1 TIMOHTI 1:9 - Jinghpaw Common Language Bible 2009

⁹ Kaja wa nga yang anhte a myit chye na da ra ai lam gaw; dai jep ai Tara gaw kaja ai masha ni a matu n rai; tara tawt lai ai ni hte si ging ai mara kaba lu ai ni, Karai kata ai hte yubak lu ai ni, nawku htung n hkan ai ni, makam masham shing n rai wenyi lam hta myit n lawm ai ni, tinang a kanu kawa ni hpe sat ai ni, masha sat ai ni a matu,

Jinghpaw Hanson Version Bible

⁹ rai timung, dinghpring ai wa a matu mara jep ai tara tawn da nga ai n re ai sha, n tara ai ni, gumlau gumle re ai ni, tara n hkungga ai ni, yubak galaw ai ni, n chyoi n pra ai ni, ga n seng ai ni, kanu kawa hpe bye kau ai ni, masha sat ai ni;

1 TIMOHTI 1:9 ပူးပေါင်းရင်းမြစ်များ

2 SAMUELA 16:11

Dawi gaw Abishai hte shi a du salang ni yawng hpe, “Nye a kasha nan ngai hpe sat na tam shakut nga ai rai yang mung, ndai Benyamin masha ni hta nanhte hpa majaw mau kajawng shara naw nga a ni? Dai Madu shi hpe matsa shangun nga sai majaw shi hpe chyu sha tawn da nna, ra mi matsa jung nga shangun ga.

2 HKAWHKAM 19:37

Lani mi na aten hta shi gaw shi a karai Nisrok a htingnu kata hta nawku nga yang, shi a kasha Adramelek hte Shareze yan gaw shan a nhtu hte shi hpe kahtam sat kau nna Ararat mung de hprawng mat wa wu ai; kaga shi a shadang sha ngu na Esahadon mahtang shi a tingnyang hta hkawseng hku nna hkaw dung nga ai.

2 HKAWHKAM LABAU 32:21

Dai Madu gaw lamu kasa langai mi hpe shangun dat nhtawm hpyenla ni hte Asuri hpyen luksuk a du salang ni hpe sat kau wu ai. Dai rai nna hkawseng wa gaw myi man sum let Asuri mung de nhtang mat wa wu ai. Lani mi na aten hta shi a karai a nawku shara hta nga nga yang, shi a kasha nkau mi mahtang shanhte a nhtu ni hte shi hpe sat kau ma ai.

PRU MAT 20:13

“Masha hkum sat et.

PRU MAT 21:14

Rai ti mung, masha langai mi masin pawt nna kaga langai mi hpe dingsa sa sat kau ai rai yang, shim lum na matu, nye a tawn hkungri de hprawng sa wa ti mung, shi gaw si lu na rai wu ai.

GA SHAGAWP 20:20

Na a nnu yan nwa hpe dagam dala ga tsun ai rai yang, na a asak gaw htat ai nsin hta si mat ai pyengdin wan zawn htum mat na ra ai.

GA SHAGAWP 28:17

Masha sat mara lu ai wa gaw shi a nsung hku hpe lawan lu ai daram lawan nna htu nga ai; shi hpe hkum jahkring nga et;

GA SHAGAWP 28:24

Tinang a kanu kawa arung arai hpe lagu la ai gaw yubak mara n rai nga ai, nga nna myit la ai wa kadai mung shawa lagut ndu hta grau kaja nga ai n rai.

GA SHAGAWP 30:11

Kawa ni hpe dagam dala ga tsun nna, kanu ni hpe hkungga shareng ai lam n madun ai masha ni nga nga ma ai.

GA SHAGAWP 30:17

Kawa hpe asaw ale nga nna, asak kaba sai kanu a hkang da ai ga hpe asawng asang di kau ai wa kadai hpe rai ti mung, zai ai u hka ni gaw shi a myi hpe achye malawk kau ya nna langda ni mung, shi a mang hpe sha kau ya na ging nga ai.

YEREMIA 23:11

Dai Madu gaw, “Myihtoi ni hte hkinjawng ni gaw karai kata ni rai ma ai; Ngai gaw Nawku Htingnu kata hta nan n hkru ai amu galaw nga ai shanhte hpe rim kau se ai.

EZEKELA 21:25

“Tara n lang ai hte matsat shabat re ai Israela mung du wa e, nanhte a nhtoi ngu ai jahtum ari jaw ai nanhte a aten mung du wa ra ai.

JAW JAU 20:9

Dai Madu gaw ndai hkan sa na tara lam ni hpe jaw ya wu ai; kadai rai tim tinang kanu kawa hpe matsa ai wa gaw si ai hkrum na rai wu ai. Shi gaw shi a si hkrung si htan a matu lit lu nga ai.

