1 TIMOHTI 2:7 - Jinghpaw Common Language Bible 2009

⁷ Dai re ai majaw Madu gaw ngai hpe kasa langai mi hku nna mung, maigan ni a sharin sara langai mi hku nna mung, dai makam masham hte teng man ai lam a mungga hpe hkaw tsun na matu shangun dat ai hkrum ni ai, ngai masu nga ai n rai; ngai teng man ai ga tsun nga nngai.

Jinghpaw Hanson Version Bible

⁷ Dai sakse hkam ai hta, ngai gaw tara hkaw ai wa hte kasa rai nga nna, maigan amyu ni a kangka hte tengman ai sharin shaga ai wa ngai rai nga nngai: ning nga ngai tsun nngai gaw, tengman ai ga ngai tsun nga nngai, ngai n masu nngai law.

1 TIMOHTI 2:7 ပူးပေါင်းရင်းမြစ်များ

SHAKAWN KUNGDAWN 111:7

Shi galaw ai amu yawng mayawng hte hta, shi gaw sadi sahka hte teng man nga ai wa rai nga ai; shi a hkang da ai ga matsun nlang hte kam hpa mai nga ai.

HPAJI NINGLI 1:12

Ngai, Sumru Ninghkrin wa gaw Yerusalem hta, Israela a ntsa e hkawhkam tai lai wa ni ai.

HPAJI NINGLI 7:27

Rai sa, Myit Sumru Ninghkrin wa gaw dai mahtai ni hpe ngai naw sawk tam yu nga yang, dai lam hpe lang mi kachyi chyi rai mu hkrup nngai, nga nna tsun ai.

YAWHAN 7:35

Ahkang aya lu ai Yuda masha ni gaw, “Anhte n mu hkra ndai wa gaw gade sa wa na ra ai i? Yuda masha ni nga bra hkawm nga ai Grik mare ni de sa nna Grik masha ni hpe hkaw tsun sharin shaga na ra ai kun?

KASA 14:27

Ya shan Antioki de du wa ma yang hpung masha ni hpe jahpawng tawn nhtawm Karai Kasang shan hta galaw ai lam yawng mayawng mung, maigan amyu ni kam sham wa na matu shi chyinghka gara hku hpaw ya sai lam hkai dan mu ai.

KASA 22:21

Karai Kasang chyawm gaw, ‘Pru sa wa su, ngai nang hpe tsun ai tara maigan masha ni hpang de ngai nang hpe shangun dat na de ai,’” nga nna tsun ai ngu mu ai.

KASA 26:20

Dai lam hpe shawng nnan Damasku mare, dai hpang Yerusalem mare hte Yuda mung ting na masha ni hte maigan amyu masha ni myit malai lu nna Karai Kasang hpang de kayin wa nhtawm myit malai hte gingdan ai arawn alai shachyen mu ga, ngai hkaw dan nngai.

KASA 9:15

Rai ti mung Madu gaw, “She sa su, dai wa gaw maigan ni hte Hkawhkam ni a man e mung, Israela amyu masha ni a man e mung, nye a mying hpe hkaw tsun shana ya ai amu gun hpai na matu ngai lata la ai wa rai nga ai.

ROMA 1:9

Ngai tsun ai ga teng man nga ai gaw nye a myit kraw lawang mahkra hte shi a Kasha a Kabu Gara Shiga a lam hkaw tsun ai hte ngai daw jau nga ai Karai Kasang nan nye a sakse rai nga ai.

ROMA 10:14

Rai ti mung, shanhte gaw Madu hpe n kam n sham ai rai yang kaning rai shi kaw hpyi jahtau lu na ma ta? Dai mungga hpe n na yu ai mi kaning rai kam sham lu na ma ta? Dai mungga hpe hkaw tsun dan ai wa n nga yang gaw kaning rai na lu na ma ta?

ROMA 11:13

Nanhte maigan masha ni hpe ngai tsun made ai gaw maigan amyu masha ni a kasa ngai tai nga dingsa nye a amu hta arawng lu nna gumrawng nga na nngai.

