1 TIMOHTI 1:8 - Jinghpaw Common Language Bible 2009

⁸ Dai jep ai Tara gaw sun ang ai hku jai lang yang, mai kaja nga ai hpe anhte chye ga ai.

Jinghpaw Hanson Version Bible

⁸ Marai langai ngai jep ai tara hpe sun ang ai hku sung nga a yang gaw, jep ai tara gaw mai kaja nga ai, anhte chye nga ga ai:

1 TIMOHTI 1:8 ပူးပေါင်းရင်းမြစ်များ

NEHEMIA 9:13

Nang gaw sumsing lamu kaw nna Sina Bum de yu sa nhtawm; na a amyu masha ni hpe nang ga shaga ai hte mai kaja ai tara ni hte jaw ai sharin achyin ga ni hpe jaw ya nga ndai.

ROMA 12:2

Nanhte gaw ndai dinghta mungkan a lai madang ni hpe n hkan dagraw ai sha, nanhte gaw Karai Kasang hku nna nanhte a kata lam myit masin hpe tsep kawp galai shai kau shangun mu. Dai shaloi nanhte gaw Karai Kasang a myit ra ai lam, mai kaja ai lam, shi hpe sharawng awng shangun ai lam, hkum tsup re ai lam gaw, hpa rai nga ai ngu ai hpe chye ginhka lu na marin dai.

ROMA 7:16

Ngai n galaw mayu ai hpe ngai galaw yang gaw dai jep ai Tara teng man nga ai lam ngai myit hkrum nngai.

ROMA 7:18

Nye a kraw e rai sa nye a shinggyim hkum shan myit hta kaja ai baw hpa n rawng li ai ngai chye nngai; hpa majaw nga yang mai kaja ai baw galaw mayu ai myit ngai hta rawng nga timung ngai dai hpe n galaw lu nngai.

ROMA 7:22

Nye a kraw lawang myit gaw Karai Kasang a Tara hta kabu gara sharawng awng nga ai.

GALATI 3:21

Dai rai nna jep ai Tara gaw Karai Kasang a ga ndat ni hte nhtan shai nga ai ngu mayu ai rai ni? Gara hku nna mung n rai law! Hpa majaw nga yang kaja wa shinggyim masha ni gaw asak jahkrung ya lu ai jep ai Tara hpe lu la masai rai yang gaw, masha hkum shagu dai tara hpe hkan shatup nna Karai Kasang a man e ding hpring wa lu na sha rai nga ai.

2 TIMOHTI 2:5

Gat shingjawng poi langai mi hta shingjawng ai ginsup ninghkrin langai mi gaw hkan sa tara ni hpe n madat n mara a yang gaw, shagrau kumhpa n lu la lu nga ai.