1 TIMOHTI 1:10 - Jinghpaw Common Language Bible 2009

¹⁰ akyang lailen n kaja ai ni, num shada la shada nga sha ai ni, masha rim makoi nna gumhpraw hte shaw la shangun ai ni, masu nna n teng n man ai sakse hkam ai ni, shing n rai hpa hku hpa lam hku nna mung, dai teng man ai makam masham a sharin shaga ai tara hte nhtan shai ai ni a matu galaw da ai tara rai nga ai.

Jinghpaw Hanson Version Bible

¹⁰ hpye ai amu galaw ai ni, la shada tam ai ni, masha hpe lagu ai ni, masu magaw ga tsun ai ni, masu dagam ai ni hte san seng ai sharin shaga ai ga hte nhtan shai ai lam kaga naw nga a yang gaw, de a matu mara jep ai tara tawn da nga ai:

1 TIMOHTI 1:10 ပူးပေါင်းရင်းမြစ်များ

NINGPAWT NINGHPANG 19:5

Lawt hpe shanhte shaga shapraw la nhtawm, “Dai na nang hte rau nga na matu du sa ai yan gaw kanang rai nga ma ta? Shan hpe anhte hpang de shapraw ya mi!,” ngu nna san mu ai. Sodom mare na lasha nlang ni mahtang shan hte kanawn mayu nga ma ai.

NINGPAWT NINGHPANG 37:27

Shi hpe mahtang ndai Ishmaela masha ni a lata de dut kau dat ga; shaloi anhte shi hpe hpa mung n machyi shangun ra nga ga ai; hpang jahtum dik dik tsun ga nga yang, shi gaw anhte a kanau rai nna anhte a ashan hte asai majing nan rai nga ai,” ngu nna tsun wu ai. Shi a kahpu kanau ni mung dai lam hpe myit hkrum ya mu ai.

NINGPAWT NINGHPANG 40:15

Ngai gaw Hebre masha ni a mung kaw nna shagyeng rim woi la hkrum ai wa rai nga nngai. Ya ndai Egutu mung hta mung htawng e rim bang da hkrum na daram kaba ai ari hte ging dan ai amu hpa hpe mung n galaw shut kau yu nngai,” ngu nna tsun dan wu ai.

PRU MAT 20:7

“Nye a mying ningsang hpe n hkru ai shatawng shada lam ni hta hkum lang et. Ngai gaw dai Madu na a Karai Kasang rai nga nngai majaw, nye a mying ningsang hpe n sawn n sang di ai wa kadai hpe mung ari jaw na we ai.

PRU MAT 21:16

“Marai langai ngai hpe rim makoi mat wa nhtawm shi hpe dut kau nna mayam langai zawn tawn da ai wa kadai mung si lu na rai wu ai.

HOSEA 10:4

Shanhte gaw ga kaman sha tsun nna, shut ai ga sadi hte akyu n rawng ai ga shaka ni tawn da nga ma ai. Teng man rap ra ai Tara gaw, lamu ga galau tawn da ai sun hta tu ai gung rawng ai tsing ni zawn n teng n man n rap n ra ai tai wa nga ai.

JAW JAU 18:22

Lasha kadai mung shada da kanawn lu na n rai; dai hpe Karai Kasang n dawng nga ai.

JAW JAU 20:13

Lasha shada da kanawn ai rai yang, shan gaw matsat shabat amu galaw kau nga ma ai majaw shan lahkawng sat kau ai hkrum na rai ma ai.

ZEHKARIA 5:4

Chyahtum Chyalai N-gun rawng ai dai Madu gaw ndai dagam dala ga hpe shapraw dat na lam tsun wu ai; dai gaw lagu ai masha shagu a nta de dagam let masu magaw ga tsun ai masha shagu a nta de shang na mara ai. Dai gaw shanhte a nta hta naw ngam nga nna shanhte hpe jahten sharun tawn na mara ai,” ngu nna tsun ai.

ZEHKARIA 8:17

Langai hte langai hpe machyi hkra shangun ai lam hkum maw mawn myit. Dagam dala ga hte sakse hkum hkam myit. Ngai gaw masu magaw ai, n teng n man ai hte kashun kashe du daw sai hkaw amu galaw shapraw ai hpe n dawng nngai.”

MALAHKI 3:5

Chyahtum Chyalai N-gun rawng ai dai Madu gaw, “Nanhte hpe tara jeyang na matu ngai du sa nna shaba wawt ai ni, numshaw lashaw ai ni, masu let dagam ai ni bungli galaw masha ni a shabrai masu hkalem sha ai ni, gaida ni, jahkrai nmai ni hte maigan masha ni hpe zai hku nna roi rip ai ni hte ngai hpe n hkrit hkungga ai ni hpe kalang dat ngai sakse tai na nngai,” ngu tsun ai.

YAWHAN 8:44

Nanhte gaw, nanhte a kawa ngu ai gumlau nat a kashu kasha ni rai nga myit dai rai nna, nanhte a kawa a kayut ai hku hkan mayu myit dai. Shi gaw shawng npawt kaw nna, masha sat ai wa rai nga ai rai nna, tengman ai maga de galoi mung n nga ai, hpa majaw nga yang shi hta teng man ai lam n rawng nga ai. Shi gaw masu magaw ai wa langai mi rai nna masu magaw lam yawng a kawa mung rai nga ai majaw, shi a masu ai ga tsun yang, dai gaw shi a shingra myit hte maren tsun ai lam rai nga lu ai.

