1 TIMOHTI 2:15 - Jinghpaw Common Language Bible 2009

¹⁵ Rai ti mung numsha langai mi gaw sari sadang rawng nna, makam masham lam, tsaw ra ai lam hte chyoi pra ai lam hta matut nna shakut sharang nga yang gaw shangai shaprat ai a majaw shi hkye hkrang la ai hkrum na ra ai.

Jinghpaw Hanson Version Bible

¹⁵ Rai timung, shatep ai hte makam masham, tsawra nna chyoi pra ai hku hkan nang nga yang gaw, dai kasha shangai na lam a marang e shi hkye hkrang la ai hkrum na ra ai.

1 TIMOHTI 2:15 ပူးပေါင်းရင်းမြစ်များ

ESAIA 7:14

Dai rai nna, Madu shi nan nanhte hpe kumla langai jaw ya na ra ai; hkawn sek shayi sha gaw hkum gawng li nna shadang sha shangai na ra ai; shi hpe ‘Emanuela’ ngu nna shamying na ra ai.

ESAIA 9:6

Anhte a matu kasha langai shangai sai! Anhte hpe shadang sha jaw mi ai! Shi gaw anhte a up hkang du tai na ra ai. Shi gaw, “Mauhpa Wa, Hpaji Daw Ai Wa, Chyahtum Chyalai N-gun Rawng Ai Karai Kasang, Htani Htana Kawa, Ngwi pyaw Sim Sa Ai A Hkawhkam Kasha,” ngu nna shamying hkrum na ra ai.

YEREMIA 31:22

Sadi n dung ai amyu masha ni e, galoi aten du hkra kanung nga na ngu myit ni? Ngai gaw ningnan re ai hte shai ai lam lama mi hpe hpan da ni ai, dai gaw numsha gaw lasha hpe makawp maga nga ai zawn shai nga ai,” ngu nna tsun ai.

LUKA 2:7

Shi gaw shadang sha alat shangai nu ai: nbat hte kayawp nhtawm ushat wakang hta kaleng tawn da wu ai; kaning rai nme law, manam jarawp hta shanhte a matu nga shara n nga malu ai.

1 KORINHTU 12:23

Hkum hkrang hta na dai daram manu n rawng ai zawn san ai daw shan ni hpe anhte grau nna ahkyak shatai ai hte lanu lahku ga ai. Anhte a n tsawm n htap ai daw shan ni hpe grau nna sari sadang rawng hkra mawn sumli nga ga ai.

1 TIMOHTI 1:14

Anhte a Madu gaw shi a n taw n tsang re ai chyeju nye a ntsa e ru jaw bun ya nna Hkristu hte langai sha tai nna asak hkrung nga ai majaw anhte lu la ang ai makam masham hte tsaw ra ai myit ngai hpe jaw ni ai.

1 TIMOHTI 1:5

Ndai hkang da ai ga a shatawng shada ai lam gaw, san seng ai myit kaw na pru ai dum chye ai htauli htaula myit hte sawt ai lam n lawm ai makam masham kaw na pru wa ai tsaw ra myit hpe sharawt ya na matu rai nga ai.

1 TIMOHTI 2:9

Numsha ni hpe mung sumnung shingdi ai hte shanhte a bu hpun palawng bu hpun ai lam hta sari sadang rawng ai hku atsawm sha bu hpun shangun mayu nngai. Kara hpe majaw jaw hkri shatsawm ai lam, aja, pale shing n rai manu hpu ging ai hpun palawng re ai ni hte mawn sumli ai lam; n galaw ai sha,

TITU 2:12

Anhte gaw anhte a galu kaba ai Karai Kasang ngu ai hkye hkrang la ai Madu Yesu a hpung shingkang dan pru na a lu ai nhtoi hpe ala nga let, tara n hkungga ai myit hte mungkan ga hpe marin marit ai myit hpe kabai kau na matu mung,

1 PETRU 4:7

Arai yawng mayawng a hpang jahtum ai aten gaw ni wa magang ra ai, Dai re ai majaw nanhte gaw akyu hpyi lu na matu tinang hkum hpe hkang da nna su hprang let majen maja nga mu.