1 SAMUELA 9:9 - Jinghpaw Common Language Bible 2009

^9-11 Shawlu gaw, “Dai gaw kaja ai lam langai rai nga ai! Gai sa yu saga,” ngu nna htang tsun wu ai. Dai rai nna, chyoi pra ai wa nga ai mare de sa mat wa ma ai. Shan gaw dai mare nga ai bum de lung wa ma ai shaloi, hka ja na matu pru sa wa ai numsha nkau mi hte hkrum ma ai. Shing rai shan gaw dai numsha ni hpe, “Myi san wa mare kata e n nga a ni?,” ngu nna san ma ai. (Dai aten hta myihtoi wa hpe myi san wa ngu nna shamying ma ai rai nna, marai langai ngai Karai Kasang kaw ga san san mayu ai shaloi, “Myi san wa kaw sa yu ga,” ngu nna shi tsun na wu ai.)

Jinghpaw Hanson Version Bible

⁹ (Moi prat e, Israela masha ni Karai Kasang kaw lama ma san na nga sa wa yang, Sa, myi san wa hpang de sa saga, nga nna tsun mu ai: ya na myihtoi ngu ai wa hpe, moi prat e myi san wa nga ma ai.)

1 SAMUELA 9:9 ပူးပေါင်းရင်းမြစ်များ

NINGPAWT NINGHPANG 25:22

Shi hta marun hkan nau shangai wa na ra ai rai nna, garai n shangai ai hkritung ma yan gaw shi a kan kata hta shan shada da malan da ting gasat hkat ma ai. Shi gaw, “Ngai hta lama mi byin ai zawn nga ai gaw hpa majaw rai ang ai i?,” nga nna tsun wu ai. Dai rai nna dai mahtai a matu dai Madu hpe san na nga, pru sa wa wu ai.

2 SAMUELA 24:11

Shaloi dai Madu gaw Dawi a myihtoi Gad hpe, “Ngai shi hpe lata la na lam masum jaw da sai lam Dawi hpe sa tsun su; shi lata la ai hpe sha ngai galaw na we ai,” ngu nna tsun wu ai. Shing rai hpang jahpawt Dawi rawt jang,

2 HKAWHKAM 17:13

Dai Madu gaw Israela hte Yuda hpe shadum jahprang na matu shi a dat kasa ni hte myihtoi ni hpe shangun dat wu ai: “Nanhte galaw ai n hkru ai amu ni hpe kau da nna nanhte a kaji kawa ni hpe ngai jaw ai Tara hta lawm ai nye a hkang da ai ga ni hpe mung, nye a shangun ma ni rai nga ai myihtoi ni hku nna nanhte hpe shalai jaw ai hkang da ai ga ni hpe madat mara mu.”

1 HKAWHKAM LABAU 21:9

Shaloi dai Madu gaw Dawi a myihtoi Gad hpe,

1 HKAWHKAM LABAU 26:28

Shelomit hte shi a dinghku gaw myihtoi Samuela, Hkawhkam Shawlu, Nera a kasha Abna hte Zeruia a kasha Yoab ni la wa ai kumhpa ni lawm hkra, Nawku Htingnu kata e lang na matu ap nawng da sai arai magup hte hpe hpareng ya nga ma ai.

1 HKAWHKAM LABAU 29:29

Hkawhkam Dawi a labau npawt ndung mahkra hpe myihtoi masum rai nga ai Samuela, Nahtan hte Gad ni a laika ni hta ka matsing da nga ai.

1 HKAWHKAM LABAU 9:22

Shang wa chyinghka lam ni hte chyinghka ni hpe sin na matu san da hkrum ai ni yawng gaw 212 rai nga ai. Shanhte gaw shanhte nga ai kahtawng ni hku hkan nna ka matsing da nga ai. Ndai zawn re ai shanhte a kaji kawa ni a lit ni hpe Hkawhkam Dawi hte myihtoi Samuela yan aya dang ya nga ma ai.

2 HKAWHKAM LABAU 16:10

Dai ga gaw Asa hpe masin grai pawt shangun nga ai rai nna myihtoi wa hpe htawng hta sharen da ma ai. Dai aten hta nan Asa gaw amyu masha nkau mi hpe mazut ai hku zingri hpang wa nu ai.

2 HKAWHKAM LABAU 16:7

Dai aten hta myihtoi Hanani gaw Hkawhkam Asa hpang de sa nhtawm, “Dai Madu na a Karai Kasang hpe kam hpa na malai Suri hkawhkam hpe kam hpa nga ndai majaw Israela hkawhkam a hpyen luksuk ni gaw na a lata kaw na lawt mat wa masai.

ESAIA 29:10

Dai Madu gaw nanhte hpe yup shamwi ai hte grai yup pyaw mat wa hkra galaw da nu ai. Myihtoi ni gaw amyu masha ni a myi ni tai ang ma ai, rai ti mung Karai Kasang gaw shanhte hpe amam kau ya nu ai.

ESAIA 30:10

Shanhte ni gaw myihtoi ni hpe atsin sha nga na matu tsun ma ai. Shanhte gaw, “Teng man ai amu anhte hpe hkum tsun dan mi. Anhte na mayu ai hpe sha tsun mu. Anhte a n teng n man ai ga ni hpe atsun na ga ai.

AMO LAIKA (AMOS) 7:12

Dai hpang, Amazia gaw Amo hpe, “Myihtoi wa e, ram sai! Yuda mung de bai nhtang wa nna dai shara hta mungga htawn tsun u. Dai amu a matu shanhte nang hpe shabrai jaw mu ga.

1 KORINHTU 12:17

Hkum ting gaw myi langai mi sha rai mat yang gaw kaning rai nna na lu na rai ta? Hkum hkrang ting hta na hkrai rai mat yang mung kaning rai sama manam lu na rai ta?

TARA AGYI 1:1

Yawshu si mat ai hpang Israela amyu masha ni gaw dai Madu hpe, “Anhte a amyu bawsang ni hta na kadai mahtang Hkanani masha ni hpe shawng sa gasat ang na ga ta?,” ngu nna san ma ai.

TARA AGYI 18:5

Shanhte gaw shi hpe, “Anhte hkawm sa ai hkrun lam awng dang, n awng dang na, chyeju hte Karai Kasang kaw san ya mi,” ngu nna tsun ma ai.