MAHTE 10:21

Masha ni gaw tinang a kahpu kanau shada da langai hte langai si na matu ap kau na mara ai. Kawa ni mung dai hte maren kasha ni hpe, kasha ni mung kawa ni hpe si na matu ap kau na mara ai.

ROMA 1:30

Shanhte gaw ga shaga baw law ai ni, kaga wa a sari jahpoi ai ga, kadum kahte ai ni, Karai Kasang hpe n dawng ai ni, manang wa hpe n kaw n law rai aroi ara re ai ni, gumrawng gumtawng ai ni, shakawng shakat rai grang dakat ai ni, n hkru n kaja ai amu amyu myu hpe myit shapraw nna galaw ai ni, kanu kawa ni a ga n madat ai ni,

ROMA 4:13

Karai Kasang gaw Abraham hte shi a aru arat ni hpe, mungkan ga a madu tai shangun na nga nna ga sadi tawn da nu ai. Dai zawn shi ga sadi tawn da ai gaw Abraham gaw dai jep ai Tara hpe madat mara hkan sa shatup ai majaw n rai, Karai Kasang hpe kam sham ai a marang e shi hpe ding hpring ai wa ngu nna Karai Kasang hkap la sawn ya ai rai nga ai.

ROMA 5:20

Dai Jep ai Tara tawn da ai majaw shut hpyit ai amu law jat wa nga ai; rai ti mung yubak mara law jat wa yang Karai Kasang a chyeju mung grau nna law jat wa nga ai.

ROMA 6:14

Hpa majaw nga yang nanhte gaw jep ai Tara n pu e n rai, Karai Kasang a chyeju n pu e rai nga myit dai majaw, yubak mara gaw nanhte a ntsa e up madu lu na n rai.

GALATI 3:19

Dai rai yang gaw, jep ai Tara a yaw shada ai lam gaw hpa rai ta? jep ai Tara hpe Karai Kasang jat bang tawn da ya ai lam gaw shut hpyit yubak mara ni a masa lam hpe shapraw dan na matu rai nna dai gaw, ga ndat da ai Abraham a aru arat wa garai n du ai aten laman du hkra sha grin nga na matu rai nga ai. Karai Kasang gaw dai jep ai Tara hpe lamu kasa ni hku nna lapran e htinglet ya ai wa langai mi a lata hte jaw ya sai.

GALATI 5:18

Dai Wenyi e nanhte hpe woi awn myit yang gaw, nanhte dai jep ai Tara a npu e rai nga myit dai n rai.

GALATI 5:21

n su n nawn ai, chyaru nang ai lam, sawse lawklek ai hte dai hte bung ai lam ni rai nga ma ai; shing rai galaw ai ni gaw Karai Kasang a Mungdan a sali wunli hkam la na n rai, shawng e tsun dan sai hte maren, ya mung nanhte hpe tsun madun nga nngai.

GALATI 5:23

shagrit shanem ai, hte tinang a myit hpe hkang lu ai lam ni rai nga ai. Dai lam hte hpe hkum lu na tara mi n nga ai.

TARA JAHPRANG 27:16

“ ‘Kanu kawa hpe n kaw n law di ai wa kadai mung Karai Kasang jaw ai dagam dala hkrum u ga law.’ “Shaloi Amyu masha ni yawng gaw, ‘Amen!,’ ngu nna htan na mara ai.

2 HTESALONI 2:8

Dai hpang dai N hkru Ai Wa dan pru na ra ai, rai ti mung Madu Yesu du sa ai shaloi N hkru Ai Wa hpe shi a n-gup kaw na pru ai nsa hte sat kau nna, shi a htoi kabrim ai hpung shingkang hte jahten shaza kau na ra ai.

1 TIMOHTI 4:7

Rai ti mung, Karai Kasang hte n seng ai tsun na matu akyu n nga ai maumwi ga ni hpe koi kau nna, tinang a asak hkrung lam hpe tara hkungga ai lam hta shakung jahpan nga u.

1 TIMOHTI 6:20

Timohti e, nang hpe ap ya da ai aya hpe atsawm sha tek mahkyu nga u; n san n seng ai ga shaga ai lam hpe mung, chye chyang ai lam re ngu nna masha nkau mi shamying tsun shut ai angawk angak re ai ndang kalang ga ni hpe mung koi kau u.

2 TIMOHTI 2:16

Karai Kasang hte tsan gang mat wa shangun ai awu asin hte, angawk angak nga nna tsun baw law ai ga ni hpe koi gam u.

