1 TIMOHTI 2:6 - Jinghpaw Common Language Bible 2009

⁶ Shi gaw masha amyu yawng hpe hkye hkrang la na matu shi hkum nan lala hpe ap kau nu ai; Dai gaw anhte aten ladaw du jang Karai Kasang gaw masha hpe hkye hkrang la mayu ai sakse madun ai lam rai nga ai.

Jinghpaw Hanson Version Bible

⁶ Shi gaw yawng mayawng a matu mara shi hkum nan hpe gawng malai hkungga di nna ap kau nu ai: ahkying aten du jang she de a sakse pru na ra ai.

1 TIMOHTI 2:6 ပူးပေါင်းရင်းမြစ်များ

YOBA 33:24

Lamu kasa gaw matsan dum ai hte, “Shanhte hpe dat dat mu! Shanhte gaw katsan ga de yu wa ang ai ni n rai ma ai. Shanhte hpe shalawt dat kau ya na gawng malai ndai yang e nga nga ai,” ngu nna tsun na ra ai.

ESAIA 53:6

Anhte yawng gaw sagu ni zawn lam dam mat saga ai, anhte langai hte langai tinang lam hkan mat saga ai. Rai ti mung dai Madu gaw anhte yawng hkam la ging ai ari hpe shi a ntsa e mara da shangun nga nu ai.

MAHTE 20:28

Hpa majaw nga yang, dai Masha Kasha wa pyi, masha kaga wa hpe yam sha na nga nna du sa ai n rai; masha kaga hpe galaw daw na matu mara, shi a asak hpe gawng malai jahpu shatai na nga nna du sa ai,” ngu mu ai.

MARKU 1:15

Shi gaw, “Dai aten ladaw dik wa ai hte, Karai Kasang a mungdan gaw ni wa magang ra ai! Nanhte a yubak mara ni kaw na kayin wa nna Karai Kasang a Kabu Gara Shiga hpe kam sham nga mu!,” ngu nna hkaw dan mu ai.

MARKU 10:45

Hpa majaw nga yang, dai Masha Kasha wa pyi, masha hpe yam sha na nga nna du sa ai n rai; Masha hpe galaw daw ya na hte shi a asak hpe nawng ya kau nna masha law law hpe hkye mawai shaw la na matu du sa ai,” ngu nna tsun mu ai.

YAWHAN 10:15

nye a sagu ni hpe ngai chye nngai, nye a sagu ni mung ngai hpe chye ma ai; sagu ni a matu mung, nye a asak ngai nawng ya kau nngai.

YAWHAN 6:51

Ngai gaw sumsing lamu de nna yu wa ai, hkrung ai muk rai nga nngai, muk ndai hpe sha ai wa kadai mung, htani htana ahkrung nga na ra ai. Ngai jaw na muk gaw mungkan ga na masha ni asak hkrung nga lu na matu ngai jaw ai nye a ashan rai nga li ai,” ngu nna shanhte hpe htan mu ai.

ROMA 16:26

Rai ti mung ya aten hta dai makoi magap da ai teng man ai lam gaw, myihtoi laika ni hku nna dan dawng wa ra ai. Masha amyu nlang hte Karai Kasang hpe kam sham nna madat mara mu ga, htani htana Karai Kasang a hkang da ai hte maren dai teng man ai lam hpe hkaw tsun shadum dan nga sai.

ROMA 5:6

Anhte kam hpa na shara kata nga ga yang Hkristu gaw Karai Kasang ladaw da ai ahkying hta tara n hkungga ai, n hkru n kaja ai ni a matu si hkam sai.

1 KORINHTU 1:6

Anhte hkaw tsun ndau shabra ai dai Hkristu a lam Kabu Gara Shiga gaw nanhte hta e ngang ngang kang kang ru jung nga sai.

2 KORINHTU 5:21

Hkristu gaw yubak mara n kap ai wa rai nga ai, rai ti mung anhte gaw Hkristu hte langai sha tai wa nna Karai Kasang a ding hpring ai hpe hkam la na matu, Karai Kasang gaw Hkristu hpe anhte a matu mara anhte zawn yubak lu ai wa shatai wu ai.

GALATI 1:4

Ndai ya na n hkru n kaja ai prat kaw na mawai la u ga, anhte a Kawa Karai Kasang myit ra ai hte maren madat mara let anhte a yubak mara a matu mara Hkristu gaw shi hkum hpe nan ap ya kau nu ai.

GALATI 4:4

Rai ti mung aten ladaw gu jang Karai Kasang gaw shi a kasha hpe shangun dat wu ai; anhte gaw Karai Kasang e kasha yin la ai chyeju hkam la lu u ga,

EHPESU 1:17

Nanhte Karai Kasang hpe grau nna chye chyap wa myit ga, anhte a Madu Yesu Hkristu a Karai Kasang ngu ai hpung shingkang rawng ai Karai Kasang gaw hpaji byeng-ya hte tau hkrau mu chye lu ai shingran atsam jaw lu ai Wenyi nanhte hpe jaw ya myit ga, Wa Karai Kasang kaw ngai ahpyi nga nngai.

EHPESU 1:7

Hpa majaw nga yang, Hkristu a si hkam ai lam a majaw, anhte shalawt dat ai hkrum ga ai; dai gaw nanhte a yubak mara ni hpe raw dat kau ya ai lam rai nga ai.

