1 SAMUELA 9:6 - Jinghpaw Common Language Bible 2009

⁶ Shaloi shangun ma wa gaw, “Naw la yu ga! Ndai mare e shi tsun matsun teng wa wa re ai majaw, grai hkungga ging nna chyoi pra ai masha langai mi nga ai. An shi kaw sa yu ga, an lawze mu tam la lu na shara, an hpe mahkoi tsun dan lu na a dawng!,” ngu nna htan wu ai.

Jinghpaw Hanson Version Bible

⁶ Shaloi ma dai gaw, “Yu u, ndai mare e kajai gumhkawng ai Karai Kasang a masha langai mi nga ai; shi tsun matsun kang lu ai: shi hpang de sa saga; an sa ai lam shi madun lu a nhten,” ngu wu ai.

1 SAMUELA 9:6 ပူးပေါင်းရင်းမြစ်များ

NINGPAWT NINGHPANG 24:42

“Ngai gaw, ‘Ya dai ni ndai hka htung de ngai du ai shaloi, nye a madu Abraham a dai Madu Karai Kasang hpe chyeju hte ngai galaw nga ai lam hta awng dang ai lam jaw ya e.

2 SAMUELA 15:27

Shi gaw matut nna Zadok hpe, “Yu u, na a kasha Ahimaza hte Abiahta a kasha Yonahtan hpe woi nna mare de mahtang angwi apyaw hte nhtang wa masu.

1 HKAWHKAM 13:1

Yeroboam gaw shagu hkungga nawng ya na nga tawn hkungri e tsap nga yang, dai Madu a hkang da ai ga hte maren, Yuda mung na myihtoi langai mi gaw Behtela mare de du sa wa nhtawm,

2 HKAWHKAM 5:8

Shing rai byin ai lam hpe myihtoi Elisha na jang, hkawhkam wa hpang de ning nga nna ga htet dat wu ai: “Nang hpa majaw dai daram wa myit ru nga n ni? Dai wa hpe ngai hpang de shangun dat ru; Israela mung e myihtoi langai nga ai lam ngai shi hpe madun dan na we ai!”

2 HKAWHKAM 6:6

Elisha gaw, “Gara shara hta hkrat bang mat wa sata?,” ngu nna san wu ai. Dai masha wa mung shi hpe shara madun wu ai; Elisha gaw hpun dingshan langai mi kahtam la nhtawm hka de kabai bang dat wu ai rai nna nwa baw waw lung wa shangun wu ai.

SHAKAWN KUNGDAWN 25:12

Madu hpe madat mara ai ni gaw shanhte hkan sa ra ai lam ni hpe shi kaw nna sharin la na mara ai.

ESAIA 44:26

Rai ti mung, nye a shangun ma wa myihtoi ga tsun ai mung, nye a yaw shada lam ni shadan dan na matu kasa langai shangun dat ai shaloi mung, ngai gaw ndai yaw shada lam ni hte myihtoi ga ni hpe teng sha byin shangun nngai. Amyu masha ni Yerusalem hta bai shanu nga na lam mung, shanhte gaw Yuda mung na mare ni hpe bai de da na lam ni hpe mung ngai tsun nngai. Ndai mare ni hten run mat sai kaw na rawt wa na mara ai.

MAHTE 24:35

Sumsing lamu hte ginding aga lai mat wa ti mung, nye a ga gaw n lai mat na li ai.

TARA JAHPRANG 33:1

Ndai gaw Karai Kasang a masha Mawshe, shi garai n si wa yang, Israela amyu masha ni hpe shaman ya ai ga ni rai nga ai.

1 HTESALONI 2:10

Kam sham nga ai ni nanhte a man e anhte a arawn asam san seng nna teng man ai hte mara n rawng nga ai gaw anhte a matu nanhte nan sakse ni rai nga myit dai, dai hte maren Karai Kasang mung sakse rai nga ai.

1 HTESALONI 5:13

Shanhte gun hpai ai magam bungli a majaw shanhte hpe grai wa di nna hkungga lara ai hte tsaw ra ai hku galaw nga mu. Nanhte a kata hta mung shada da ngwi pyaw sim sa ai hku asak hkrung nga mu.

1 TIMOHTI 6:11

Nang chyawm gaw Karai Kasang a masha wa e, dai lam mahkra hte hpe koi gam nga u. Ding hpring ai, tara hkungga ai, kam sham ai, tsaw ra ai, shakut sharang ai hte sumnung ai myit ni hpe lu la hkra shakut shaja nga u.

1 SAMUELA 2:27

Myihtoi langai wa gaw dai Madu kaw na ndai mungga hte rau Eli kaw sa du wu ai: “Na a nji nwa Arun hte shi a dinghku masha ni Egutu hkawhkam a mayam ni naw tai nga ma yang, ngai gaw Arun kaw dan pru ni ai.

1 SAMUELA 9:8

Dai shangun ma wa gaw, “Ngai gumhpraw dengga kaji mi lu nngai; ngai shi hpe jaw na nngai; shaloi an mu tam la na shara, shi an hpe tsun dan na ra ai,” ngu nna htan wu ai.