ROMA 1:26

Shing rai ma ai majaw Karai Kasang gaw kaya kahpa re ai ngang kayut ai myit e woi ai de lawm nang mat wa na matu nawng kau mu ai. Numsha ni mung shingra tara hte maren num la kanawn mazum ai hking madung hpe kau da nna num shada nhtan shai ai hku galaw hkat nga ma ai.

TARA JAHPRANG 24:7

“Israela hpu nau langai ngai hpe rim makoi da nna, shi a mayam shatai la ai, shing n rai mayam hku dut sha kau dat ai wa kadai mung sat kau ai hkrum na rai wu ai. Ndai hku nna dai n shawp n kap ai amu hpe nanhte yeng seng kau na rai myit dai.

1 TIMOHTI 4:6

Ndai matsun ga ni hte maren Hkristan hpu nau ni hpe nang shadum shahprang nga n yang gaw nang gaw nang hkap la nga ai wenyi makam masham lam hpe mung, teng man ai sharin shaga ai ga hpe mung, hkan nga ai majaw Hkristu a shangun ma kaja rai nga nit dai.

1 TIMOHTI 6:3

Kadai rai ti mung nhtan shai ai sharin shaga ai lam hpe sharin achyin ai wa gaw, anhte a Madu Yesu Hkristu a teng man hkum tsup ai mungga ni hte anhte a makam masham a sharin shaga ai lam hpe n hkan sa ai wa rai nga ai.

2 TIMOHTI 1:13

Ngai nang hpe sharin ya ai teng man ai mungga hpe nang hkan sa na kasi kamang shatai let ngang ngang jum da nna, anhte Hkristu Yesu hte langai sha tai nhtawm asak hkrung ai hte seng ai makam masham hte tsaw ra myit hta ngang ngang jum manoi nga u.

2 TIMOHTI 4:3

Masha ni gaw dai teng man nna ra n rawng ai sharin shaga ai lam hpe n madat n mara nna tinang a myit kayut ai hta hkan mat wa ai hte shanhte a myit hta kaya kayoi nga hkra madat la mayu ai lam ni hpe sharin ya na sara ni shanhte a matu grau grau law wa hkra tam lahkawn la ai aten du na ra ai.

TITU 1:13

Dai sakse ga teng nga ai majaw, shanhte gaw Karai Kasang hpe kaja wa kam sham hkap la chye wa na matu mung,

TITU 1:9

Shi gaw Hpung a sharin shaga ai lam hte myit hkrum nna kam hpa mai ai dai mungga hpe ngang ngang kang kang manoi manat ai wa, rai lu na rai nga ai. Shing rai yang she shi gaw dai teng man ai sharin shaga ai lam hte masha ni hpe n-gun jaw myit gang la lu na hte, dai mungga hte n htan shai ninghkap ai ni a shut ai lam hpe madi madun lu na rai nga ai.

HEBRE 13:4

Hkungran ai lam hpe masha yawng mayawng hkungga shagrau lu na rai myit dai hte madu wa madu jan shada da a ntsa e sadi dung nga lu na rai myit dai; Karai Kasang gaw arawn alai hten ai ni hte num shaw la shaw ai ni hpe jeyang na ra ai.

YUDA 1:7

Sodom hte Gomora mare yan hpe mung dai mare yan a grup yin na mare ni hpe mung myit dum nga mu. Dai mare ni kaw na mare masha ni gaw dai lamu kasa ni zawn, num la n se n sa lam hta pyaw daw kadaw nna shing ra maka hte nhtan shai ai hku nga sha ma ai majaw yawng a matu asan sha dan dan leng leng sadi jaw ai hku nna htani htana wan hta ari hkrum sha ma ai.

SHINGRAN 18:13

maza hpun, shatmai namhawm tsi, manam pyaw ai baw mura, lawban, sabyi ntsin, sau, muk, shadung, hkaulan mam, wuloi, dumsu, sagu, gumra, gumra leng ni, mayam ni hte masha asak du hkra rai nga ai.

SHINGRAN 21:27

Rai ti mung, awu asin re ai hpa mung dai mare de shang lu na n rai. Matsat shabat awu asin amu galaw ai wa, masu magaw lam hkan ai wa mung dai mare hta galoi mung shang lu na n rai. Sagu Kasha a asak laika hta amying ka lawm ai ni chyu sha dai mare hta shang lu na mara ai.

SHINGRAN 21:8

Rai ti mung, hkrit ai myit rawng ai ni, n kam n sham nna sadi n dung ai ni, n hkru n kaja matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte, masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si ai lam rai nga ai, nga nna ngai hpe tsun ai.

SHINGRAN 22:15

Rai ti mung, masha zawn pyi n rai hkra n hkru n kaja ai ni, mandan lakle galaw ai ni, hpye ai amu galaw ai ni, masha sat ai ni, sumla nawku ai ni hte masu magaw lam sharawng awng let hkan galaw ai ni yawng hte gaw, mare shinggan e nga lu na mara ai nga nna ngai hpe tsun nngai.