2 TIMOHTI 3:2

Masha ni gaw tinang a akyu tam ai, nam mak lawhpa, shakawng shakat ai, myit tsaw myit dap gumrawng ai ni rai na mara ai. Shanhte gaw roi asawng ga tsun ai ni, kanu kawa ni hpe gumlang ai ni, chyeju n chye dum ai ni, nawku makam masham kata ai ni rai na mara ai.

TITU 1:10

Hpa majaw nga yang, shanhte a lachyum n pru ai ga hte gumlau gumle re ai hte, masha kaga ni hpe hkalem hkalau re ai masha ni law law wa grau nna Yuda nawku htung kaw na Hkristan Hpung de gale shang wa ai ni hta nga nga ma ai.

TITU 1:16

Shanhte gaw Karai Kasang hpe chye chyang ga ai nga nna tsun ma ti mung, shanhte a galaw ai lam gaw shanhte hpe n madi shadaw nga ai. Shanhte gaw matsat shabat rai nna yu ra na zawn n re ai ni, mai kaja ai amu lama ma galaw na atsam marai n rawng ai ni rai nga ma ai.

TITU 1:6

Dai hpung salang wa gaw mara n rawng ai wa, num langai sha lu ai wa, rai ra ai. Shi a kasha ni gaw Madu Yesu hpe kam sham ai ni rai ra ai. Zai ai arawn alai hte ga n madat ai lam hta mying pru ai kashu kasha lu ai wa n rai na.

TITU 3:3

Hpa majaw nga yang, shawng de gaw anhte nan mung myit ngawk ai, n madat n mara ai hte shut hpyit lam dam ai ni rai ga ai. Anhte gaw ngang kayut ai hte pyaw daw kadaw ai lam amyu myu hkan galaw yu ai, de a mayam ni mung rai nga ga ai. Anhte hta galoi mung n ju n dawng ai hte manawn masham ai myit rawng nga mali ai hte, masha kaga ni anhte hpe n ju n dawng ma ai hte maren, anhte mung masha ni hpe n ju n dawng ga ai.

HEBRE 11:31

Kam sham ai hte shawa num Rahab gaw Israela kin-yu ni hpe hku hkau ai hku hkap hkalum la wu ai majaw Karai Kasang hpe n madat n mara ai ni hte rau sat kau ai n hkrum wu ai.

HEBRE 12:16

Lai kyang n kaja nna wenyi makam masham n rawng ai hte shat ma mi a matu sha shi a hpu lat aya dut sha kau ai Esaw zawn, nanhte kadai hta mung n byin u ga, sadi nga mu.

1 PETRU 2:7

Kam sham ai nanhte a matu mara ndai nlung gaw grai hpu ging nga ai; rai ti mung n kam n sham ai ni a matu mara chyawm gaw, “Wahpang gaw ai ni akyu n rawng ai ngu nna sai kau ai nlung gaw, njut jahtum na ahkyak dik ai nlung tai wa sai,” nga ai.

1 PETRU 3:20

Dai wenyi ni gaw shawng de Noa sanghpaw li shachyaw ai nhtoi ni hta Karai Kasang gaw myit galu kaba hte ala nga yang shi hpe n madat n mara ai ni a wenyi ni rai ma ai. Dai sanghpaw li hta masha n law la ai-yawng rai yang she marai matsat sha hka hta na hkye la ai hkrum ma ai.

1 PETRU 4:18

Chyum Laika hta, “Kaja ai masha ni a matu hkye hkrang la hkrum na matu yak la a yang gaw, tara n hkan ai yubak lu ai ni gaw hpa byin sana kun?,” nga nna tsun ai.

YUDA 1:15

Masha yawng a ntsa e dai tara jeyang na ra ai; masha yawng mayawng hpe shanhte galaw ai n hkru n kaja ai amu ni a matu mung Karai kata ai masha ni Karai Kasang hpe ninghkap ai hku tsun shaga kau ai hkrithpa ga ni yawng a matu mung jeyang daw dan na ra ai!,” nga nna myihtoi ga hta tsun da sai.

SHINGRAN 21:8

Rai ti mung, hkrit ai myit rawng ai ni, n kam n sham nna sadi n dung ai ni, n hkru n kaja matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte, masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si ai lam rai nga ai, nga nna ngai hpe tsun ai.

SHINGRAN 22:15

Rai ti mung, masha zawn pyi n rai hkra n hkru n kaja ai ni, mandan lakle galaw ai ni, hpye ai amu galaw ai ni, masha sat ai ni, sumla nawku ai ni hte masu magaw lam sharawng awng let hkan galaw ai ni yawng hte gaw, mare shinggan e nga lu na mara ai nga nna ngai hpe tsun nngai.