EHPESU 3:5

Lai wa sai ten hta ndai sung htum ai lam shinggyim masha ni hpe n tsun dan yu ai, rai ti mung Karai Kasang gaw ya e shi a chyoi pra ai kasa ni hte myihtoi ni hpe dai Wenyi hku nna shadan dan mu ai.

EHPESU 5:2

Hkristu gaw anhte hpe tsaw ra ai hte anhte a matu shi a hkum hpe Karai Kasang sharawng awng ai manam pyaw ai shagu hkungga shatai nna nawng kau nu ai zawn, nanhte mung tsaw ra myit e hkang ai kata hta ahkawm nga mu.

2 HTESALONI 1:10

Madu gaw bai du sa ai shani e, shi a amyu masha ni yawng mayawng a man e hpung shingkang hpe mung, kam sham ai ni yawng e shagrau hkungga ai lam hpe mung, hkam la na ra ai. Anhte hkaw tsun dan ai mungga hpe nanhte kam sham nga manit dai majaw, Madu hpe shagrau sha-a ai ni hta nanhte mung lawm na marin dai.

1 TIMOHTI 6:15

Langai sha rai nga ai daru magam hpung shingkang rawng nna up hkang ai wa, hkawhkam ni a Hkawhkam Madu ni a Madu, Karai Kasang gaw, aten ladaw du jang Madu Yesu hpe kalang mi bai dan pru shangun na ru ai.

2 TIMOHTI 1:8

Dai rai nna anhte a Madu a matu sakse hkam ai hta hkum kaya nga u; bai nna Hkristu a jaw e bawng dung ai wa nye a majaw mung hkum kaya nga u; shing rai na malai, Karai Kasang gaw nang hpe n-gun lagaw jaw da nit dai hte maren, dai Kabu Gara Shiga a jaw e nni nkri hpe hkam sharang u.

TITU 1:3

Shing rai aten ladaw hkrak jaw ai shaloi dai htani htana asak hpe shi a mungga hta shapraw shadan wu ai. Dai mungga ngai hpe ap ya ni ai rai nna, anhte a hkye hkrang la ai Madu a hkang da ai ga hte maren, dai hpe ngai hkaw tsun nngai.

TITU 2:14

Anhte hpe tara tawt lai ai n hkru n kaja ai mara yawng mayawng hta na hkye hkrang shaw la na matu mung, anhte gaw myit masin san seng nna shi hte chyu sha seng ai amyu tai let, kaja reng ai magam bungli galaw na myit katu sharawng ai amyu tai na matu mung, Hkristu gaw anhte a matu mara shi hkum dai hpe ap ya kau nu ai.

HEBRE 9:12

Hkristu gaw Chyoi Pra Htum ai Shara kata de kalang mi hte ngut hkra shang ai shaloi, hkungga nawng na matu bainam sai, usu sai n la shang ai sha, shi nan a asai hte shang nna anhte a matu htani htana hkye hkrang la ai lam lu la nu ai.

1 PETRU 2:24

Anhte gaw yubak mara hpe kau da nna ding hpring ai hta e hkrung nga lu u ga, shi gaw shi hkum hta nanhte dai hpun ntsa e anhte a yubak mara ni hpe gun la kau nu ai. Shi a nma ni a gawp e nanhte shamai shatsai ai hkrum manit dai.

1 PETRU 3:18

Hpa majaw nga yang, Hkristu gaw anhte a yubak mara ni a majaw kalang mi hte yawng a matu ngut hkra si hkam sai. Shi gaw kaja ai masha langai mi rai nga da nna yubak lu ai ni a malai si hkam nu ai. Shing rai galaw ai lam gaw nanhte hpe Karai Kasang hpang de woi wa na matu rai nga ai. Shi gaw hkum shan hku nna sat kau ai hkrum timung, wenyi hta Karai Kasang jahkrung la sai.

1 YAWHAN 4:10

Tsaw ra ai myit ngu nna tsun ai shaloi; anhte Karai Kasang hpe tsaw ra ai hpe ngu ai n rai, anhte a yubak mara ni hpe raw dat kau ya na matu gawng malai hkungga tai u ga, shi a Kasha hpe shangun dat ai hte tsaw ra mi ai hpe ngu ai rai nga ai.

SHINGRAN 1:5

Kangka re ai sakse wa, si mat ai ni hta na shawng numshawn hkrung rawt wa ai wa, dinghta ga na hkawhkam ni hpe up ai Madu Yesu Hkristu kaw nna mung, chyeju hte ngwi pyaw ai gaw nanhte hta anga nga malit ga law. Anhte hpe tsaw ra nna, shi hkum nan hpe hkungga nawng si hkam ai hte anhte a yubak kaw na raw dat mi ai hte,

SHINGRAN 5:9

Shanhte gaw, “Nang gaw dai laika shabawn hpe la na hte, dazik ni hpe gaw kau na ging dan nga ndai. Hpa majaw nga yang, nang sat kau hkrum nit dai rai nna, na a nawng jau si hkam ai hte, amyu bawsang shagu hta na mung, ga amyu shagu hta na mung, Karai Kasang a matu masha ni hpe nang mari la nit dai rai nga ai, nga nna mahkawn ningnan mahkawn ma ai.