1 TIMOHTI 1:7 - Jinghpaw Common Language Bible 2009

⁷ Shanhte gaw Karai Kasang a tara hpe sharin ya ai sara ni tai mayu ma ai, rai ti mung shanhte gaw tinang nan tsun ai ga ni hpe mung, tinang nan hkrak jaw sai ngu grai kam ai myit hte tsun ai ginlam ni hpe teng sha nga yang n chye na ma ai.

Jinghpaw Hanson Version Bible

⁷ shanhte gaw tara sara tai mayu ma timung, tinang nan hpa tsun nga ai hte, hpa lam hkap yau nga ai gaw, n chye na nga ma ai.

1 TIMOHTI 1:7 ပူးပေါင်းရင်းမြစ်များ

MAHTE 15:14

Dai rai nna shanhte a majaw, myit hkum ru nga myit. Shanhte gaw myi kyaw ai wa hpe lam madun ai myi kyaw ai ni rai nga ma ai: myi kyaw ai wa gaw, myi kyaw ai wa hpe lam madun a yang gaw, shan lahkawng gaw nhkun kata de di hkrat na mara ai,” ngu mu ai.

MAHTE 21:27

Dai rai nna, shanhte Yesu hpe, “Anhte n chye ga ai,” ngu nna htan mu ai. Shi mung, “Ndai amu ni hpe hpa ahkang hte galaw nngai gaw, ngai mung nanhte hpe n tsun dan na nngai,” ngu nna shanhte hpe tsun mu ai.

LUKA 2:46

Ya masum ya na wa sayang she, dai Nawku Htingnu kata, Yuda sara ni a ka-ang e, shanhte a ga madat la nna, shanhte hpe ga san ni san let dung nga ai hpe shan sa mu ma ai.

KASA 15:1

Ya Yuda mung na ni nkau mi Antioki mare de sa du nna, kam sham ai hpu nau ni hpe, “Nanhte Mawshe a jep ai Tara hte maren matu gadoi lam n hkan myit yang gaw, hkye hkrang la ai kaw n du lu na myit dai,” ngu nna sa sharin mu ai.

ROMA 1:22

Shanhte gaw shanhte a hkum hpe hpaji chye ai ni rai ga ai ngu nna tsun ma ai rai ti mung shanhte gaw angawk angak re ai ni rai nga ma ai.

GALATI 3:2

Dai Wenyi hpe nanhte lu la ai gaw jep ai Tara hpe hkan sa shadik ai magam bungli a majaw rai kun? Dai lam langai sha nanhte a n-gup na ngai chye la mayu nngai.

GALATI 3:5

Karai Kasang gaw nanhte hpe dai wenyi nanhte a ntsa e shayu ya nna mauhpa lamik kumla ni hpe madun dan ai gaw dai jep ai Tara hpe hkan shadik ai majaw rai ni? Shing n rai, dai Kabu Gara Shiga hpe nanhte na la nna kam sham ai majaw shabyin ya ai rai ni?

GALATI 4:21

Jep ai Tara a npu e nga mayu ai ni hpe ngai san yu made ga; nanhte gaw dai jep ai Tara a hkang da ai lam hpe n na yu myit ni?

1 TIMOHTI 6:4

Dai wa gaw grai gumrawng gumtawng nna hpa mung n chye ai wa rai nga ai. Shi gaw ga sumtu tsun shaga ai lam ni hta dangrang hkat na matu, ga law hkat na matu, n hkrak ai myit rawng ai wa rai nga ai. Shing rai galaw ai a majaw manawn masham ai lam, hpung garan ai lam, n sim n sa ndang kalang lam ni n kaw n law roi asawng ai lam ni, n kaja ai hku n rup n tsen ai lam ni hpe byin pru wa shangun nga ai.

2 TIMOHTI 3:7

Sharin achyin ai hpe hkam la na tut nawng e ra sharawng let shakut ma ti mung, shanhte gaw dai teng man ai lam hpe chye chyang ai de, galoi mung n du lu ma ai.

YAKU 3:1

Nye a hpu nau ni e, anhte sara ni gaw kaga masha ni hta grau nna ja ai tara hte daw dan ai hkrum na raga ai hpe dum let, nanhte marai law law wa sara hkum tai mayu nga mu.

2 PETRU 2:12

Rai ti mung ndai masha ni gaw hkwi rim la nhtawm sat kau na matu nga pra ai du sat chyazai ni zawn shanhte pyi n chye ai lam ni hpe hkritung myit hte roi asawng ai amu galaw ma ai. Shanhte gaw du sat chyazai ni zawn jahten shabya kau ai hkrum na mara ai.