1 TIMOHTI 1:20 - Jinghpaw Common Language Bible 2009

²⁰ Shanhte ni hta Satan a lata de ap kau ai hku nna ngai ari jaw ai Humeni hte Alexandru ngu ai yan lawm ma ai. Shing di ai lam gaw, shanhte a masu matsa shatan nhkan ai lam jahkring kau mu ga, sharin ya na matu rai nga ai.

Jinghpaw Hanson Version Bible

²⁰ Shanhte hta Humeni yan Alesandru lawm ma ai rai nna, shan gaw shatan nhkan ga koi gam nga na sharin la mu ga, ngai shan hpe Satan a lata de ap kau mase ai.

1 TIMOHTI 1:20 ပူးပေါင်းရင်းမြစ်များ

MAHTE 18:17

Shanhte a ga hpe shi n madat hkraw a yang gaw, dai lam yawng mayawng dai hpung hpe sa shana ya mu. Hpang jahtum dai hpung hpe mung n madat hkraw a yang gaw, tara maigan wa shing n rai, kang hta ai wa hpe zawn na a man e shi rai u ga.

KASA 13:45

Yuda masha ni chyawm gaw, dai shawa hpawng hpe mu jang, manawn ai myit hte hpring chyat nga ma ai rai nna, Pawlu tsun ai lam hpe ndang hkat ai hte aroi ara ngu da mu ai.

KASA 19:33

Ya Yuda masha ni Alexandru hpe shawng de pru sa shangun mu ai rai nna, masha nkau mi gaw ndai byin ai lam hte seng ai wa rai sam ai ngu myit la ma ai, Alexandru mung shawa hpawng hpe asim sha nga na matu shi a lata galang dingsi nna ga tsun hparan ningdang kau na shakut wu ai.

1 KORINHTU 11:32

Rai ti mung, anhte hpe ndai zawn Karai Kasang e jeyang daw dan nna ari jaw ai lam gaw, anhte hpe mungkan masha ni hte rau daw dan n hkrum shangun na matu sharin shaga ai lam rai nga ai.

2 KORINHTU 10:6

Nanhte gaw anhte a ga hpe tup hkrak madat mara nna sadi dung ai lam hpe chye lu jang, anhte gaw sadi n dung ai hpa lam hpe mung ari jaw na matu jin jin rai nga saga ai.

2 KORINHTU 13:10

Nanhte hte tsan gang nga yang ngai ndai laika hpe ka ai lam gaw, ngai nanhte kaw du sa ai shaloi Madu ngai hpe jaw da ai ahkang aya hpe sheng mareng di nna n jai lang ra na matu rai nga ai. Dai ahkang aya gaw nanhte hpe sharun shabya kau na matu n rai, nanhte hpe gaw gap na matu she rai nga ai.

2 HTESALONI 3:15

Rai ti mung shi hpe hpyen wa hpe zawn hkum di myit, hpu nau wa langai mi hpe zawn sadi jaw shadum shahprang nga mu.

1 TIMOHTI 5:15

Hpa majaw nga yang, ya jang pyi gaida jan nkau mi gaw Satan a hpang hkan nang na matu gayin mat wa rau masai.

2 TIMOHTI 2:14

Masha ni hpe ndai lam shadum shahprang nga u; ga hte ndang kalang nga nna gasat ningjet n nga na matu Karai Kasang a man e shanhte hpe ja ja sadi jaw da u. Shing rai ndang kalang hkat ai lam gaw, hpa akyu n shabyin ai hta n ga, madat la ai masha ni hpe jahten shabya ai lam sha byin shangun nga ai.

2 TIMOHTI 2:17

Shing nga nna sharin achyin ai lam gaw hkum shan hpe sha jahtum kau ya ai mawng ana hte sha bung nga ai. Shing nga nna sharin achyin ai ni hta lawm ai masha lahkawng gaw, Humeni hte Hpiletu yan rai ma ai.

2 TIMOHTI 3:2

Masha ni gaw tinang a akyu tam ai, nam mak lawhpa, shakawng shakat ai, myit tsaw myit dap gumrawng ai ni rai na mara ai. Shanhte gaw roi asawng ga tsun ai ni, kanu kawa ni hpe gumlang ai ni, chyeju n chye dum ai ni, nawku makam masham kata ai ni rai na mara ai.

HEBRE 12:5

Chyum Laika hta Karai Kasang gaw, “Ngai sha e, dai Madu nang hpe sharai shading yang, madat mara u, shi nang hpe daru sharin yang, myit daw myit hten hkum rai et.

SHINGRAN 13:1

Shaloi panglai kaw na matse labye langai pru lung wa ai hpe ngai mu nngai. Shi hta nrung shi hte baw sanit tu nga ai; dai nrung ni langai hkrai a ntsa e janmau gup nna, baw ni langai hkrai a ntsa e Karai Kasang a arawng sadang hpe jahpoi asawng ai amying kap nga ai.

SHINGRAN 3:19

Ngai gaw ngai tsaw ra ai ni yawng mayawng hpe daru sharin nna ari jaw nga nngai. Dai re ai majaw, nang myit n-gun marai shaja nga u, myit malai lu u.