1 SAMUELA 9:4 - Jinghpaw Common Language Bible 2009

⁴ Shan gaw Ehprim bum ga ting hte Shalisha ginwang hkan hproi hkra du hkawm mu ti mung, dai ni hpe n mu tam ma ai; shan gaw Shalim ginwang de matut tam mat wa ma ti mung dai yang hkan e lawze ni n nga nga ai. Dai hpang Benyamin a lamu ga hkan tam yu mu ti mung n mu nga ma ai.

Jinghpaw Hanson Version Bible

⁴ Shaloi shi gaw Ehprim bum ga hte Shalisha ga ting tam kau timung n mu mu ai: bai shan gaw Shalim ga lai hkra tam timung, dai yang e n nga malu ai; dai kaw nna Ben-yamin ga ting tam timung n mu ma ai.

1 SAMUELA 9:4 ပူးပေါင်းရင်းမြစ်များ

NINGPAWT NINGHPANG 33:18

Yaku gaw Mesopotamia mung na bai wa yang, Hkanan mung na Shehkem ngu ai mare de shim lum ai hte du wa nna dai mare makau na pa ni hta shi a dabang ni de da wu ai.

2 HKAWHKAM 4:42

Bai kalang mi na masha langai mi Bala Shalisha kaw nna wa yang, dai shaning hta shawng shu la ai muk-yaw mam muk tawng hkun hte nsi naisi gungsi nnan loi mi Elisha kaw la sa ya wu ai. Shaloi Elisha gaw dai hpe myihtoi hpung mi hpe jaw sha na matu shi a shangun ma ni hpe tsun wu ai;

YAWHAN 3:23

Yawhan mung Salim hte nau wa n tsan ai Enun ngu ai shara e hka n taw ntsang nga nga ai majaw, dai yang e hkalup jaw let nga nga ai. Masha ni mung Yawhan kaw sa nna hkalup hkam la shajang ma ai.

YAWSHU 19:42

Shalabim, Aiyalon, Itla,

YAWSHU 24:33

Arun a kasha Eleaza si mat sai rai nna, shi a kasha Hpineha hpe jaw ai Ehprim bum ga na Gibea mare e lup makoi da ma ai.

TARA AGYI 17:1

Lang mi, Ehprim bum ga e Mihka mying ai masha langai mi nga ai.

TARA AGYI 19:1

Israela amyu hta hkawhkam garai n nga ai aprat e, Ehprim bum ga hte tsawmra mi tsan ai shara hta Lewi masha langai mi nga nga ai. Shi gaw Yuda mung Betlehem mare na numsha langai mi hpe shi a lashi num shatai la wu ai.

1 SAMUELA 1:1

Ehprim amyu bawsang hta na Elakana mying ai wa langai mi gaw Ehprim bum ga na Rama mare hta nga nga ai. Shi gaw Zuhpa lakung lama na Tohu a dinghku hte seng ai Elihu a kashu, Yeroham a kasha rai nga ai.

1 SAMUELA 9:3

Ya, Kisha madu da ai lawze nkau mi dam mat wa ai rai nna shi gaw Shawlu hpe, “Nang hte rau shangun ma langai ngai hpe woi nhtawm dai lawze ni hpe hkan tam masu,” ngu nna tsun wu ai.