n nga saga ai.

1 TIMOHTI 5:14

Dai rai nna hpyen ni gaw anhte a lam n kaja ai hku tsun na lam ginjang n nga hkra aprat kaji ai gaida jan ni gaw hkungran nna kashu kasha shangai ai hte shanhte a kun dinghku ni hpe yu lajang nga na hpe ngai grau ra sharawng nga nngai.

TITU 3:8

Ndai ga gaw kangka re ai ga rai nga ai. Karai Kasang hpe kam sham ai ni gaw masha shagu a matu kaja ai hte akyu rawng ai mai kaja ai amu hpe myit lawm let aten jaw nna galaw nga mu ga lahta de tsun lai wa sai lam ni hpe laksan madung dat ahkyak shatai nna nang tsun shadum shahprang nga na hpe ngai ra nga nngai.

HEBRE 10:22

Dai re ai majaw anhte gaw mara lu dum ai kraw lawang ni hpe shachyoi shapra kau nna, anhte a hkum hkrang hpe mung san seng ai ntsin hte kashin kamun kau ngut jang, n shut n shai hkrak re ai makam masham hte Karai Kasang hpang de sit shani shang wa ga.

YAKU 4:8

Karai Kasang hpang de sit sa wa mu; shaloi shi nanhte hpang de sit wa na ra ai. Yubak lu ai ni e, nanhte a lata ni hpe jasan jaseng da mu. Sawt ai ni e, nanhte a myit masin kraw lawang ni hpe jasan jaseng da mu.

1 PETRU 3:7

Dai hte maren madu wa ni e, madu jan ni gaw n-gun kya ai amyu ni re ai ngu ai hpe atsawm sha chye na let nanhte a madu jan ni hte kanawn mazum nga mu. Shanhte hpe hkungga lara di mu, hpa majaw nga yang shanhte mung nanhte hte maren Karai Kasang kaw na asak a sali wunli kumhpa hpe hkam la na ni rai ma ai. Ndai lam galaw mu, shaloi she nanhte a akyu hpyi ai ga ni hpe hpa e mung dingbai dingna n shabyin na re.