1 TIMOHTI 1:2 - Jinghpaw Common Language Bible 2009

² dai makam masham hta nye a kasha majing rai nga ai Timohti hpang de laika ka dat nngai. Kawa Karai Kasang hte anhte a Madu Yesu Hkristu kaw na chyeju, matsan dum ai hte ngwi pyaw ai gaw nang hta anga nga u ga law.

Jinghpaw Hanson Version Bible

² Kawa Karai Kasang hte anhte a Madu Hkristu Yesu kaw na chyeju, matsan dum ai hte ngwipyaw ai gaw, anga nga u ga law.

1 TIMOHTI 1:2 ပူးပေါင်းရင်းမြစ်များ

ROMA 1:7

Karai Kasang e tsaw ra nna shi a amyu masha tai na matu shaga la hkrum sai Roma hpung masha ni yawng hpang de ndai laika ka dat nngai. Anhte a Wa Karai Kasang hte Madu Yesu Hkristu kaw na chyeju hte ngwi pyaw ai gaw, nanhte hta e anga nga u ga law.

GALATI 1:3

Anhte a Wa Karai Kasang hte Madu Yesu Hkristu kaw na chyeju hte ngwi pyaw ai gaw, nanhte hte anga nga malit ga law.

1 HTESALONI 3:2

Hkristu a Kabu Gara Shiga hkaw tsun ai hta anhte rau magam bungli galaw nga ai anhte a hpu nau wa Timohti hpe shangun dat ga ai.

1 TIMOHTI 1:12

Ngai galaw gun hpai nga ai bungli a matu ngai hpe n-gun lagaw jaw ya ai anhte a Madu Hkristu Yesu hpe ngai chyeju dum shakawn nngai. Shi gaw ngai hpe ging dan ai wa re ai ngu nna sawn la nna shi hpe daw jau na matu san da hkrum ni ai majaw mung shi hpe chyeju dum shakawn nngai.

1 TIMOHTI 1:18

Ngai sha Timohti e, lai wa sai ten hta nang hpe sha-ang nna htawn tsun ai myihtoi ga ni hte maren, galaw gun hpai sa wa na matu ngai nang hpe ahkaw ahkang ap ya de ai; atsawm sha gasat gala lu na matu dai myihtoi ni htawn tsun ai ga ni hpe laknak zawn jai lang nga u.

1 TIMOHTI 6:20

Timohti e, nang hpe ap ya da ai aya hpe atsawm sha tek mahkyu nga u; n san n seng ai ga shaga ai lam hpe mung, chye chyang ai lam re ngu nna masha nkau mi shamying tsun shut ai angawk angak re ai ndang kalang ga ni hpe mung koi kau u.

2 TIMOHTI 1:2

Kawa Karai Kasang hte anhte a Hkristu Yesu gaw nang hpe chyeju matsan dum ai hte ngwi pyaw lam jaw ya u ga law.

2 TIMOHTI 2:1

Ngai sha e, na a matu chyawm gaw anhte a Hkristu Yesu hta langai sha tai nna asak hkrung ai a marang e lu la ai chyeju hta n-gun lapyin rawng nga u.

TITU 1:4

Madu Yesu hpe anhte hte maren kam sham ai hta rau rum nga ai ngai sha majing re ai Titu hpang de ngai ndai laika hpe ka shana dat nngai. Kawa Karai Kasang hte anhte a hkye hkrang la ai Madu Yesu Hkristu gaw nang hpe chyeju hte ngwi pyaw ai lam jaw ya u ga law.

TITU 2:2

Asak kaba sai dingla ni hpe chyaru n len ai sha sadi na matu, temsi rai nga na matu, mu mada chye na ya na matu hte tinang hkum hpe hkang lu na matu mung, teng man ai makam masham rawng nga na hte, tsaw ra nna shakut sharang ai lam hta hpring tsup kunghpan nga mu ga mung sharin shaga u.

TITU 3:15

Ngai hte rau nga ai ni nlang hte gaw, nang hpe shakram dat ma ai. Kam sham ai hta tsaw ra ai jinghku rai nga ai ni hpe shakram ya mi. Karai Kasang a chyeju gaw nanhte mahkra hte rau anga nga u ga law.

1 PETRU 1:2

Shi a Wenyi hta chyoi pra ai amyu masha shatai la nna, Yesu Hkristu a ga madat mara na hte shi a sai hte shachyoi shapra la na matu Kawa Karai Kasang a moi kaw nna shatawng shada da sai hte maren nanhte hpe lata la manit dai. Chyeju hte ngwi pyaw ai gaw nanhte hta hpring tsup nga malit ga law.

2 YAWHAN 1:3

Kawa Karai Kasang kaw nna mung, dai Kawa a Kasha Yesu Hkristu kaw nna mung, dai chyeju hte, matsan dum ai hte ngwi pyaw ai lam gaw teng man ai lam hpe chye nna shada da tsaw ra nga ai anhte hte rau anga nga u ga law.

3 YAWHAN 1:4

Nye a kashu kasha ni, dai teng man ai lam hta hkan sa asak hkrung nga ma ai lam na lu ai majaw ngai hpe kabu gara shangun dik ai hta kaga kabu hpa n nga mat sali ai.

YUDA 1:2

Matsan dum ai ngwi pyaw ai hte tsaw ra ai gaw nanhte hta e hpring tsup law htam wa malit ga law.