ROMA 15:16

Dai chyalai ahkaw ahkang gaw, maigan amyu ni a matu magam gun na Hkristu Yesu a shangun ma tai lu ai lam rai nga ai. Maigan amyu ni gaw Karai Kasang e hkap la ging ai shagu hkungga ngu ai Karai Kasang kaw dai Chyoi Pra ai Wenyi e shachyoi shapra nna sak nawng tawn ai ni tai wa na matu, ngai gaw hkinjawng langai mi zawn magam gun let Karai Kasang kaw na Kabu Gara Shiga hpe hkaw dan nngai.

ROMA 9:1

Ngai gaw Hkristu hte seng ai wa rai nna teng man ai ga ngai tsun nga nngai, hte ngai n masu nngai. Ngai teng man ai ga tsun nga nngai gaw dai Chyoi Pra ai Wenyi e up hkang ai hpe hkam la nga ai nye a kraw lawang myit e sakse hkam ya nga ai.

1 KORINHTU 9:1

Ngai gaw shanglawt lu ai wa langai mi n rai nga a ni? Kasa langai mi mung rai nga nngai n rai ni? Anhte a Madu Yesu hpe mu yu ni ai n rai ni? Nanhte mung, ngai Madu a matu gun hpai ai magam bungli kaw na pru wa ai apu asi ni n rai nga myit ni?

2 KORINHTU 11:31

Ngai masu magaw ga n tsun ai gaw Madu Yesu a Kawa Karai Kasang chye nga ai. Dai Madu Karai Kasang a mying ningsang gaw tut nawng a nga u ga law!

GALATI 1:16

Dai hpang maigan masha ni hpe shi a kasha a lam Kabu Gara Shiga hkaw tsun dan lu u ga matu shi a kasha hpe ngai e shadan dan ni ai. Dai shaloi e ngai gaw kade a hpaji jaw ai lam hpe mung n hpyi n hkam la nngai.

GALATI 1:20

Ya ngai ka dat ai lam gaw teng ai lam rai nga ai; ngai masu magaw ga n tsun nga ai hpe Karai Kasang chye nga ai!

GALATI 2:16

Rai ti mung masha gaw jep ai tara hpe hkan sa shadik ai magam bungli hte Karai Kasang a man e ding hpring wa lu ai n rai; Yesu Hkristu hpe kam sham ai hte sha ding hpring wa lu ga ai hpe anhte chye ga ai majaw anhte mung jep ai Tara hpe hkan sa shadik ai magam bungli hte n rai, Hkristu Yesu hpe kam sham ai a marang e Karai Kasang a man e ding hpring ai ni tai wa lu u ga, anhte pyi Hkristu Yesu hta e kam sham saga ai; hpa majaw nga yang, dai jep ai Tara hpe hkan sa shadik ai magam bungli hte kadai mung Karai Kasang a man e ding hpring ai kaw n du wa lu ma ai.

GALATI 2:9

Shing rai ngai hpe jaw da ai chyeju hpe mu ma ai shaloi, nawku hpung a daw hpum ningbaw ningla ni ngu ging na n san ai Yaku, Petru hte Yawhan hte gaw Karai Kasang ngai hpe jaw ya sai laksan lit hpe masat masa galaw ya masai; dai rai nna anhte yawng gaw magam gun kanawn manang ni re ai lam kumla madun ai hku nna shanhte gaw Barnaba hte ngai hpe hkra lata matut shakram la mani ai; anhte gaw maigan masha ni kaw magam gun na hte, shanhte gaw Yuda masha ni kaw magam gun na matu myit hkrum da saga ai.

GALATI 3:9

Dai rai nna Abraham gaw Karai Kasang hpe kam sham ai majaw shaman chyeju hkam la lu ai hte maren kam sham ai ni yawng mung gumring gumrat ai shaman chyeju hkam la lu ma ai.

2 TIMOHTI 1:11

Dai Kabu Gara Shiga hpe shana shabra na matu Karai Kasang gaw ngai hpe kasa langai mi hku nna mung, sharin achyin ya ai sara hku mung, san da ni ai.

2 PETRU 2:5

Karai Kasang gaw moi prat nna mungkan masha ni hpe mung hkyamsa n jaw ai sha tara n hkung ga ai masha ni a mungkan hpe sha-u sha-ing kau mu ai; ding hpring ai lam hpe hkaw tsun ai wa Noa hpe chyu sha, kaga marai sanit hte hpawn shi hkye la wu ai.